Ezekiel48
1Aidungde heleuhbedung zidung da. Dan leuhme hangdeu qwa ge ngau lubui; aipau raide tingpeule Israelme rai gade Hethlon namdi nah Lebo Hamath ga kecang. Aipau rai de jüja eh Hazar Enan namdi ga kecang nah Damascus rai gade tingpile nah Hamath hegwangram ga kecang zie. Dan rai gade naimiak kepetle ge jüja eh Jaaidi Kedi ga kecang zie.2Dan rai de kencüt gade naimiak kepetle de kenlütle kecang, Asher de qwa ge ngau lubui.3Asher rai de kencüt gade naimiak kepetle de kenlütle kecang, Naphtali de qwa ge ngau lubui.4Naphtali rai de kencüt gade naimiak kepetle de kenlütle kecang, Manasseh de qwage ngau lubui.5Manasseh rai de kencüt gade naimiak kepetle de kenlütle kecang, Ephraim de qwage ngau lubui.6Ephraim rai de kencüt gade, naimiak kepetle de kenlütle kecang, Reuben de qwage ngau lubui.7Reuben rai de kencüt gade, naimiak kepetle de kenlütle kecang, Judah de qwage ngau lubui.8Hangdeu kepeu deu de gage nang tei zie lie kebamde au ngngwa Judah rai de kecang nah tei mtie mpet naimiak kepetle gade kenlütle ga kecang; cide pedi cubit cang ngkaiemengei zie. Petie be naimiak kepetle de kenlütle kecang cide heleuh leuh ge qwa kenzwa ge zie, nah kerecaki be sum ga zie.9Hangdeu cide nang RAMPAUBE de pwa peu kera de petie cubit cang ngkaiemengei nah pedi cubit cang kerei zie .10Aidungde hangdeu kemci qwa tei kera nlum kegai tadung zie. Cingkumedung ne penuide nlum kegai hangdeu tingpile bie petie pemdet cubit cang ngkaiemengei; naimiak kenlütle pedi cang kerei cubit, naimiak kepetle pedi cang kerei, nah tingpile petie cubit cang ngkaiemengei, nah RAMPAUBE kemci bam de sum ga zie.11Aide au peu Zadok leuh gade kegwang cingkumedung gu kemci ni ge zie, penui au samsang eh agwa tei nah Israelme de si eh ngngwa kemau bata tei ma, Levimedung tei kedi nzwa eh.12Penui reca kera hangdeu bam de au mcitube zie, tei mdi mpet Levimedung rai ga kecang zie.13Levimedung deu de jüja eh cingkumedung deu rai ga kecang petie cubit cang ngkaiemengei zie nah pedi cubit cang kerei zie. Aipau hangdeu kena de pelane de petie cubit cang ngkaiemengei zie nah pedi cubit cang ngkai zie.14Cingkume nah Levime cide zwa mede rehiak lak; Israelme deu gade petsi bui raitubedung liede madaude keu ntsam de lak kedanemene aide au RAMPAUBE dade kemci ni gelu.15Hangdeu kebangbe, pedi cubit cang mengei nah petie cubit cang ngkaiemengei, penui cika lung eh hangdeu be teulung lubui, kidung, nah heidiak deu; namdi be sum ga zie.16Aidungde namdi be gu pemdetdung zie: tingpeule de tingpile de petie pedi cubit 4,500 zie; nah naimiak kepetle de kenlütle de petie pedi cubit 4,500 zie.17Namdi be ziemne luh kemdiak ge bam zie, tingpile de tingpeule de pecok cubit 250 ; nah naimiak kenlütle de kepetle de pecok cubit 250 zie.18Kemci kereca deu kebangde tei mdi mpet naimiak kepetle bie cubit cang kerei nah kenlütle cubit cang kerei. Aide tei mtie mpet jüja kemci deu rai ga kecang zie, nah namdi ga heta tei kelame ne luu tyei zie.19Mina namdi ga heta keteime, mina Israel leuhmedung dade kegwang leune hangdeu cide tatyei lubui.20Kereca deu pelane cubit cang ngkaiemengei le cang ngkaiemengei pemdet zie. Ainzwa eh nang cide namdi be deu de ncüt eh kemci reca deu tei luzie.21Hangdeu aide tu kenana le bie kerecaki nah namdi ni dung de hegwangnapei gu zie. Hangdeu aide tei mdi mpet naimiak kepetle bie cubit cang ngkaiemengei gade kemci kerecaki rai naimiak kepetle rai ga kecang, nah pedeu aide tei mdi mpet cubit cang ngkaiemengei naimiak kenlütle rai kecang zie. Sum gage kemci reca tei gai zie, nah kemci recaki bam de sum ga zie.22Hangdeu teimdi kempet Levimedung deu ga nah sum ga kebam namdi de hegwangnapei gu zie; aide judah rai nah Benjamin rai kakga zie, aipau deu de hegwangnapei gu zie.23Heleuh kebangdung ziemne, penui qwadung au naimiak kepetle de kenlütle kecang. Benjamin de qwage ngau lubui.24Benjamin rai de kencüt gade naimiak kepetle de kenlütle ga, Simeon de qwage ngau lubui.25Simeon rai de kencüt gade naimiak kepetle de kenlütle ga, Issachar de qwage ngau lubui.26Issachar rai de kencüt gade naimiak kepetle de kenlütle ga, Zebulun de qwage ngau lubui.27Zebulunme rai tingpeule de gwang naimiak kepetle de kenlütle ga, Gad hangdeu, qwage ngau lubui.28Gad rai tingbangle tei mdi mpet tamar gade Meribah Kadesh dui kecang de, nah Egyptme deu gade dui kedi kecang de.29Hangdeu aide ziemne nnui dacak tei zie; Israel leuhmedung de peu gum lu kerane. Aidungde penui qwadung zie. Aide RAMPAUBE Tinggwang ne ndugai.30Aidungde Jerusalem namdibe gade kempetdung zie: tingpeule bie petie pemdet cubit 4,500 zie. 31Heriekidung kecum bam zie, Israel leuhmedung zi ram cau msiak lwe: Reuben ziemne herieki ket, Judah ziemne ket nah Levi ziemne ket.32Naimiak kepetle bie, petie pemdet cubit 4,500 zie, heriekidung kecum bam zie: Joseph ziemne herieki ket, Benjamin ziemne ket, nah Dan ziemne ket.33Tingbangle bie, petie cubit 4,500, heriekidung kecum bam zie: Simeon ziemne herieki ket, Issachar ziemne ket, nah Zebulun ziemne ket.34Naimiak kenlütle bie, pemdet cubit 4,500 zie, heriekidung kecum bam zie: Gad ziemne herieki ket, Asher ziemne ket, nah Naphtali ziemne ket.35Namdi be de twakengwa pemdei cubit cang kereieheset zie; cipaunai gade namdibe zi “RAMPAUBE cika bam” de dizie.
Bridge Connectivity Solutions Pvt. Ltd.