Corinthiame Keraibe5
1Nnui kakga kemmha bam lie kecu paubeu kesang zeu, nah cikenzwa kemmha ta au Gentileme kakgade bam lama; cide ci mige pe pei naude ngngwa kecude. 2Nah nnui au ngangla! Nnui nnui suisia kerabe meni? Nah heta kesia aide tei kegaibe de nnui kakgade gwadilu.3Kedanemene Ih au pumteihbe gade bamme liede, Ih rabe gade nnuide ngngwa bam, nah Ih cika kebam nzwa eh heta cikenzwa tei kegaibe de kemmau sam ranggaila,4anui Rampaube Jisu Khrista zi gade. Nnui ngkwa keludau, nah Ih nnuide rabe gade ngngwa kebam dau, anui Rampaube Jisu kengkieng teu5mina aipaude de peu pumteihbe ngkap dilu kerane Satan dage kaibeu dilu, iciu eh Rampaube cailikegwang tingba benai pe rabe de kelilu kerane.6Nnui ngang kecude yi ma. Tsehi kecam nage ne tangku pelane tei punglu la kecu nnui ci meni?7Tsehi kehegwa de tei mcidi, iciude nnui tangku kehecibe teilu zie, nnui au tsehi kaikemak tangku kesang kecu nzwa. Kedanemene Khrista, anui Kahkegwang Ngyi meurünna de pwa ratak teidi delu.8Cine anui Kahkegwa Ngyi de, tsehi kehegwabe, mede kenlien zai nah kemau ketei tsehi le mene, kesangbe nah lungsang tsehi kai kemak tangku le hengyi lugo.9Ih pedwa a laisiu ga nnuide mina kemmhame de ngngwa kekangbau helo raugai da.10Ih cide kideu aika mina kemmhame, mede ma kehengimme, mede keregame, mede mamie kerecame de rang melie, iciu zie liecai nnui kideube gade tet mpetdi maisia.11Dede cu Ih nnui dage raukegai au, mige nnui sinabe gelie la, dede pa mmha, mede ma hengim, mede mamie reca, mede mide rangmsia, mede sakmie, mede migu sütketyei kecube de ngngwa kekangbau helo kecu lie. Cikenzwame de ngngwa matyei de so.12Kedanemene Ih ngqwa gwalebieme tutiaklwe daitei lai? Nnui ngqwame debe tiak kerabe meni?13Dede Tinggwang ne hegwale bie mede tiakla. Kesanglaisiu rangkela nzwa “Nnui kakgade kesiabe de gwa mpet dilu.”
Bridge Connectivity Solutions Pvt. Ltd.