1 Samuel15
1Samuel, Saul dage rangdi, “RAMPAUBE ne acu langgai la, ncu keniak pwa pe mina Israelme reu hegwang tei kerane. Cine cu RAMPAUBE samdung kingnei lu.2Ainzwa reugwame reu RAMPAUBE rangla, ʻIh Amalek ne Israel dage lampui ga kela dau penui de renia eh dai teigai bi ci luda, penui Egypt gade gwahang keladau. 3Cine cu n reugwame de teuswalu delwe Amalekme de gwaketang eh penui gu kebam leune ngkap zing dilu. Ma gede bangbeu so; mipei nah mipui, hename nah ngiena, hetum nah meurün, ut nah gadadung pelane de teitset di.”4Saul minadung de qu hekwalu nah penuide Telaim namdi gade pie, mipeime cang haina hepi ketetme nah Judahme peidung cang kerei bam.5Pecai Saul pe mina de ngngwa Amalek namdi ga mie langkam gade kwabam.6Cidau Saul Kenitme dage rangdi, “Nnui Amalekme kak gade tetdilu, ciude Ih penuide ngkap kecudau nnuide ngkapdi melu kerane. Kedanemene Israelme Egypt gade mpet keladau nnui penuide ngaunggia kebeune.” Cine Kenitme Amalekme dade tetdi.7Cidau Saul Amalekme de ngamdi, Havilah gade gwang Egypt deu naimiak kepetle kebam Shur ga kecang.8Ge pa Amalekme gwangpei Agag de nring tuilu; pa kingtie lepwa kedame pelane de teitset di.9Dede Saul nah pe minadung Agag keringria bangbeu, meurün, hetumseu, hetumna pelui keyibe yitubedung nah meurünnadung. Makeyibe keheibede, penui ngkapdi ma. Dede penui pemi kegahbedung nah kemtabedung rünne ngkapdi.10Cidau RAMPAUBE sam Samuel da gwang, ranggai,11“Ih Saul de peu hegwang teikelu a sui meda, pa acai sui mene a dade nreu tet dida nah Ih pecu tei lulo rang kebeudung de tei meda.” Samuel pe ratadi nah tingmui zie pelane RAMPAUBE dage hapgai.12Samuel tingcang nuge Saul de redau kera cuhlu. Samuel da rangbeu, “Saul Carmel nam ga gwanglwe cikade pa pekatei pe zi ziemne ngkiengkelu tsusum ge sumgai, nah Gilgal ga tet nghungdi lie.”13Pecai Samuel Saul da gwanglu, nah Saul pe dage rangdi, “RAMPAUBE ne ncu samlam kebeube! Ih RAMPAUBE sam kaikebeu de teicang luda”14Samuel rangdi, “Ciciu cai Ih a kwen gade meurün mra, nah hetum mrung kwa kesiu de dai no?”15Saul pe sam keli eh, “Penuine Amalekme dade cidungde keu gwang. Penui meurün nah hetum yitubedung pwa RAMPAUBE n Tinggwang de ratak teibeu kerane. Kedabedung de au anui ngkap zingdida.”16Cidau Samuel Saul dage rangdi, “Kwalu, nah nzieziu RAMPAUBE dai a dage rang beu bi Ih ncu ranglia zie.” Saul peda rang eh, “Ranggailo!”17Samuel rang eh, “Nang nkatei nmiak gade ceu lie de, ncu Israelme leuh hegwangpei tei beu meni? Pecai RAMPAUBE ncu Israelme reu hegwang keniak beu,18nah RAMPAUBE ncu n lampui le ge langgai nah rang eh, ‘Mie delwe kemaumedung de ngkap cang siak di, Amalekme de, nah penui ngkapdi kemaktane penuide ngngwa regi lo.’19Nang daitei RAMPAUBE sam mzai meno, dede meliene hema tui keludung keu nah RAMPAUBE miak dwa gade kesia tei no?”20Cidau Saul Samuel dage rangdi, “Ih RAMPAUBE sam mzai da, nah RAMPAUBE lang kegai lampui ga Ih mie da. Ih Amalekme gwangpei Agag de nimlu da, nah Amalekme pelane de ngkap ciaudi da.21Dede a minadung ma pemi kehungbe niadung keu pwa dida, meurün nah hetumseu, ma yitubedung ngkapdi kerabe, RAMPAUBE n Tinggwang de Gilgal gade ratak teigaibeu kerane.”22Samuel keligai, “RAMPAUBE de keru ratak kepeudung nah reca tei kegaibedung be pesam kemzai swa de pesui yiki zie ni? Samzai au ratak ketei swa yi, nah kingnei kelu au hemeuseu pelui keyibedung swa de yi.23Renia kecu au reka mau nzwa, nah riangki kecu au kesia nah heta kesia ketei nzwa. Kedanemene nang RAMPAUBE sam mlai kedine, pa ncude de hegwang tei kera mlai dida.”24Cidau Saul Samuel dage rangdi, “Ih mau dida; Ih RAMPAUBE aja kai kebeu de nah n samdung de gi kah dida, kedanemene Ih minadung de hing nah penui sam pung kedine.25Cu, kehereide a mau gibeu lo, nah acu ngngwa cailigwang beu lo ciude Ih RAMPAUBE de reca lu kerane.”26Samuel Saul dage rangdi, “Ih ncu ngngwa caili lak; nang RAMPAUBE sam mlai kedine, nah RAMPAUBE ncu peu Israelme reu hengwang tei kera mlai dida.”27Samuel tet kera nreudi ge, Saul pe cwatie tu kerak, nah tei hakdi.28Samuel pe dage rangdi, “Henai RAMPAUBE ndade Israel hegwangram de tei pang dida nah cide n kidame nswa yiki kecu gede peu dida.29Israel kengkieng Tinggwang au nret dilak mede pelung nreudai dilak, pa pe lungnreu kedime ma.”30Cidau Saul rangdi, “Ih mau dida. Dede kehereide a mina hangkiame nah Israel dwa gade acu cu herüt peulo. Acu ngngwa nreu gwang dai lo, ciude Ih RAMPAUBE n Tinggwang de reca lu kerane.”31Cine Samuel au Saul da nreu gwang dailu, nah Saul RAMPAUBE de recadi.32Cidau Samuel rangdi, “Amalekme gwangpei Agag de aika a da ngngwa gwang lo.” Agag de hegeuriadung le kanglu eh peda gwang nah pekatei pedage rangdi, “Tsaidi kera kekaa de au kahgwang dida nah Ih acu au kaizeu luda.”33Samuel samkeli eh, “N kingtie ne peu mipuidung de peu pe na gah kedi nzwa, n pui de mipuidung kakga pe na teita di zie.” Cidau Samuel Agag de Gilgal gade RAMPAUBE dwa gade dang kecaidi.34Samuel pe ki Ramah ga miedi, nah Saul peki Gibeah ga cailigwangdi.35Samuel, Saul tsaidi kemaktane pecu ngaudai tadi, pa Saul ziemne pe lungsia kedine. RAMPAUBE Saul depeu Israel reu hegwangpei tei kegaide pe sui tadi.
Bridge Connectivity Solutions Pvt. Ltd.