Hezaidung33
1Aipau samlam de Moses Tinggwang minabe ne Israelme de pa tsai kemak dwa samlam gaibeu.2Pa rangdi: RAMPAUBE Sinai Deutu gade gwang nah Seir gade penui reuga cuhlu. Pa Paran Deutu gade baaha petgai, nah pa kemci medung cang kerei de ngngwa gwang. Pe ba zetle ga miheu kebaa ge la.3Kesang, pa minadung de ku la; kemci mina pelane de n ba ga bam, nah penui n pi ga keumie; penui n samdung ngaulu.4Moses anuide hezai ge kai gaibeu, Jacob maame ziemne mapwa.5Pecai Jeshurun ga hegwangpei ge bam, mina peubedung ngkwa keludau, Israel leuhme pelane ngngwa ncüt.6Reuben de peu lunghlu nah peu tsai diso, dede peu pe mina camlu.7Aide Judah ziemne samlam da. Moses rangdi: RAMPAUBO, Judah kekie kingnei gailo, nah pecu pe mina da ngngwa gwang dai beulo. Pe ziemne regi lo; pe ngauraume de regi nghalo.8Levi ha, Moses rangdi: Ngu Thummim nah ngu Urim de ngu kesamsangbe gu, nang Massah gade kedakpie kecube de, nang Meribah dui gade ngngwa keherei kecube de.9Pe pei nah pe pui ha kerangbe pei de, “Ih penaide ngau ma.” Pa pe siname de de hetwa peu ma, mede pa pekatei pe name de de mapei ma. Kedanemene pa n sam de gumlu nah n samkak de mzai kelune.10Pa Jacob de ledeu beu n zaisiedung nah Israel de ngu hezai. Pa n dwa gage marim kehengui nah n recabam gage keru ratak pelane kai zie.11RAMPAUBO, pe mabamdung samlam beulo, nah pe batadung de luu lulo. Pecu mmau eh cuh kecume kia tei takcai dilu, nah pecu ngau keraume de, ciude penuide peu cuh dai kelakne.12Benjamin ha, Moses rangdi: RAMPAUBE ne ku kelame petaiga kwak eh lunghbam; RAMPAUBE pecu tingba pelane gumla, nah pa RAMPAUBE ba kakga lunghla.13Joseph ha, Moses rangdi: RAMPAUBE de peu pe deu samlam beulo tinggim gu pemi kewhungdung, hezin le, nah dui kecuk pekang lebie de.14Peu pe deudi de tingnaimiak gade meitsi keyi le samlam beulo, pekei ramsang peu matsi yitube bui kera,15lamlwa kehegwadung de peu ma yitubedung le, nah kelungta kideutudung ga ma yitubedung le.16Peu pe deu de kideu ga ma keyidung le puih eh samlam beu, nah pe keyi dele miheu tsinghum ga kelabe de. Peu samlam de Joseph reu ga gwang lulo, nah pe sinamedung reu kedibe peurwa reu gade.17Hetum ngkak raitube, pa ngkieng, nah pe kiidung au renaam tum kidung. Cide le pa minadung de, penui pelane de, kideu penli le ge niagai dizie. Aidung de Ephraim gu cang kereidung; aidung de Manasseh gu cangcang.18Zebulun ha, Moses rangdi: Zebulun nang tet pet kecu ga nsuiyilu, nah nang, Issachar, ngu ramzeukidung ga.19Penui lamlwa gage minadung de qugai zie. Cika penui masang ratak tei gai zie. Kedanemene penui jaaidi gade mahei kekiee ngaulu zie, nah duikung heciang gade.20Gad ha, Moses rangdi: Gad tei mdi kebeube de peu samlam punglu. Pa cika hingho nzwa lungh bamzie, nah pa mi ba mede mipeu ramgi dizie.21Pa pekatei ziemne yitube peu, cika muiteume ge kwa deu kai mzeu kecu ziemne. Pa mina peuteume de ngngwa gwang. Pa RAMPAUBE kemzuibe de nah pe zaisiedung de Israelme de ngngwa eh mzailu.22Dan ha, Moses rangdi: Dan au hingho na ge Bashan gade nsau mpet.23Naphtali ha, Moses rangdi: Naphtali, suiyi le pui,
nah RAMPAUBE samlam kepui tei eh,
naimiak kenlwetle nah tingbangle kecang deu gumlu.24Asher ha, Moses rangdi:
Asher de peu keda namedung swade samlam pung ki lulo;
peu pecu pe siname de luu lulo,
nah pecu peu pe pi olive ca ga npung lulo. 25Peu n namdi hegeu nah hetageu rieki lulo;
n tingbazie pelane de, peu kwak lulo.26Jeshurun, kesamsangbe, migede Tinggwang nzwa gah, tinggim ga cwa bam la nnuide ngha kerane, nah hemwa ga ndu eh.27Kelungta Tinggwang au mide gumla, nah kelungta ba de pekangga. Pa ngauraume de n dwa gwa mpet dila, nah pa ranggai, “Tei msia di!”28Israel lungciep teu eh lunghlu. Jacob kelung bamde kwaklu mei nah zau keheci deu ga; kesang, peu tinggim gade hezin peda keimie lo.29N samlam au kiee, Israel! Cau nang nzwa no, RAMPAUBE ne keli kelume, nnuide ngha kela geu, nah nnui kendu kiengtie? Nnui ngauraume mbeu eh nnuida gwang zie, nnui penui bam kehudung daucim dizie.
nah RAMPAUBE samlam kepui tei eh,
naimiak kenlwetle nah tingbangle kecang deu gumlu.24Asher ha, Moses rangdi:
Asher de peu keda namedung swade samlam pung ki lulo;
peu pecu pe siname de luu lulo,
nah pecu peu pe pi olive ca ga npung lulo. 25Peu n namdi hegeu nah hetageu rieki lulo;
n tingbazie pelane de, peu kwak lulo.26Jeshurun, kesamsangbe, migede Tinggwang nzwa gah, tinggim ga cwa bam la nnuide ngha kerane, nah hemwa ga ndu eh.27Kelungta Tinggwang au mide gumla, nah kelungta ba de pekangga. Pa ngauraume de n dwa gwa mpet dila, nah pa ranggai, “Tei msia di!”28Israel lungciep teu eh lunghlu. Jacob kelung bamde kwaklu mei nah zau keheci deu ga; kesang, peu tinggim gade hezin peda keimie lo.29N samlam au kiee, Israel! Cau nang nzwa no, RAMPAUBE ne keli kelume, nnuide ngha kela geu, nah nnui kendu kiengtie? Nnui ngauraume mbeu eh nnuida gwang zie, nnui penui bam kehudung daucim dizie.
Bridge Connectivity Solutions Pvt. Ltd.