2 Kings9
1Caihakecibe Elisha caihakecime maa gade hangge de qulu eh pe dage rangdi, “Hebeuh tei kerane mteilu, pecai maca bung keceu aide n ba gage pwalu nah Ramoth Gilead ga miecu.2Nang miecanglu kecudau, Nimshi capei Jehoshaphat napei Jehu de pielu, nah lwetlu nah pe zangme kakga de pecu teu cuhlu, nah pecu kibung pelung lambie ngngwa nlütlu.3Pecai maca bung de keulu delwe pepeu gage rui gai eh rang, ‘RAMPAUBE ainzwa ranggai: “Ih ncu Israel reu hegwangpei keniak gaibeu da.”’ Pecai kikam ngkeilu, delwe pak tetdi; nneu diso.”4Cine caihakeci rehangbe, Ramoth Gilead ga miedi.5Pa miecang keludau, ainie, reugwame reu kedimedung ntum bam. Cine caihakeci rehangbe rangdi, “Kedibo, Ih nda sam teugwang lalie.” Jehu keli eh, “Anui cau be ziemne no?” Caihakeci rehangbe keli eh, “Kedibo, n ziemne.”6Cine Jehu cuhlu nah kilung ga nlwetti, nah caihakecibe pepeu gage macadui rui gai nah Jehu dage rangdi, “RAMPAUBE, Israel Tinggwang, ainzwa ranggai: ‘RAMPAUBE minadung reu, Israelme reu, Ih ncu hegwangpei keniak luda.7Nang n mpaube Ahab kilungme de teitset maisia, ciciulude Ih a kila caihakecimedung jai, nah RAMPAUBE kilame pelane pejai zau kegai, Jezebel ba gade daptset kedimedung de saja peulu kerane.8Ahab kilungme pelane de teingkap dizie, nah Ahab leuhme gade mipeina pelane de teitset dizie, pa hebaang tei mede tei kemakme liede.9Ih Ahab ki de Nebat napei Jeroboam ki nzwa nah Ahijah napei Baasha ki nzwa tei dizie.10Jezebel de Jezreel gade peu heteudung ne tyei luzie, nah migede pepau teukung ra bam lak.’” Pecai caihakecibe kikam ngkei lwe pak tetdi.11Pecai Jehu pe mpaube kilame da mpet, nah hangge pecu rangdi, “Maleune petau bam ha? Daitei kemie pei aide nda gwang lano?” Jehu penuide keli eh, “Nnui mina cide de cibam, nah pa rang kegaidung de.”12Penui rangdi, “Cide au kenret lie. Anuide ranglia lo.” Jehu keli eh, “Pa acu ainzwalie cinzwalie rang, nah pa de rangdi, ‘RAMPAUBE ainzwa ranggai: Ih ncu Israelme reu hegwang tei kera keniak luda.’”13Ge penui hangge ge pe hegwa pai lwak mpet zettelwe Jehu kang takswa nreutu gage kamlu. Penui telui kwa gai nah rangdi, “Jehu au hegwangpei.”14Aipau ria gade Nimshi capei Jehoshaphat napei Jehu heciem tei delwe Joram de renia di. Cu Joram Ramoth Gilead deu de gumpung eh bam di, pa nah Israelme pelane, Aram gwangpei Hazael ziemne,15dede Hegwangpei Joram, Jezreel ga caili gwangdi pa Aram gwangpei Hazael de ngngwa regi kecudau, Aramme ne pecu tei rejam kedidung de tei hemilu kerane.
