Esther1
1Cu Ahasuerus tingdau (pa au Ahasuerus, India gade Cush ga kecang, 127 deuceudung reu hegwang keteibe pei);2cipau tingdau, hegwangpei Ahasuerus pe kengkieng hegwangbam ga kebam dau, cide Susa kuda ga:3pa hegwang tei kelu mmi pe kecum bekum, pe kangga kedime nah kerengeime pelane ziemne pa taktyei ngyi kedi mteigai beu, Persia nah Media reugwame, makecime, nah deuceu ga kedimedung pe dwaga gwang bam,4cidau pa pe hegwangram mahei kemdu nah pe kedi hezukeyi kebaa de peting kekiee ge ziemne liagai, zie 180 ge.5Nah taktyei ngyi kedi keraibe tingba ziedung de canglu ge, hegwangpei Susa kuda ga kebamme mina pelane ziemne, ceutu gade ditu ga kecang, lang henane ge ziemne, hegwangpei ki gurie kigu gade taktyei ngyi mtei beu.6Langcim helang nah kemhei byssus riadung ga nzu bam nah gieremang rangkanggeu ringgoi nah marble tsiapumdung ga bam. Kecak nah rangkanggeu bamdung be porphyry nah alabaster nah tangtsu pemi kehungbe le tei kelu tetkenggwa kisie gage kailu.7Nah kecak piakdung gage zau kai beu, piakdung ket swa ket tsamtsam cio; nah hegwang zau au kieesüt bam hegwangpei mbang eh kebam rehi gade.8Nah cide hezai kai kebeu ria gade sak, “Cika migede de ketang ma,” kedanemene iciu eh hegwangpei pe ki pie kerengeime dage peu mina keheibe de de pesui riep gade sak lulo beudi delu.9Cipaureude, hegwangpui Vashti liede hegwangpei Ahasuerus hegwangki lungga kebam mipuidung de taktyei ngyi mtei pwapeu bam.10Hegwangpei ngyi langhenane benai, hegwangpei zausak le pesui yi eh mnung kui kebamdau, pa Mehuman, Biztha, Harbona, Bigtha nah Abagtha, Zethar nah Karkas (Eunuch hang hena hegwangpei Ahasuerus dwaga hegwa keteime) dage rangdi,11hegwangpui Vashti de hegwangpei dwaga pe hegwang peurwa mrwalwe nzang gwanglo eh, iciu eh minadung nah kedimedung dage pe hezukeyi de keulia kera; kedanemene pa ngau hezu yisüt kecune.12Dede hegwangpui Vashti hegwangpei sam eunuchmedung dage kai kebeu de mlaidi. Ge hegwangpei pe rata sütdi, nah lunghop le peda puidi.13Pecai hegwangpei makecime, hezai nah aja kecime dage ranggai, (kedanemene cidau hegwangpei hezai kecimedung nah tutiak kecimedung dade penui lungning keteu kela zai kebamne;14nah petai nna kebamme cai Karshena, Shethar, Admatha, Tarshish, Meres, Mersena, Memukan, Persia nah Media ga kedimedung hang hena hegwangpei da kebam caihakecime, hegwangram ga bam raitumedung):15“Hezai ria gade, hegwangpui Vashti de aipaude gade daipai tei kerabe no, pa hegwangpei Ahasuerus eunuchmedung dage aja lang kegaide mzai mei kedine?”16Nah Memukan gwang hegwangpei nah kedimedung dwa gade keligai, “Hegwangpui Vashti hegwangpei da rünne tei mau gai meda, dede kedimedung pelane nah hegwangpei Ahasuerus gu deuceudung ga kebam minadung pelane dage teigai da.17Kedanemene hegwangpui tei kegai ma aide mipui pelane da cigwang dizie, aiciu eh penui nahpeidung de penui dwa gade mlai dizie, ‘Hegwangpei Ahasuerus hegwangpui Vashti de pe dwaga ngngwa gwanglo ranggai, dede pa gwang ma,’ de eh penui kerang dau.18Cu tingbazie aika, Persia nah Media ga kedime naudung hegwangpui ha siu kelume hegwangpei kangga kedimedung pelane dage cinzwa rang zie da; delwe cika ngau kenghet nah lunghop bam dizie!19Magade hegwangpei pesui liecai, hegwang zai gade peu pesam kaigai beulo, nah cide peu Persia nah Mediame hezaidung gage rau lulo (cide madauge de gah dilak) peu Vashti de madaude hegwangpei Ahasuerus dwa ga gwang dai lak lie kecu; nah peu hegwangpei de hegwangpui bam de pe kidabe pui, peswa yiki kecu pui de de peu dilu.20Pecai hegwangpei pe hegwangram pelane ziemne hezai kai kegai de cigwang luzie, pe hegwangram dizu liede. Iciude mipuidung leune penui nahpeidung de rüt luzie, ditu gade ceutu kecang liede.” 21Sam cide hegwangpei nah kedimedung penui suilu; nah hegwangpei au Memukan kerang samde nzwa teilu.22Nah pa hegwang deuceudung pelane ga laisiudung langgai beu, deuceu ge gade deuceu ge ga penui rau kela ria gade, nah minadung leune de penui kwa led rehi gade raulwe langgai beu: mipei leune peki ga kengkieng teu maisia lie kecu nah pe mina led ria gade marang zie lie kecu.
Bridge Connectivity Solutions Pvt. Ltd.