Job26
1Ge job keli eh ranggai,2“Dainzwa nang pe kengkieng kegah gede ngha lulai! Dainzwa nang pe ba kengkieng kegah gede kelilu lai!3Dainzwa nang maci kegah kau gede marang lia lu nah maci keyi recilia lulai!4Nang caube ngha teu eh sam aidung de rang lai? N da ge caube rabe mpet no?5Ketsaime, dui kangga kebamme nah cika lung kebam pelane de tei mbeu dila.6Tinggwang dwagade Sheol au paula bam; kengkap pe da pedwa gade mbai gai lak. 7Ting nreule de nta kebam ni gage teu lim gai, nah pa kideu be de mage de kegah gage gwak gai.8Pa hemwa kesiu gage duidung de dumlu, dede perüt de ziemne hemwadung pangdi ma.9Pa hekei zu de gumlu nah pa hemwa de zang gai.10Pa dui gu rai de riet twa gwa lu kemui penai kebaa kak de nzwa.11Tinggim tsiadung mbeu di nah pa herata kegai dau penui macang di.12Pa pe kengkieng teu eh jaaidi de tei zing dedi; pe maci de le Rahab de teipop di.13Pecui ge le pa tingkamdung tei mci di; pe ba ge le neidi pak kela gede reudi.14Pielo, dede aidungde au pezai keceunadung ge lie; daicam nage anui peha siu bam no! Cau ne pe kengkieng kedi de ci canglu lai no?”
Bridge Connectivity Solutions Pvt. Ltd.