Jehu Joram kilamedung de rangdi, “Magade aide n kecet de lie cai, peu mide pak tet so nah namdi gade peu tet diso, iciu eh Jezreel ga mie sambe paulu kerane.”16Cine Jehu bagi gade Jezreel gage tet kaidi; Joram cika mtak kebam ne. Cu Judahme gwangpei Ahaziah Joram de pie kerane gwangla.17Jezreel nam kekwabepei renei ga sap eh bam, nah pa kendei gade gwang keladau pa Jehu caisuimedung ge de ngau eh; pa rangdi, “Mina hemaa ge gwang kela Ih ngau lie.” Joram rang eh, “Hekwenketeube de ngngwa lwe penuide redau kerane pecu langgai beulo; pecu ainzwa ranglo beu, ‘Nnui kezuyi teu gwangla ni?’”18Cine hekwenketeube pei de langgai pecu dau kerane; pa rangdi, “Hegwangpei ainzwa rang lie: ‘Nnui kezuyi teu gwangla ni?’” Cine Jehu rang eh, “Nang kezuyi de le dai teira? Caisim lwe a caisui lu.” Pecai kekwabepei hegwangpei de pau liabeu, “Samgwabe penuide dau da, dede pa au cailigwang dai meda.”19Pecai pa hekwenketeume pekena be de langgai eh, penuida gwang kela rangdi, “Hegwangpei ainzwa ranglie: ‘Nnui kezuyi teu gwang lani?’” Jehu keli gai, “Nang kezuyi de le dai teira? Caisim lwe a caisuilu.”20Pecaide kekwabepei paulia dai, “Pa penuide dau da, dede pa au cailigwang dai meda. Bagi teula cu rehi de au Nimshi napei Jehu teu cu nzwa lie; pa gwa süt eh teula.”21Cine Joram rangdi, “A bagi mtei gai lulo.” Penui pe bagi mteilu, nah Israel gwangpei Joram nah Judah gwangpei Ahaziah tet petdi, pe bagi riep gade, Jehu de dau kerane. Penai pecu Jezreelme Naboth deu gade ngaulu.22Joram Jehu de ngau kecudau, pa rangdi, “Jehu, nang kezuyi teu gwang lani?” Pa keli eh, “Dai kezuyige bamno, mamie kereca nah herakesia bata ketei n pui Jezebel da kieesüt eh bam kecudau?”23Cine Joram pe bagi kereu lwe tetdi nah Ahaziah dage rangdi, “Ahaziah, cika au masangkemak bam.”24Pecai Jehu pe kengkieng pelane teu pe lakpi pwa galu nah pe keutu kena kakga Joram de kap gai eh; lakpitsi de pe mlung reudi, nah pa pe bagi ga kau miedi.25Pecai Jehu pe kedibe Bidkar dage rangdi, “Pecu pwalu nah Jezreelme pei Naboth luh gage pecu kelien gaidi. Nsung lulo dainzwa anai ngngwa pe pei Ahab cai cwa keladau, RAMPAUBE sam aide pwa pecu mmau gai:26‘Nziene Ih Naboth jai nah pe napeidung jai ngau, RAMPAUBE ndugai, nah Ih luh aika de ncu saja peu bi zie, RAMPAUBE ndu liagai.’ Cu cine, pecu pwalu delwe luh aide gage pecu kelien gaidi, RAMPAUBE sampet kai kebeu nzwa.”27Judah gwangpei Ahaziah aide ngau luge, pa Beth Haggan lampui ga kelwa tetdi. Dede Jehu pe caisui gwang, nah rangdi, “Pecu de bagi gage teitset gaidi,” nah penui pecu Ibleam nam tai ga, Gur nam ga kenghang gade kap. Ahaziah Megiddo gage pak gaidi nah cikade tsaidi.28Pe kilame bagi gage pe paau Jerusalem ga punggwang nah pecu David namdi ga pe peime rau taiga kungdi.29Cidau Ahab napei Joram hegwang teikelu mmi kereieket bekum Ahaziah Judah reu hegwang tei cudi.30Jehu Jezreel ga gwang keludau, Jezebel cide siulu, eh pa pe miak gage ma ketau gailu, pe peutam lamlui, nah hebaki gade piegai.31Jehu rieki ga nlüt kela dau, pa pe dage rangdi, “Nang Zimri, n mpaube de dapketset be, nang kezuyi teu gwangla ni?”32Jehu hebaki ga pie nghang nah rangdi, “Cau a lambie bam no? Cau?” Ge eunuch hangna hangcum ge pie nghung gai.33Cine Jehu rangdi, “Pecu kelien nghung gai.” Cine penui Jezebel de kelien nghung gai, nah pe jai kesa tangdeu ga nah hekündung de tei lwadi, nah Jehu pereu ga tetkah.34Jehu hegwangki nlüt keludau, pa matyei nah sak. Pecai pa rangdi, “Reset kegai pui de pie rengei lwe pecu kung dilu, kedanemene pa au hegwangpei napui lu.”35Penui pecu teukung kera mie, dede penui pe peura, pe pi, nah pe badeu gwale pe paau keda ngaulu tadi.36Cine penui cailigwang nah Jehu de ranglia gai. Pa rangdi, “Aide RAMPAUBE sam pe kilabe Tishbeme Elijah da pau gai kebeu deda, rang eh, ‘Jezreelme deu ga heteudung ne Jezebel paau tyei luzie,37nah Jezebel pum de makauteu ge nzwa Jezreel deu heluhdung ga zangra dizie, ciciude migede, “Aide Jezebel da,” de eh ranggai lak dizie.’”
