Galatiame1
1Paul, langkegaibe—mina dade mede mina kilamde de ma, dede Jisu Khrista gade nah Peibe Tinggwang, pecu ketsai gade kwakcuh kelube2nah acu ngngwa kela siname pelane ne, Galatia ga ngqwadung dage kekai:3Peibe Tinggwang nah anui Rampaube Jisu Khrista dade kegwang ngaugia nah lungciep de peu nnuida bam lulo,4anuide cu peting kesia aide gade lungmpet beu kerane, anui Tinggwang nah Peibe lungning mzai eh Khrista anui maudung ziemne pe teilung kaibeu,5Tinggwang depeu kelungta nah kelungta ndu kelube tei lulo. Amen.6Khrista ngaugia gade nnuide qu kelube dade nzet süt eh nreupwa samlia kedabe ga gwang dizeu kecune Ih a swagah lie,7samliakeyi keda gede gah, dede cika midungge ne nnuide kebwak nah Khrista samliakeyi de tei nreudi neula.8Dede anui liede mede tinggim gade tinggimgwame ge samliakeyi anui nnui dage ledeu beu kemakbe nnuide rang ledeu cai, peu pecu reset pung lulo.9Anui pedwa kerangde nzwa, cu Ih rang daila, “Keheibe de nnui dage samliakeyi nnui luu kelude kemak samlia kedage rang ledeu lacai, peu pecu reset pung lulo.”10Kedanemene Ih cu mina suibe mi Tinggwang suibe teineu lano? Mede Ih mina suibe tei kera peei lani? Ih cude mina suibe tei neula liecai, Ih au Khrista kilame tei daulak.11Kedanemene sinamedung, Ih samliakeyi rang keliade au mina samliakeyi melie kecu Ih peu nnuide ci neula.12Kedanemene Ih cide mina dade ngau luma, mede cide mide acu ledeu beuma, cide au Jisu Khrista ne keulia kegaige lie.13Kedanemene nnui Ih pedwa Judahme zai ga a teilung lungh kegwang ha ci luda, Ih dainzwa Tinggwang ngqwa de teikeherei süt eh cide tei ngkapdi kera teigwang bi kecu.14Ih a leuhme kak gade, a hia a heumedung swade Judahme renet ga mting kieeki, a paume zaisiedung ziemne mtingsüt gai.15Dede a pui za gade acu kedet ntsam kelube, nah pe ngaugia gade acu qu kelube,16acu pe Napei de pwalia kera pe suidi, ciciu eh Gentileme kakgade acu peu pe zierang teilu kerane, Ih zette mina suibe keteu ma,17mede Ih Jerusalem ga a dwa langkegaime keraimedung da hang ma. Meliene, Ih Arabia deudi ga mie nah pecai Damascus namdi ga cailigwanglu.18Mmi kecum caine Ih Jerusalem ga Cephas de ci hemi kerane hang nah Ih pecu tingbazie ziangrei eh mengei ge ngngwa bam.19Dede Ih Rampaube sinabe James de gwale langkegaime kedamedung de ngau ma.20Dede Ih nnui dage rau kegaidung de, ainie Ih Tinggwang dwade rangla, Ih au nret ma.21Pecai Ih Syria nah Cilicia cuikuidung ga miedi.22Judea ga Khrista da kebam ngqwadung de acu cisiakte mereu.23Dede penui kedame kerang rünne ci, “Piage anuide teikeherei kelabede, pa piage ngkapdi zielie kela kenlum de teu zierang teila dida.”24Tinggwang acu ngngwa heta tei kegaide ziemne penui Tinggwang de twadi.
Bridge Connectivity Solutions Pvt. Ltd.