Ezra5
1Pecai caihakecime, caihakecibe Haggai nah Iddo napei Zechariah, Judah ga nah Jerusalem ga kebam Jewmedung dage Israel Tinggwang, penui reuga kebambe zi teu caihakecisam ranggai.2Pecai Shealtiel napei Zerubbabel, nah Jozadak napei Jeshua, cuhlu eh Jerusalem ga kebam Tinggwang recaki tei cuhdi, nah Tinggwang gu caihakecime penuide ngha eh penuide ngngwa la.3Cipau tingdau, Euphrates Reuki deuceudibe Tattenai, nah Shethar-Bozenai, nah penui zangme penuida gwang eh penuide keteugai, “Caune nnuide aipau ki de tei kera nah aide teicang kera aja peu no?”4Cidau anui penui dage ranggai, “Aipau ki de tei kebamme zidung daino?”5Dede Tinggwang miak au Jew hangkiame reuga bam, nah penui penuide kaam dima Darius da sam kaigai beu eh pa pe sam keu kelidi kemaktane.6Laisiu de Tattenai, Euphrates Reuki deuceudibe, nah Shethar-Bozenai nah pe kangngwame, kedime Euphrates Reuki ga kebamme, hegwangpei Darius dage lang kegaide.7Penui pe dage paulia ge langgai nah pelung ga ainzwa rauteula;
“Hegwangpei Darius dage kaila: Lungciep leune bam kelube teilo.8Hegwangpei depeu cilo anui Judah deuceu, Tinggwang kedi kiga mielie kecu, nah cide tangtsudung disüt kecule tei pwabam, nah tangdeudung tsingget le teinzeu. Aipau ta de teune eh teibam nah penui ba gade heta tei nzetsüt nah teisüt lu bam.9Pecai anui aipau hangkiame de keteugai, ainzwa eh anui penuide ranggai, ‘Caune nnuide aipau ki de tei kera aja kai beuno nah pe rehi de teicang kera?’10Nah anui penui dage penui zidung keteusi gai, peu ncu cilu kerane, iciude anui penui kakga muiteume zi dungde raulu kerane.11Nah penui ainzwa anuide sam keli caili eh ranggai, ‘Anui au tinggim nah kideu Tinggwang gu kilamedung lie, nah anui au ki mmi kekieege aipau dwa tei kedide teidai bam, nah Israel hegwang kedi ne cide teigai nah cide teicang beu.12Ciuliede, kedanemene anui peime tinggim ga Tinggwang rata tei kedine, pa penuide Chaldeanme pei, Babylon gwangpei Nebuchadnezzar, ba gage kaibeu di, nah pa aipau ki de teimsiadi nah minadung de Babylon gage langgi di.13Dede Babylon gwangpei, Cyrus hegwang teikelu mmi raitu bekum, hegwangpei Cyrus Tinggwang ki aide teidai kera aja kaigai.14Nah Tinggwang ki gu kecak nah rangkanggeu lidung Nebuchadnezzar ne Jerusalem ga kebam kerecaki gade pwa kelude nah Babylon kerecaki gage cidungde pwagwang lu. Hegwangpei Cyrus Babylon kerecaki gade cidungde keu mpetlu delwe cidungde mige pe zi Sheshbazzar lie kecuge dage peudi, pa pecu peu deuceudibe tei kelube de.15Pecai pa pe dage rangbeu, “Aipau lidung de keutet culo. Jerusalem ga kebam kerecaki gage cidungde keumie kailu, nah peu heni cide gage Tinggwang ki tei lulo.”16Cipaucai Sheshbazzar gwang; pa Tinggwang ki Jerusalem ga kebam bangdwa tei ndeu gaibeu. Nah cipau ting gade cu kecang teibam reu, dede cide teicang luma.’17Nah cu, magade hegwangpei sui liecai, peu hegwangpei mabam ki Babylon ga kebamde gade mahei kecung lo, Hegwangpei Cyrus Jerusalem ga Tinggwang ki tei lulo beu mi mebi kecu cilu kera. Nah peu pecu aipau hade ziemne hegwangpei lungning anui dage langgai beulo.”
“Hegwangpei Darius dage kaila: Lungciep leune bam kelube teilo.8Hegwangpei depeu cilo anui Judah deuceu, Tinggwang kedi kiga mielie kecu, nah cide tangtsudung disüt kecule tei pwabam, nah tangdeudung tsingget le teinzeu. Aipau ta de teune eh teibam nah penui ba gade heta tei nzetsüt nah teisüt lu bam.9Pecai anui aipau hangkiame de keteugai, ainzwa eh anui penuide ranggai, ‘Caune nnuide aipau ki de tei kera aja kai beuno nah pe rehi de teicang kera?’10Nah anui penui dage penui zidung keteusi gai, peu ncu cilu kerane, iciude anui penui kakga muiteume zi dungde raulu kerane.11Nah penui ainzwa anuide sam keli caili eh ranggai, ‘Anui au tinggim nah kideu Tinggwang gu kilamedung lie, nah anui au ki mmi kekieege aipau dwa tei kedide teidai bam, nah Israel hegwang kedi ne cide teigai nah cide teicang beu.12Ciuliede, kedanemene anui peime tinggim ga Tinggwang rata tei kedine, pa penuide Chaldeanme pei, Babylon gwangpei Nebuchadnezzar, ba gage kaibeu di, nah pa aipau ki de teimsiadi nah minadung de Babylon gage langgi di.13Dede Babylon gwangpei, Cyrus hegwang teikelu mmi raitu bekum, hegwangpei Cyrus Tinggwang ki aide teidai kera aja kaigai.14Nah Tinggwang ki gu kecak nah rangkanggeu lidung Nebuchadnezzar ne Jerusalem ga kebam kerecaki gade pwa kelude nah Babylon kerecaki gage cidungde pwagwang lu. Hegwangpei Cyrus Babylon kerecaki gade cidungde keu mpetlu delwe cidungde mige pe zi Sheshbazzar lie kecuge dage peudi, pa pecu peu deuceudibe tei kelube de.15Pecai pa pe dage rangbeu, “Aipau lidung de keutet culo. Jerusalem ga kebam kerecaki gage cidungde keumie kailu, nah peu heni cide gage Tinggwang ki tei lulo.”16Cipaucai Sheshbazzar gwang; pa Tinggwang ki Jerusalem ga kebam bangdwa tei ndeu gaibeu. Nah cipau ting gade cu kecang teibam reu, dede cide teicang luma.’17Nah cu, magade hegwangpei sui liecai, peu hegwangpei mabam ki Babylon ga kebamde gade mahei kecung lo, Hegwangpei Cyrus Jerusalem ga Tinggwang ki tei lulo beu mi mebi kecu cilu kera. Nah peu pecu aipau hade ziemne hegwangpei lungning anui dage langgai beulo.”
Bridge Connectivity Solutions Pvt. Ltd.