Ephesame6
1Henamedung, Rampaube gade nnui puipei sam mzailu, kedanemene aide petau lu.2“N pui nah n peide rütlu” (aide sampet si eh sam kaikebeu raitube),3“iciude nang yi luzie nah nang kideu ga ringtie luzie.”4Nah mipeimedung, nnui name suisiet rang penui rata teiso. Meliene, penuide peu samzai ketei nah Rampaube ha keci gade lungh cuhlu.5Kilamedung, ngngi nah mbeu eh nnui kideu mpaumedung samzai teilu, nnui Khrista gwa ketei nzwa eh lungsang gade teilu,6mina miakngau gade mina suiyi teiso, dede Khrista kilamedung nzwa, nnui lung gade Tinggwang lungningbe teilu,7nnui zai yi eh mina ziemne mene Rampaube gwaketei nzwa tei lulo.8Mina keheibe de, kilame mede kilame kemakme de, pa makeyi teigai cai, Rampaube dade pa ziehi ngau luzie kecu ci lulo.9Nah mi mpaumedung, penui dage cinzwa teigai lu. Keheu kecu mtaklu. Nnui nah penui Mpaube, tinggim ga kebam nah pa heneuherüt teila kemak nnui ci bam.10Kekambe, Rampaube gade nah pe kengkieng gade ngkiengbam lulo. 11Tinggwang reunet pelane teulu, iciude nnui herakesiabe heciem teikela gade ngkieng luzie.12Kedanemene anui mi teih nah mi jai de ngngwa keregi ma, dede kedime, kengkieng keteumedung, kideu kemui teu kebamme, tinggim ga kesia rabe maadungde ngngwa renia bamlu.13Aide ziemne, Tinggwang reunet pelane teulu, iciude nnui kesiabe tingdau regi sap luzie, nah ma aidungde teikap lude, nnui sap ntip luzie.14Ciziemne, kesangbe le nnui kia kanglu, nah kesamsangbe le nnui hekarakcum teilwe sap ntiplu,15nah lungciep samliakeyi de le teu nnui picum teilwe mtei pwabam muilu.16Mapelane gade kenlum geu punglu, cide le nnui kesiabe lakpitsi heu kebam pelane teimmüt lubui.17Nah kelikelu peurwa nah Kemci Rabe kiengtie de keulu, cide au Tinggwang sam.18Kengha kekie leune ga, keheidau de Rabe gade kekie tei eh kiebam muilu. Nah lia eh kemcime pelane ziemne kie eh kwa bamlu, kekam ga kecang de,19nah a ziemne de kielu, iciude Ih a mui ngkei kegaidau acu peu sam ranglu kerane, iciu eh peu kuusüt eh samliakeyi kecokde paulia eh mide peu cilu kerane20(Ih samliakeyi de ziemne samgwa baangme ge teila), iciu eh rang maikesiabe Ih kuusüt eh ranglu kerane.21Iciu eh peu nnuide Ih dainzwa bambi, nah daipai tei bambi kecu cilu kerane, a kube nah masang eh Rampaube ta kelabe, Tychicus nnuide ma pelane ranglia zie,22Ih aipau kiede ziemne pecu nnui dage langgai, iciu eh peu nnuide anui tei keladungde cilu kerane nah nnui lung tei ngkuu silu kerane.23Peu Peibe Tinggwang nah Rampaube Jisu Khrista dade lungciep, nah keku kenlum si eh sinamedung da bam kelube tei lulo.24Anui Rampaube Jisu Khrista de lungsang teu hung kelame pelane da peu Tinggwang ngaugia bam kelube tei lulo.
Bridge Connectivity Solutions Pvt. Ltd.