Job37
1Kesang, aide ne a mlung mbeu dila; cide pe bam gade mlai mpet dila.2Kingneilu, oh, pe kwa siu lulo, pe mui gade kepet kwa de.3Pa cide tingkam pelane kang gage lang mpet gaila, nah pa pegu tingkehepik de kideube kung gage lang mpet gaila.4Makwa ge cide caisui eh mra gaila; pa pe kendu kwa teu eh tingceu gaila; pe kwa siu keludau pa hegi kekei de kam dila ma.5Tinggwang pe kwa miswakega tingceu kwa nzwa gaila; pa anui ci cang gai kelak tadung tei gaila.6Pa buising dage rangla, ‘Kideu ga cak mie lu’; tingrui dage de cinzwa, ‘Tingrui kedi ge teilu.’7Pa mina pelane heta tei kela gade penui ta teimtak dila, iciu eh pa ne tei kegai mina leune pe batadung ngaulu kerane.8Pecai teikuudung pak mbai dila nah penui kidung ga bam dila.9Rahang pe ki ngkangle de gwangla nah kengkung nreule tingkai zang kela gade gwangla.10Tinggwang cuingi ne buising peu la; dui teukampwa kebam de hegeu nzwa tak dila.11Kesang, pe hemwa dui siusung eh kebam de teicak gaila; pa pegu tingkepik de hemwa gade teizang gaila.12Pa pe puisau gade hemwadung de teu twagwa gaila, iciu eh cidungde penuide teilu lo kecube teilu kerane, kideu pelane reu ga.13Pa ma aidungde pelane tei gaila; cide madauge tei mzui lu kerane, madauge pe deu ziemne, nah madauge samkak kelu masang tadung tei eh.14Aide kingnei lu, Job; mtak lwe Tinggwang bata miswakegahdung cet gailo.15Nang cimi Tinggwang dainzwa hemwadung teilu bi nah hegikekei de peu cidung kakga baa kelu?16Nang hemwadung him kela cimi, miswakegah Tinggwang bata dung, kecikecet yicang kecube?17Dainzwa eh n paini lumdi labi nang cimi tingkai ngkangle de kegwang dau kideube zing dedi kelade?18Pa tei kelu nzwa eh nang tingkam teukam lubui ni, tingkam, hegeu teitak kelu miakpiebung nzwa ngkieng kebam de kengkieng de?19Anui pe dage dai rang ziebi anuide ledeu beulo, anui lung mui kedine anui rang kera samdung telei daulak delu.20Ih pecu mpau neu la lie kecu pe dage rangria maisia ni? Mige pecu peu mneu luneu la ni?21Cu, minadung tingnaimiak tingkam ga baa kebam dau pie daulak tingkai cide kahgwang eh hemwadung teimci kedi dau.22Tingpeule de kecak zuyi gwangla, Tinggwang da au ngaukehing kendu la lie.23Ngkiengtube ziemne au, anui pecu peei gailak! Pa au kengkieng gah dizie lie; Pa au kenzeube de teikeherei lama nah makesang ga pui bam la.24Cine, minadung pecu hing lulo. Pa au mina penui lungning mteu lie kelame de magede pelung kai la melie.”
Bridge Connectivity Solutions Pvt. Ltd.