2 Samuel23
1Cu aipau samdung de David sam kamtube da, Jesse napei David herüt peusüt kecube pei de, Jacob Tinggwang ne keniak kelube de, Israelme ziemne lei keyi mpwak kegaibe.2“RAMPAUBE rabe a dade marang gai, nah pe sam au a mleu ga la.3Israel Tinggwang marang gaida, Israel de Kegumbe a dade rangdi, ‘Mige masang eh mina peureu hegwang keteibe, Tinggwang mie hing eh hegwang keteibe,4pa au hemwadung kega tingcang, tingnaimiak kepet dau tingcang naimiak baa kebam nzwa zie, tingrui cai, cehei kerenube hangdeu gade lungmpet eh, tingnaimiak ne tau mzaipei kebam nzwa.5Kesang, a kilungme Tinggwang dwade cinzwa meni? Pa acu ngngwa kelungta bam kera samkak luda meni, sam kaigai nah sampet gileu gaikelak? Pa a kelikelu tei ngkiee beu nah Ih luukeneu pelane teicang beu meluini?6Dede kesiame leune au hetudung keling gidi kerabe nzwa zie, kedanemene migede cidung de heba le hekwa gailak.7Mina cide deu cume au hegeu nia ge mede hengei tang teu maisia. Penui kebam gade penuide ru ngga dizie.’”8Aidungde David reugwa kengkiengme zidung: Hachmonme Jeshbaal ne reugwa kenlang mereu muiteube. Pa piage mina hai heset de teitsetdi. 9Pa cai Ahohitme pei Dodai napei Eleazar, pa de kengkieng mina hangcum kak gade hangge. Pa David de ngngwa la, Philistinme hereu tei kera ngkwa ncüt kebam gade penuide hereu tei kera kequ dau, nah Israelme caili kedidau.10Eleazar pe sap ga sap eh pa pe ba mneidi nah pe kingtie hwacuh gailak di kemaktane Philistinme de ngngwa regi. Cipaunai RAMPAUBE ngkiengkelu kedi ge peu. Eleazar cai reugwame ketsai paau gade hereunet lwak kera rünne cailigwang.11Eleazar cai Hararitme pei Agee napei Shammah. Philistinme reteipi luh kebam ga gwang ngkwa lu, nah reugwame penui dade pakdi.12Dede Shammah luh sum ga saplu, delwe cide gumlu. Pa Philistinme de teitsetdi nah RAMPAUBE ngkiengkelu kedige teugwang beu.13Luhlüt kera tingdau reugwame camrei gade hangcum David kebam Adullam tsupop ga hung. Cidau Philistinme reugwamedung Rephaim langkam ga ramzeuki teilwe bam.14Cidau David pe kengkiengbam, tsupop ge ga bam, nah Philistinme ramzeuki Bethlehem ga bam.15David dui sak neu di nah rangdi, “Magade mige acu dui sak kera Bethlehem ga kirie taiga kebam tekwa de gade dui acu pwa peu liecai!”16Cine aipau kengkieng mina hangcum de Philistinme reugwame de nia lütlu nah kirie taiga tekwa kebam, Bethlehem tekwa gade dui twaklu. Penui dui David da teugwang beu, dede pa cide sak laklie di. Meliene, pa cide RAMPAUBE de reca bam gage ruigai di.17Pecai pa rangdi, “A dade mdei dilu RAMPAUBO, Ih aide tei zielie kera. Mina a ziemne penui teilung kerehim gage kai kebeume jai Ih sak zieni?” Cine pa cide sak laklie keli di.
