Hebrewme3
1Ciziemne, kemci sinamedung, tinggim gade qu kebam ga nnui kemazi kecumedung. Jisu ha cet gailo, langkegaibe nah cingkupei kedibe lie anui rang kelade.2Pecu kedetgai kebeube dade pa samsang lala, Moses de Tinggwang ki gade samsang kela nzwa.3Kedanemene pa au Moses swade kendu digwa kecu ngaulu kerabe lie cet luda, ki be swade ki tei kegaibe ne herüt ngau kieegwalu kela nzwa.4Kedanemene ki keheibe de mige ne au teigai, dede maleune tei kegaibe au Tinggwang.5Kedanemene Moses au Tinggwang ki ga samsang kilame ge tei, pecaine rang kerabe hadung de zierang ge ziemne.6Dede Khrista au Tinggwang ki pie kerengeibe Nabe nzwa eh samsang. Anui anui kekuu de nah keregui anui hegie bam kelade de kerak ntiprip bam lucai, anui pe ki da.7Ciziemne, Kemci Rabe rangkegai nzwa eh: “Henai, magade nnui pe kwa siu cai8nnui mlung takdi so samzai teirau eh hetaideu gade mdakkepie tingdau nzwa.9Cika nnui paume samzai teirau eh acu kedei di, nah penui a batadung ngauda10mmi riakdai ge ziemne. Ciziemne Ih cipau ceheudungde de asui tadi. Ih ranggai, ‘Penui penui mlung gade tet tsam eh mdeila muila, nah penui a zaidung cilu tadi.’11Cine Ih a rata teu sampet kegai nzwa eh: ‘Penui madaude a kemtak bam ga nlüt lak.’”12Sinamedung, iciu eh nnui kakgade migede nlumkemak lungning kesia gede bam mene, ringkela Tinggwang dade nreutetdi melu kera mriak lulo.13Meliene, hangge ge de tingba ramsang kecung eh bamlo, “henai,” de qu kebamtane, iciude cwadi kela kemaudung dene nnui kakga mige lung de tei takdi melu kerane.14Kedanemene anui Khrista gu zangna ge dida magade anui kenlum de raitu gade gwang penli kecang kerak ntipriplu lie cai.15Aipau ha ainzwa ranggai da, “Henai, magade nnui pe kwa siu lie cai, nnui lung takdi so, samzai teirau kedi de nzwa.”16Cine cauge siulu nah mzai tadi no? Moses dade Egypt gade kempet leune meni?17Nah pa caudung ge da mmi riakdai ge pe rata dino? Kemau teikedimedung de meni, hetaideu ga tsai zeu kedime?18Nah pa caudung dage sampet gai no penui pe mtakbam ga lüt gailak lie kecu, samzai tei kemakmedung dage melie cai?19Anui penui nlüt gailak kedi ngauda kedanemene penui nlum kemakne.
Bridge Connectivity Solutions Pvt. Ltd.