Isaiah35
1Renaamkang nah Arabah sui yi dizie; nah kecangh deu de pe suiyi nah pa dizie.Rose pa nzwa eh,2cide pepa pa hemisüt zie nah suiyi ramcim eh leitei zie;Lebanon lamlwatudung de pecu peu dizie, Carmel penai Sharon zuyi de;penui RAMPAUBE kendu de ngau zie, anui Tinggwang zuyi de.3Nnei kebam badung de tei ngking lu, nah mbeu kebam ngkokpuidung de tei ngkinglu.4Penui mlung ngngi kebamme dage ranglo, “Ngkinglu, ngngi diso!Pielo, n Tinggwang hekum teu eh gwang zie,Tinggwang ziehi de teu eh. Pa gwang zie nah ncu kelilu zie.”5Pecai miakcietme miakdung ma ngau dizie, nah kwenpangme kwendung ma siu di zie.6Pecai pepi kesiame heti nzwa nsung dizie, nah marang gai kelakme lei tei dizie,kedanemene Arabah ga dui pet dizie, nah renaamkang ga dui reukidung pet dizie. 7Heciang ru kebam de rejaai ge dizie, nah hangdeu kecangh de duipwak le pui dizie;maiserungdung kelungh heni gadung, penui kezeu gadung, tampeu, duiheidung nah hekuu lungh zie.8Cika puidi Kemci Puidi ge bam zie.Mci kemakme cika mbeu gwang lak. Dede cide au cika tet kelame ziemne.Kemieme cika nlüt lak.9Hingho cika bamlak, teikuu ge de cika bam lak; penuide cika ngau gai lak,Tinggwang ne langgi kedi gade keli kebeume cika tet zie.10RAMPAUBE ne keli kelume cailigwang zienah penui Zion ga leitei eh gwang zie, nah kelunghta suiyi penui da lazie;suiyi penuide puipung zie; suisiet nah lungrei pak dizie.
Bridge Connectivity Solutions Pvt. Ltd.