1 John5
1Keheibede Jisu au Khrista lie kecu de nlum kelabe Tinggwang dade lungh gwang, nah keheibede peibe de ku kelabe pe dade lungh kegwang nade dede kula.2Anui Tinggwang de ku nah pe ajadung kemzai gade anui Tinggwang namedung de ku kela ci lula.3Kedanemene Tinggwang de keku au anui pe ajadung de kemzai deda. Nah pe ajadung au hungzu dima.4Kedanemene keheibede Tinggwang dade lungh kegwangme kideube de ngam lula. Nah anui kenlum au kideube de ngamkelu kengkieng da.5Dede kideube de ngam kelube de cau no? Jisu au Tinggwang Nabe lie kecu nlum kelube mecai?6Jisu Khrista aipaude dui nah hejai gade kegwangbe deda: dui rünne gade gwang ma, dede dui nah hejai gade. Nah Rabe zierang keteibe da, kedanemene Rabe au kesangbe delu.7Kedanemene zierang keteime hangcum bam:8Rabe, dui, nah hejai, nah ai kecumde ngngwa samtei bam. 9Anui mina zierang de luulu cai, Tinggwang zierang au diki. Kedanemene Tinggwang zierang au pane pe Na zierang ketei deda.10Tinggwang Nabe de nlum kelube zierang peda bam dida. Tinggwang de nlum kemakbe pecu pwa kenretbe tei dida, kedanemene Tinggwang pe Na zierang tei kegaide pa nlumlu kemakne.11Nah zierang aide da: Tinggwang anuide kelungta kering peu da, nah kering aide au pe Na da bam.12Nabe peda kebambe kering peda la. Tinggwang Nabe peda bam kemakbe kering gah.13Ih ma aidungde nnui, Tinggwang Nabe zi nlum kelame dage rau gaila, iciu eh nnui kelungta kering bamlie kecu nnui cilu kerane.14Nah anui peda kekuu kebam de au, anui pe lungningbe nzwa ma keheibede kie liecai, pa anui kwa kingnei kela deda.15Nah pa anui kwa kingnei kelade anui ci liecai, anui pe dage kiekegai keheibede, anui pe dage kie kegaide ngaulu kela cibam.16Keheibede pe sinabe ketsai mau kemak ge teibam eh ngau cai, pa kie maisia, iciude Tinggwang pecu kering peu zie, ketsai mau kemakbe tei kebambe de. Ketsai keu gwang kela mau gede bam; Ih cide ziemne pecu kie lulo de rang bam ma.17Ma tei kemau pelane au kemau, dede ketsai mau kemakbe de bam.18Keheibede Tinggwang dade lungh kegwangbe kemau teila kemak anui cibam, dede Tinggwang Nabe pecu peu kwak lula, nah makesiabe pecu tung lama.19Anui au anui Tinggwang gu kecu cibam, nah kideube pelane au kesiabe kengkieng ga bam.20Dede Tinggwang Nabe gwang eh anuide maci kepeu anui cibam, iciu eh anui Tinggwang kesangbe de cilu kerane. Nah anui au Kesangbe, pe Na Jisu Khrista da la. Aide Tinggwang kesangbe nah kelungta keringbe da.21Anamedung, nnui mamiedung de kereca gade mbai lulo.
Bridge Connectivity Solutions Pvt. Ltd.