1 Timothy6
1Kilabaang teikela pelane de peu penui mpaube de ma pelane gade rütlu, iciu eh Tinggwang zi nah anui keledeu samde rangmsia melu kerane.2Dede penui mpaume kenlumme kecume, penui mpaume au penui siname delu de kecu gade peu penuide rütta kedi teiso, meliene peu penuide penui gwatei hemi kilu, kedanemene penui gwaketei gade penuide kenlumme nah kehungme delu. Ma aidungde teu penuide ledeu nah kecunglu.3Keheibede keledeu ketsam ge ledeu nah anui Rampaube Jisu Khrista sam, kesamzwa nah anui renet keledeu samde nzwa mai,4pa au ngang eh helia lala nah magede cima, dede ma buikemakpe keteu nah kesamlim neusüt eh lala, nah cikade mide ngau miriak kecu, kenggi kecu, mide rangmsia kecu nah mide mning kemsia petla,5nah penui suihak kegahme, nah makesangbe ga bam sita kedime, renet aide mahei ngaulu kera lampui gelie mning eh minadung kakga samrang renia lala.6Dede renet ga mnung kelu au kemmi kedi ge.7Kedanemene anui kideu ga magede keugwang ma, nah anui kideu gade magede keutet gailak.8Dede anui ketyeipok nah paini bamcai, aidungde le anui mnung luzie.9Dede mina mahei neu kelame mdakkepie, hetak, kemie nah mide teimsia kela hengindung, minade teingkau nah teingkapdi kela gage kaugai dila.10Kedanemene rangkang kehengin au makesia pelane bangdwabe da, aide kehengin ne mina kangge kenlum gade nreutet dida, nah helung keherei kekiee le pwa penui lung teikeherei la dida.11Dede nang, Tinggwang minabo, ma aidungde gade pak dilu, delwe kemzuibe, mcigi kecu, kenlum, keku, helungketie nah kenciep aidungde zui gwang lulo.12Kenlum regi de ga laikai tei regi saplu, kelungta kering de kerak ntiprip lu, kedanemene zierangme kekiee dwade n kenlum aide rang kegaidau, Tinggwang ncu teilung aikage qu gailu delu.13Ma pelane keringria kepeube Tinggwang, nah Pontius Pilate dwagade zierang keyi tei kegaibe, Khrista Jisu dwagade, Ih n dage aja kai gaila,14anui Rampaube Jisu Khrista cailigwang kemaktane kemau giak gede gah eh nang ajadungde tei mzai lulo,15nah peting siakdau samlam kepung nah pa rünne Hegwang keteube, hegwangme reu Hegwangpei, nah kengkieng keteume reu Rampaube, mi miakngau teigwang zie,16pa rünne tsaidi kelakbe, pa migede nnagai kelak kebaa ga lungh la, migede pecu madaude ngau ma, migede pecu ngau gailak, pecu peu hetwa pung kelube teilu nah kelungta ngkieng kelube tei lulo. Amen.17Cudau teilung ga ma keheime de ngangdi helo, mede kesang kemak maheide gage penui regui kai helo rang beulo, dede Tinggwang mbang süt eh anui suiyi eh teu lungh lulo peukelabe dage kaipwa bam lulo beulo.18Penuide makeyi tei lulo, nah bata keyi ketei gade mahei lulo, penui zaiyi, nah mide ma mzi neu lulo beulo,19iciude aipaucai teilungbe ziemne penui ma keyibe hekwa ndeu luzie, iciu eh penui teilung kesangbe de ngau luzie.20O Timothy, ncu nlumbeu pwa kebamde kaikwak pwabam lulo, kemta sam kerang nah makecisam lie rang renia kela samdung gade nreu lulo,21midungge cide mzai kela gade kenlum teka de gizeu dida. Tinggwang ngaugia peu nnuida bam kelube tei lulo.
Bridge Connectivity Solutions Pvt. Ltd.