Job24
1Daitei Ngkiengtube Tinggwang kenlienme tutiak kera peting riet meno? Daitei Tinggwang dade masang kelame tutiak kera petingba kegwang ngau meno?2Kenlienme herai de deu nlai kecudung ge bam; kenlienmedung ge meurün hau kemei tei eh gwa teu kedidung ge bam delwe penui gu cehei ziu gage kai lu.3Penui peime kegame gu gada de penui gwa tet dila; penui hemipui tumseu de penui pau kapcang kemak ta kai nzeu di la.4Penui makegame de penui lampui gade gwagi dila; penui dade kideu ga makegame pelane mbai di la5Pielo, hetaideu ga gadadung nzwa, makegah aidungde penui taktyei pei eh penui tah tei kerane tetpet la; Arabah ne penui name de penui taktyei pwa peu kera nzwa.6Makegame tingmui ne mikedame luhdung gade luhlüt la; penui kenlienme kube luh gade hekwa lula.7Penui tingmui zie pelane pai ba mene paula zeu bam la; tingkengkung dau penui pai ba kera ga.8Lamlwadung gade hezim kei mie penuide dia hwa; penui tangtsu kedidung taiga zeula kedanemene penui nsiu kegane.9Kenlienme pe pei kegahmedung de pe pui tungtung kecu gade sütteu dila, nah kenlienme kegahme dade penui namedung de hepau lam de ngngwa teu dila.10Kegahme penui paini teu mene paula bam la; penui mzeu liede, mi kedame meikwa pung bamla.11Kegahme kenlienme ki gade maca tei la; penui kenlienme zauniakbam gade tui lula, dede penui be hereu eh rei bam la.12Namdi be gade tsaidi lai kebamme mra, nah rejam kedimedung kengha kie eh mra. Dede Tinggwang kingnei beu ma13Kenlienme midung ge kebaa de renia di; penui lampui ci ma, mede penui lampui cide ga la ma.14Tingba kemakne mide dap ketset be cuhlu nah pa makegame de dap tset; tingmui tingdau pa au keregame ge nzwa.15Cipau reu ge, kemmhame miak au mui kenlüt de kwa bam; pa rang eh, ‘Mige de acu ngau lak.’ Pa pezu tei ntsam di.16Tingkemui dau kenlienme kidung ga lütla; dede penui tingna au mbai bam la; penui keba de masi pei lama.17Penui pelane ziemne au, muiting kecu de au tingcang nzwa da; kedanemene muiting kecu de au penui zangna de lu.18Ciciu de, penui zette, dui nswak ge nzwa gah dila; penui deu de au reset dida; mige de penui kube luh ga mie mata tei lama.19Tingkecangh nah kelum dene buising dui mmi di kela nzwa, cinzwa ketsaime deu ne kemaume de teutet dila.20Pecu tetlak kepungbe de pecu nsungta dizie; tangseu ne pecu tyei kehega eh tyei luzie; pecu nsung ta di zie; ainzwa eh, kenlien au tsingbang ge nzwa pangpop dizie.21Kenlienbe hena mna kemak nagahpuidung de tuityei lula; pa hemipui da ge makeyi tei lak.22Ciciu de pe kengkieng de ne mina kengkiengme de teu tet dizie; pa cuh delwe penuide penui teilung tei ngkieng beu lak.23Penui kwak bam lie kecu kenning Tinggwang ne tei beu, nah penui cide penui suiyi lu, dede penui lampui de pie bam la.24Mina aidung de de tei cehu beu; iciu eh, peting kedui nage gage penui bamsi tadi; kesang, penuide luu teu di zie; penuide meitsi nzwa rum dizie.25Aide nzwa melie cai, caune acu kenret me lie kecu lia lu lai no; cau ge a samrang de mage de kemak tei lai no?”
Bridge Connectivity Solutions Pvt. Ltd.