Corinthiame Keraibe2
1Ih nnuida kegwang dau, sinamedung, Ih sam kedi mede maci teu Tinggwang zierang tei gwang ma.2Kedanemene Ih nnui kakga kebam dau, Jisu Khrista nah pecu gwak kedi ha gwale ma kedage de cilu kera Ih cet ma.3Ih pumteih mnei, nah ngngi, nah mbeusüt eh nnuide ngngwa bam.4A sam nah a samrangdung au rangkeci maci samdung gade ma, dede Tinggwang Rabe nah kengkieng keulia kegai sam,5iciu eh peu nnui kenlum mina maci ga bamdi mene Tinggwang kengkieng ga bamlu kerane.6Cu anui ngkieng kedime kakga maci sam rangla, dede cide aipau kideu, mede aipau kideu kedimedung gahdi kezeume maci ma.7Meliene, anui Tinggwang maci kebai teukela macetkecok de rangla, cide Tinggwang kideu teikemak dwade anui kendu ziemne mrairiem pwala.8Kideu aika kedimedung migede maci cide cilu ma, kedanemene penui cide cilu liecai, kendu Rampaube de penui gwak dilak nage.9Dede Kesanglaisiu ga raupwa kela nzwa, “Mimiak gede ngau kemak de, nah mikwen gade siu kemak,nah mina lung gade cetla kemakde,ma aidungde Tinggwang pecu ku kelame ziemne mtei teula.”10Tinggwang pe Rabe gade cidungde anuide keulia dida. Kedanemene Rabe maleu peeila, Tinggwang mariem kecokdung kecang de.11Kedanemene mina kakga cauge mi kedage lungning cilu lano, pe rabe pe lungga kela dene gwale? Cinzwa eh Tinggwang Rabe gwale migede Tinggwang lungning cima.12Nah anui kideube rabe ngau luma, dede Tinggwang dade kegwang Rabe de ngaulu, iciu eh Tinggwang anuide mta kepeudungde anui cilu kerane.13Nah anui ma aidungde, mina ne ledeu kebeu maci samdung gade rangla ma, dede Rabe ne ledeu kebeu sam gade rangla, rabe samdung teu rabe kesang hadung rang mcigai kerane.14Dede Rabe peda kegahme Tinggwang Rabe mapeudung ngaulu lama, kedanemene pe ziemne cidungde au kemta ge. Pa cidungde ci gailak kedanemene cidungde au rabe kilamde cilu kela lu.15Rabe kebambe au ma pelane ci lula, dede mide pecu cilu lama.16Kesanglaisiu rangkela nzwa, “Kedanemene cau Rampaube lungning ci no—caune pecu ledeu lai?”
Dede anui au Khrista lungcetbe bam.
Dede anui au Khrista lungcetbe bam.
Bridge Connectivity Solutions Pvt. Ltd.