Galatiame5
1Suirang teilu kerane Khrista anuide lungmpet beuda. Ciziemne sap ntip lulo, nah hebaang ngwanggai dwak daiso.2Ainie, Ih, Paul, nnui dage rangla, nnui hegeu rum lacai, nnui ziemne Khrista pe kemmi gah.3Ih keheibe de dage hegeurum kelabe au hezai pelane mzai maisialie kecu zierang teigai daila.4Nnui hezaibe gade nnuide tei masanglu kelame de Khrista dade keumpet dida; nnui au ngaugia gwale la dida.5Kedanemene kenlum gade, Tinggwang Rabe gade, anuide tei masanglu kera kereguide kwa sünne bam.6Kedanemene Khrista Jisu gade hegeukerum de nah rumkemak de magede ma, dede keku gade kenlum peta ketei rünne.7Nnui au pak petau tei lada. Cau nnuide kesangbe samzai ketei gade kaam lano?8Kecung kegai aide au Tinggwang nnuide qu kelube dade gwang ma!9Tsehi kecam nage le tokkui henet kelu pelane tei nggau lula.10Ih au Rampaube gade nnui ma kedabe mning dilak ha nlumla. Dede nnuide kebwak kela keheibe de pe ziehi ngauzie.11Dede sinamedung, Ih cude hegeukerum ha rangla liecai, daitei acu cude tei keherei lareu no? Ciciu liecai cross lampui kaam kebamde keugi dida.12Nnuide kebwak kelame de Ih au peu penuikatei penuide dangdi neulie!13Sinamedung, nnuide au suirang tei kera qu luda. Dede nnui suirang ketei de ziemne nnui pumteih lungning tei kera teiso; meliene, keku gade hangge gede nghalu.14Kedanemene aja ket gade hezaibe pelane teicang luda, cide, “Nang nkatei ncu keku nzwa n kidabe de kulu maisia.”15Dede nnui hangge gede ngki nah tuityei bam liecai, nnui hangge ne kedage de ngkapdi melu kerane mriak lulo.16Ih ranggaila, Kemci Rabe gade tetlu, iciude nnui pumtei hengin de tei dilak.17Kedanemene pumteih hengindung au Kemci Rabe de renia la, nah Rabe au pumteih de renia la. Kedanemene ai kenade ket ketde kengaurau lala, iciu eh nnui teikeneubedung nnui tei melu kerane.18Dede Kemci Rabe ne nnuide ngngwa la liecai, nnui au hezaibe kangga la meda.19Cu pumtieh batadung au hecili bam, cidungde cai: kemmha, mcikemak, kenlien,20mamie kereca, kereka, mide ngaukerau, keregi, miriak kesia, rata kesia, miziu keci, pang kepop, hemaa ketsamtsam ketei,21ma kehengin, zausak kemie, zau sakmie eh kenlwang, nah cikenzwa bedung. Ih ndaa nnui dage mrai rang kegai nzwa Ih nnuide mrai ranggai la, aidungde tei kelame Tinggwang hegwangram gum gailak.22Dede Rabe tsi au keku, suiyi, lungciep, helungketie, mizai keyi, keyi, masang,23kenciep, nah mikatei mide ketip kecu; aidungde de mmau kela hezai gede gah.24Nah Khrista Jisu gu tei kedime au pumteih lungning nah hengindung de si eh gwak dida.25Anui Rabe gade lunghla liecai, anui Rabe gade de tetla lugo.26Anui ngangdi melu go, mede ketket rata tei nah ketket de miriakdi melu go.
Bridge Connectivity Solutions Pvt. Ltd.