Job31
1Ih a miak de ngngwa sampet ge tei luda; iciu cai dainzwa Ih releime de hengin eh pie lai?2Kedanemene Tinggwang nreule kebambe dade anui qwa daipai geno, Ngkiengtube Tinggwang dade anui mapwa de?3Ih kengkap au mina masangkemakme ziemne ha de cetla, nah cipau kengkapde au kesiatadung tei kelame ziemne lie.4Tinggwang a lampuidung ngau la meni nah a pikietdung pei la meni?5Magade Ih kemau lampui ga ngngwa tet lie cai, magade a pi kecwa gage paklwet gai dicai,6Peu acu riangteukwak kensam gage arüt teu lu iciu de Tinggwang a masang de cilu zie.7Magade a pikiet de lampui gade nreu tetdi cai, magade a nlung de a miak cai suidi cai, magade magiak keheibe a ba kenana ga kau teu dilie cai,8Iciu cai peu acu malinglu, nah mikedame de peu tyeilu, nah peu a meibangdung de paidilu.9Magade a nlung de mipui gene cwa dicai, magade Ih mbai eh a kidabe kikam ga kwa bam liecai,10Iciu cai peu anau de mikedame ziemne ciu tau beu lu, nah peu kedame peidungde pecu ngngwa zeulu.11Iciu lie cai cide au ngau kehing kemau ge; kesang, cide au tutiakmedung ne saja peu lu kerabe mau da.12Iciu eh cide au mi cide kengkap pendei Abaddon ga kecang, nah cide a lumeitsi pelane pe mah gage ru gai dizie.13Magade a kilapei mede kilapui acu ngngwa marangrenia eh kenzuibe tei beulo kekie dau Ih mlai dicai,14Iciu cai Ih dai pai ge tei lai Tinggwang acu mmau kera cuh kecu dau? Pa hetutiak kera kegwang dau, Ih dainzwa pe sam keli lai?15Acu a puipuk gage tei kegai dene penui dede teigai meni? Anuide tei kegai dene perehi gage pelane de anui puipuk gage tei gai meni?16Magade Ih kegahme gede penui hengin gade kai nzeu dicai, mede magade Ih hemipui miakdung de tei msia di eh peu kehap gade mangau mci ta di cai,17Mede magade Ih ne akatei a taktyei de tyei pwa dicai nah pepei kegahme de peu tyei kera peu mecai,18kedanemene a rehang relei tingdau gade nggiana acu ngngwa lungh cu mige pe pei de ngngwa kelungh nzwa eh, nah Ih ne pepui puisau tei, hemipui ge, a katei apui puk gade.19Magade Ih mikeheibede paiheni teu kera ga kedime gede ngau cai, mede magade Ih mige paiheni teu maikesia mege de ngau cai;20Magade pa pe nlung dele acu samlam beu mecai kedanemene a meurün mai le pecu tei nlum lu kemakne,21Ih a ba hwa pwa ngianedung de cwadi cai kedanemene Ih namdibe herieki tutiak gade ngkienglu kera ci eh, iciucai acu renia eh mmau kera teu gwang lu!22Ih ma aidungde teidi cai, iciucai a hekeutu de peu a tampiera gade nghai mie dilu, nah peu a bapum de ketamtuk gade pang dilu.23Iciu eh Ih Tinggwang dade kegwang kengkap de kehing ne; kedanemene pe kedi dene, Ih cipaudung tadung de tei gai lak di.24Magade Ih kecak gede a keregui tei cai, nah magade Ih kecak dade rang eh, ‘Nang de da Ih kenlum de’25Magade Ih a suiyisüt dicai kedanemene a mahei kedi ziemne, kedanemene a ba ga mabamdung kiesüt kebam ne, iciu cai acu mmau kera teu gwang lu!26Magade Ih tingnaimiak ba kepet dau ngau cai, mede hekei pe kebaadung de ga tet kela dau,27Nah magade a mlung de de ngkim mbai eh mca dicai, iciu eh a mui ne a ba de kemam eh cide de reca cai,28Aide de tutiakmedung ne saja peu kera mau ge zie, iciu eh nreu le kebam Tinggwang de Ih mlai di lu bui lu.29Magade Ih mikeheibe de acu ngau rau kelame kengkap de de a suiyisüt dicai, mede kengkap peda gwang kelu dau a suiyi cai, iciu cai acu renia eh mmau kera teu gwang lu!30Kesang, Ih a mui le kemau tei eh pe teilung de reset kera de kie eh peu dema.31Magade minadung a ki ga kebamme madau de rang mecai, ‘Cau ge mige de Job taktyei dele teipui lu kemak ngau lu bui no?’32(Sangme kecang de madaude namdibe renei ga bam kera bema, kedanemene Ih hebeume ziemne kikamdung ngkei nzeupwa bam mui la), nah magade cide cinzwa mecai, iciu cai acu mmau kera teu gwanglu!33Magade, mina kedame nzwa, Ih a maudung de kebai di a paiheni kang gage a maudung kebai teu la cai34(kedanemene Ih mina maadi kedi de de hing kecune, kedanemene mi rütkemak kelakdung acu tei ngngisüt, cide ziemne Ih zing de bam nah hegwale de pet ma), iciu cai acu mmau kera teu gwang lu!35Oh, magade migede a sam kingnei kera bam lie cai! Pielo, aika a zi giak bam; peu Ngkiengtube Tinggwang de a sam keli lo! Magade a ngauraube acu kemmaude rauteu kela sam de a da bam lie cai!36Kesang Ih a hekeutu gage ngauka eh keupung luzie; Ih hegwangpeurwa nzwa kai lu zie.37Ih pe dage Ih tei kedi leune ranggai zie; kekuu kedime ge nzwa Ih peda hang zie.38Magade a deu acu mmau eh sah cai, nah cipau deudungde hap nsam gai cai,39Magade Ih ne luhmeitsi de pemi tei beu mene lu tyei pwa dicai mede pe mpaumedung de tei keherei eh penui teilungdung ngkap dicai,40Iciu cai wheat nding gade hetudung nah barley nding gade ceheidung peu lunglu.” Job samdung cang dida.
Bridge Connectivity Solutions Pvt. Ltd.