2 Samuel8
1Aipau cai matiemene David Philistinme de gwaketang nah penuide ngamlu. Cine David Metheg Ammah de Philistinme ne kezeupwa kebamde gade gumlu.2Pecai pa Moabme de ngamdi nah pe minadung de peu hangdeu ga penuide zeulwe maria teu mdet. Pa heria kena teitset kera mdet mpet nah ria ge peu ring bam kera. Cine Moabme David kilame teidi nah heraha pecu peu ndeudi.3Pecai David Zobah gwangpei Rehob napei Hadadezer de ngamlu, Hadadezer Euphrate reuki tai de pe kedi kezeu dailu kera mie keladau.4David pe dade 1,700 bagidung nah hepi le ketetme cang ngkai de tuilu. David bagi hekwendung pelane pi tei telwa di, dede bagidung pehai ziemne hekwendung kainzeu lu.5Damascus gade Aramme Zobah gwangpei Hadadezer de ngha zielie kegwang dau, David Aramme mina cang ngkaiekena gede teitsetdi.6Pecai David penui deu Damascus ga Aram gage reugwame ramzeukidung teigai lu nah Aramme pe kila teidi nah pe dage heraha kai ladi. RAMPAUBE David kemie leuga pecu ngkieng kelu peu.7Hadadezer kang ga kilamedung ne pungkela kecak geudung de David ne tuilwe Jerusalem ga cidungde punggwang di.8Hegwangpei David Hadadezer namdi gadung, Tebah nah Berothai gade hetageu kekieege keulu.9Hamath ga hegwangpei Tou, David Hadadezer reugwame pelane de ngamkedi siulu ge,10Tou pe napei Hadoram de hegwangpei David Hadadezer reu ngkieng kelune pecu kelum gai delwe samlam beu kera langgai, Kedanemene David Hadadezer de de ngngwa hereu tei nah pecu ngam kelune, delwe kedanemene Hadadezer Tou de ngngwa ma kekieege hereu tei renia kecune. Hadoram kecak, rangkanggeu, nah hetageu le teikelu madung peda punggwang.11Hegwangpei David pa heleuhdung pelane de ngamkelu gade ngaukelu kecak nah rangkanggeu cidungde, RAMPAUBE de kereca ga teu kerane kai nzeudi,12Moab, Aram gade Ammon minadung, Philistinme, nah Amalek, Zobah gwangpei Rehob napei Hadadezer dade tuikelu hemadung pelane si eh.13David Mcai Langkam gade Aramme, minadung cang kerei heset de ngam kelu gade pa cailigwang keludau, pezi mdu kidi.14Pa Edom deu pelane gage reugwame ramzeukidung teilu, nah Edomme pelane pe kilame teila di. RAMPAUBE David kemie leuga pecu ngkieng kelu peu.15David Israel pelane reu kedi tei nah pa mina pelane dage mzui nah samsang eh penui reu kedi tei gwang.16Zeruiah napei Joab ne reugwame reu kedibe nah Ahilud napei Jehoshaphat ne keraube tei.17Ahitub napei Zadok nah Abiathar napei Ahimelech pe naine cingkupei nah Seraiah ne keraube tei.18Jehoiada napei Benaiah Kerethitme nah Pelethitme reu keteube nah David napeimedung cai hegwangpei kangga ga pepeu keteu ditume.
Bridge Connectivity Solutions Pvt. Ltd.