1 Timothy2
1Cine, Ih keraibe, mina pelane ziemne nggia kie, kekie tei, miding tei eh kie, nah twa bamlo kecung gaila,2hegwangmedung nah kengkieng teu kebam pelane ziemne, iciu eh anuide peu nciepniep nah ziune eh Tinggwang mie kehing gade kererüt eh lunghlu kerane.3Aide au yi nah Tinggwang anuide kelikelube dwade petau lie,4Tinggwang mina pelane de kelilu neula nah kesangbe maci de peu cilu neula.5Kedanemene Tinggwang au ket rünne, nah Tinggwang penai mina kakga hekak ketetbe de ket rünne—mina cide Khrista Jisu,6pa mina pelane de rilu kera ziemne pe teilung kaibeu, cide peting siakdau zierang teigai beu,7nah acu mide keledeube nah langkegaibe zielie kedetlu—kenlum nah kesangbe sam Gentilme de ledeu kerane—Ih Khrista gade kesangbe rangla, Ih nret ma.8Cine, Ih kehei gade mipei de peu penui rata mede kesamlim mene kemci ba hwacuh lwe peu kekie teineu,9nah cinzwa eh mipuidung de peu penui zai teu siakte nah penuide kezeu eh peu penui nia petaube teuneu, penui peutam pwa mede kecak nah tangtsu pemi kehungbe, mede penui nia kehungbe teu mene,10dede bata keyidung Tinggwang de reca kelame pui ziemne tei kezeube pwa hepwa teineu.11Peu mipui de henahbai eh nlei mene maci lu.12Dede Ih mipui de peu mipei reu kengkieng teu mede ledeu kera peu ma, pa nlei mene bamlu maisia.13Kedanemene Adam de dam railu, pecaine Eve,14nah Adam de cwadi ma dede mipuibe de cwadi eh kemau teidi.15Dede mipui pe zai teu siakte eh kenlum, keku, nah kemci ga bam lucai, hena kemna gade penuide kelilu zie.
Bridge Connectivity Solutions Pvt. Ltd.