Jehu Joram kilamedung de rangdi, “Magade aide n kecet de lie cai, peu mide pak tet so nah namdi gade peu tet diso, iciu eh Jezreel ga mie sambe paulu kerane.”16Cine Jehu bagi gade Jezreel gage tet kaidi; Joram cika mtak kebam ne. Cu Judahme gwangpei Ahaziah Joram de pie kerane gwangla.17Jezreel nam kekwabepei renei ga sap eh bam, nah pa kendei gade gwang keladau pa Jehu caisuimedung ge de ngau eh; pa rangdi, “Mina hemaa ge gwang kela Ih ngau lie.” Joram rang eh, “Hekwenketeube de ngngwa lwe penuide redau kerane pecu langgai beulo; pecu ainzwa ranglo beu, ‘Nnui kezuyi teu gwangla ni?’”18Cine hekwenketeube pei de langgai pecu dau kerane; pa rangdi, “Hegwangpei ainzwa rang lie: ‘Nnui kezuyi teu gwangla ni?’” Cine Jehu rang eh, “Nang kezuyi de le dai teira? Caisim lwe a caisui lu.” Pecai kekwabepei hegwangpei de pau liabeu, “Samgwabe penuide dau da, dede pa au cailigwang dai meda.”19Pecai pa hekwenketeume pekena be de langgai eh, penuida gwang kela rangdi, “Hegwangpei ainzwa ranglie: ‘Nnui kezuyi teu gwang lani?’” Jehu keli gai, “Nang kezuyi de le dai teira? Caisim lwe a caisuilu.”20Pecaide kekwabepei paulia dai, “Pa penuide dau da, dede pa au cailigwang dai meda. Bagi teula cu rehi de au Nimshi napei Jehu teu cu nzwa lie; pa gwa süt eh teula.”21Cine Joram rangdi, “A bagi mtei gai lulo.” Penui pe bagi mteilu, nah Israel gwangpei Joram nah Judah gwangpei Ahaziah tet petdi, pe bagi riep gade, Jehu de dau kerane. Penai pecu Jezreelme Naboth deu gade ngaulu.22Joram Jehu de ngau kecudau, pa rangdi, “Jehu, nang kezuyi teu gwang lani?” Pa keli eh, “Dai kezuyige bamno, mamie kereca nah herakesia bata ketei n pui Jezebel da kieesüt eh bam kecudau?”23Cine Joram pe bagi kereu lwe tetdi nah Ahaziah dage rangdi, “Ahaziah, cika au masangkemak bam.”24Pecai Jehu pe kengkieng pelane teu pe lakpi pwa galu nah pe keutu kena kakga Joram de kap gai eh; lakpitsi de pe mlung reudi, nah pa pe bagi ga kau miedi.25Pecai Jehu pe kedibe Bidkar dage rangdi, “Pecu pwalu nah Jezreelme pei Naboth luh gage pecu kelien gaidi. Nsung lulo dainzwa anai ngngwa pe pei Ahab cai cwa keladau, RAMPAUBE sam aide pwa pecu mmau gai:26‘Nziene Ih Naboth jai nah pe napeidung jai ngau, RAMPAUBE ndugai, nah Ih luh aika de ncu saja peu bi zie, RAMPAUBE ndu liagai.’ Cu cine, pecu pwalu delwe luh aide gage pecu kelien gaidi, RAMPAUBE sampet kai kebeu nzwa.”27Judah gwangpei Ahaziah aide ngau luge, pa Beth Haggan lampui ga kelwa tetdi. Dede Jehu pe caisui gwang, nah rangdi, “Pecu de bagi gage teitset gaidi,” nah penui pecu Ibleam nam tai ga, Gur nam ga kenghang gade kap. Ahaziah Megiddo gage pak gaidi nah cikade tsaidi.28Pe kilame bagi gage pe paau Jerusalem ga punggwang nah pecu David namdi ga pe peime rau taiga kungdi.29Cidau Ahab napei Joram hegwang teikelu mmi kereieket bekum Ahaziah Judah reu hegwang tei cudi.30Jehu Jezreel ga gwang keludau, Jezebel cide siulu, eh pa pe miak gage ma ketau gailu, pe peutam lamlui, nah hebaki gade piegai.31Jehu rieki ga nlüt kela dau, pa pe dage rangdi, “Nang Zimri, n mpaube de dapketset be, nang kezuyi teu gwangla ni?”32Jehu hebaki ga pie nghang nah rangdi, “Cau a lambie bam no? Cau?” Ge eunuch hangna hangcum ge pie nghung gai.33Cine Jehu rangdi, “Pecu kelien nghung gai.” Cine penui Jezebel de kelien nghung gai, nah pe jai kesa tangdeu ga nah hekündung de tei lwadi, nah Jehu pereu ga tetkah.34Jehu hegwangki nlüt keludau, pa matyei nah sak. Pecai pa rangdi, “Reset kegai pui de pie rengei lwe pecu kung dilu, kedanemene pa au hegwangpei napui lu.”35Penui pecu teukung kera mie, dede penui pe peura, pe pi, nah pe badeu gwale pe paau keda ngaulu tadi.36Cine penui cailigwang nah Jehu de ranglia gai. Pa rangdi, “Aide RAMPAUBE sam pe kilabe Tishbeme Elijah da pau gai kebeu deda, rang eh, ‘Jezreelme deu ga heteudung ne Jezebel paau tyei luzie,37nah Jezebel pum de makauteu ge nzwa Jezreel deu heluhdung ga zangra dizie, ciciude migede, “Aide Jezebel da,” de eh ranggai lak dizie.’”
Bridge Connectivity Solutions Pvt. Ltd.