Aidungde reugwa kengkieng hangcum batadung da.18Joab sinabe Abishai nah Zeruiah napei ne penui hangcum reu muiteube. Pa piage pengei le mina haicum de regi nah penuide teitsetdi. Pecu de reugwame kengkieng hangcum de si eh rang bamla.19Pa au penui hangcum swa de mlang gwa meni? Pecu penui reu muiteube teilu. Ciuliede pe kenlang reugwa ndusüt kecu hangcum de nzwa nlang luma.20Kabzeel gade kegwangbe, Jehoiada napei Benaiah, pa kengkieng peige nah kekuu bata kekiee teigai. Pa Moabme Ariel napei hangna de teitsetdi. Pa buising keei kebamdau de hekwaki ge ga lüt eh hingho ge de teitsetlu.21Delwe pa Egyptme pei disüt cuge de teitsetdi. Cipau Egyptme pei de pe ba ga hengei bam, dede Benaiah pe tuitie ge rünne le pecu ngngwa regi. Egyptme pei ba gade pa hengei de sütlu, delwe pe hengei de le pecu teitsetdi.22Jehoiada napei Benaiah kekuu bata aidungde teilu nah pecu de reugwa kengkieng hangcum de ngngwa si di.23Pecu reugwame camrei de swa de rüt gwala, dede kengkieng mina hangcum dede kerüt nzwa pecu rüt luma. Dede David pecu peu pe pumkwame reu keteube teilu.24Camrei de ga mina aidungde si: Joab sinabe Asahel, Bethlehem gade kegwangbe Dodo napei Elhanan.25Harodme pei Shammah nah Harodme Elika,26Paltitme pei Helez, Tekoitme pei Ikkesh napei Ira,27Anathothme pei Abiezer, Hushahme pei Sibbekai 28Ahohitme pei Zalmon, Netophathme pei Maharai;29Netophathme pei Baanah napei Heleb, Benjamin deu Gibeah gade kegwang Ribai napei Ithai,30Pirathonme pei Benaiah, Gaash langkam gade kegwangbe Hiddai.31Arbahme pei Abi-Albon, Bahurimme pei Azmaveth,32Shaalbonme pei Eliahba, Jashen napei kena, Hararme pei Shammah napei Jonathan,33Hararitme pei Sharar napei Ahiam,34Maacahme pei Ahasbai napei Eliphelet, Gilonitme pei Ahithophel napei Eliam,35Carmelme pei Hezro, Arbitme pei Paarai,36Zobah gade kegwang Nathan napei Igal, Gad leuhme Bani,37Ammonme pei Zelek, Beerothme pei Naharai, Zeruiah napei Joab reunet kepwabe,38Ithritme pei Ira, Ithritme pei Gareb,39Hittime pei Uriah, pelane ge camrei-hena.
Aidungde reugwa kengkieng hangcum batadung da.18Joab sinabe Abishai nah Zeruiah napei ne penui hangcum reu muiteube. Pa piage pengei le mina haicum de regi nah penuide teitsetdi. Pecu de reugwame kengkieng hangcum de si eh rang bamla.19Pa au penui hangcum swa de mlang gwa meni? Pecu penui reu muiteube teilu. Ciuliede pe kenlang reugwa ndusüt kecu hangcum de nzwa nlang luma.20Kabzeel gade kegwangbe, Jehoiada napei Benaiah, pa kengkieng peige nah kekuu bata kekiee teigai. Pa Moabme Ariel napei hangna de teitsetdi. Pa buising keei kebamdau de hekwaki ge ga lüt eh hingho ge de teitsetlu.21Delwe pa Egyptme pei disüt cuge de teitsetdi. Cipau Egyptme pei de pe ba ga hengei bam, dede Benaiah pe tuitie ge rünne le pecu ngngwa regi. Egyptme pei ba gade pa hengei de sütlu, delwe pe hengei de le pecu teitsetdi.22Jehoiada napei Benaiah kekuu bata aidungde teilu nah pecu de reugwa kengkieng hangcum de ngngwa si di.23Pecu reugwame camrei de swa de rüt gwala, dede kengkieng mina hangcum dede kerüt nzwa pecu rüt luma. Dede David pecu peu pe pumkwame reu keteube teilu.24Camrei de ga mina aidungde si: Joab sinabe Asahel, Bethlehem gade kegwangbe Dodo napei Elhanan.25Harodme pei Shammah nah Harodme Elika,26Paltitme pei Helez, Tekoitme pei Ikkesh napei Ira,27Anathothme pei Abiezer, Hushahme pei Sibbekai 28Ahohitme pei Zalmon, Netophathme pei Maharai;29Netophathme pei Baanah napei Heleb, Benjamin deu Gibeah gade kegwang Ribai napei Ithai,30Pirathonme pei Benaiah, Gaash langkam gade kegwangbe Hiddai.31Arbahme pei Abi-Albon, Bahurimme pei Azmaveth,32Shaalbonme pei Eliahba, Jashen napei kena, Hararme pei Shammah napei Jonathan,33Hararitme pei Sharar napei Ahiam,34Maacahme pei Ahasbai napei Eliphelet, Gilonitme pei Ahithophel napei Eliam,35Carmelme pei Hezro, Arbitme pei Paarai,36Zobah gade kegwang Nathan napei Igal, Gad leuhme Bani,37Ammonme pei Zelek, Beerothme pei Naharai, Zeruiah napei Joab reunet kepwabe,38Ithritme pei Ira, Ithritme pei Gareb,39Hittime pei Uriah, pelane ge camrei-hena.
Bridge Connectivity Solutions Pvt. Ltd.