Job29
1Job marang dai eh cu,2“Oh, Tinggwang nda a mapie kela dau nzwa lie cai au,3pe mitaubung a reu ga baa keladau, nah Ih pe kebaa gade kemui tet kahgwang lu.4Oh, cide a tingbaziedung yitube ga Tinggwang de ngngwa zangna ketei a paiki ga bam kelu dau,5Ngkiengtube Tinggwang acu ngngwa kebam dau, nah a namedung acu twagwapung kebamdau,6a lampui maca gele kemai pwa kebamdau, nah tsura gade maca reudung lwa kepetdau!7Namdi be herieki gade Ih tet kepet dau, Ih namdi be kuda ga Ih a bam ga bam kelu dau,8henamedung acu ngaulwe penui a dade ndei di hetwa herüt peu eh, nah kecingme a ziemne cuh saplu.9Hegwang namedung Ih gwang kecu tingdau marang tadi la; penui penui ba pwa penui mui gum dila.10Mina kedimedung de matu tadi la, nah penui mui gade penui mleu kekam dila.11Penui a kwa siu keludau, penui acu samlam beula; penui acu ngau keludau, penui acu samlam beula nah acu petau delie la12kedanemene makegahbe pe ngngia kie kegai dau Ih pecu kelilu, nah pe pei kegahbe mige nede ngha beu kera gah eh mra kegaidau keli beu.13Kapdi lai eh kebamme ge samlam a da gwang; Ih hemipui ge lung teipwa suiyi lei tei.14Ih kenzeu be keulu, nah cide le acu kezuilu; a samsang au pai ge nzwa nah peurwa ge nzwa.15Ih au miakcietme miak lie; Ih au pe pi kesiame pi ge.16Ih au ma kegahme pei ge tei eh gwang; Ih au cikemakme ha de pie sünne beula.17Ih masang kemakme geija teipang dila; pe geidung kakgade kesiabe de zütdi la.18Pecai Ih ranggai, ‘Ih a ciep gade tsai zie; Ih a tingbaziedung heciang swa kekiee teibeu zie.19A mahdung himpwa duidung ga zangra pet, nah a kiakdung ga tingmui zie pelane hezim zau.20Hetwa herüt a da kebam de heci bam muila, nah a kengkieng lakpi de a ba gade heci bam muila.’21Mina a kwa kingneila; penui acu kwa bamla; penui zing de eh Ih rang kegai de kingnei bamla.22A samrangdung de tei di ge, penui marang dai lamah; a samrang penui reu ga dui nzwa cak miela.23Penui keheidau liede acu kwa bamla penui tingrui de kekwa nzwa; penui mui ngngarang lwe a samdung de sak kera teila, tingrui kekambe da teigai kera nzwa.24Ih penui dage nuirum gaila penui cide mning bam kemakdau; penui a zu gade kebaa kepet de nlai di lama.25Ih penui lampui kedet lula nah penui muiteu be nzwa ntum bamla; pe reugwame kakga Ih hegwangme ge nzwa lung, hei eh kehapme lung tau kelame ge nzwa.
Bridge Connectivity Solutions Pvt. Ltd.