Corinthiame Keraibe14
1Keku de gwa zuilu nah rabe mapeudung henginlu, keraide nnui caihakecisam ranglu kerane.2Kedanemene helet ketsam gade marang kelabe mina dage marang bam ma, dede Tinggwang dage rangbam lu; migede pe sam ci lama, dede pa rabe gade macikecok sam rangla.3Dede caihakecisam rang kelabe, minadung dage rangla, penuide teimmi lu, nah teingkuu lu, nah teinciep lu kerane.4Helet ketsam gade rang kelabe pekatei pecu tei mmi lula, dede caihakecisam kerangbe ngqwabe de teimmi lula.5Cu Ih nnui pelane de peu helet ketsam rang neu, dede nnuide peu caihakecisambe rang neu kireu. Cu caihakecisam kerangbe au helet keda gade kerangbe swa diki reu (pa pekie rang mci lialu zielie mai, iciu eh ngqwabe de teimmi lu kera).6Dede cu au, sinamedung, Ih nnui da helet ketsam gade marang eh gwang liecai, Ih daipai kemmi nnuide peu zieno? Ih nnui dage Tinggwang ne keuliakegai sam gade, mede maci gade, mede caihakecisam gade, mede keledeu gade rang meliecai.7Pe keringria kegah pe kwa tei kela maniadung kecangde—terwaine mede leibung de—pe kwa ketsamtsam teilu meliecai, terwaine gade kwa kebamde mede leibung gade kwa kebamde dainzwa ci lulai?8Kedanemene teluibe kwa mci gaibeu mecai, cau hereu teikera mtei lai?9Cine nnuide cide nzwa da, nnui helet keda gade kerang de rangmci gaimai, dai rangzeu bi kecu dainzwa ci lulai? Iciucai nnui tingkai gage ranggai kebam da.10Kideu ga heletdung ketsamtsam kekiee ge bam kesang, nah kette pekie kegah teima.11Dede Ih helet rang kebam kiede ci mecai, Ih marang kebambe dade sangme ge dizie, nah marang kebambe a dade sangme ge dizie.12Nnuide cinzwa da, nnui rabe mapeudung luuneu kebam nzwa, nnui ngqwabe de tei hemilu kerabe peei lulo.13Cine helet kedage gade kerangbe de pa rangmci lialu kerane kielu maisia.14Ih helet kedage gade kiege, a rabe de kie bamla, dede a kecet au cika ngngwa ncüt lama.15Ciziemne, Ih daitei maisia no? Ih a rabe de ngngwa kie zie, nah Ih a kecet dede ngngwa kie zie. Ih a rabe de ngngwa lei teizie, nah a kecet dede ngngwa lei teizie.16Iciu meliecai, nang Tinggwang de rabe gade twabam de, dainzwa eh maidakme bam teipui kebamme, nang twa kebam kekie de gage, “Amen” de eh ranglu laino? Kedanemene pa nang rang kebam kiede ci melu.17Kedanemene nang hetwa peu hemisüt gai bam lubui, dede kedame ziemne au kemmi gah.18Ih nnui pelane swade helet ketsam gade marang kieeki kecune Ih Tinggwang de twala;19dede Ih ngqwaki gade helet ketsam gade sam cangkerei rang kecu swa au a lung gade sam kie mengei be rang neu, iciu eh Ih mi kedame de ledeu lu kerane.20Sinamedung, nnui macet ga hename nzwa diso. Meliene kesiabe gade hename nzwa lu, dede nnui lungcet gade au kengkiengme teilu.21Hezaibe ga ainzwa raupwala “Mi kedame let gade nah sangme muileu gadeIh mina aidungde dage marang zie,iciude penui a sam kingnei lak,”
de Rampaube rangla.22Cine, helet keda gade kerang au marehi kenlumme ziemne ma, dede nlum kemakme ziemne; dede caihakecisam au nlum kemakme ziemne ma, dede kenlumme ziemne.23Ciziemne, ngqwame pelane heni gega gwang ngkwa delwe penui pelane helet keda gade marang bam eh maidakme mede nlum kemakmedung lütcai, penui nnuide kemieme lie ranglak ni?24Dede nnui pelane caihakecisam rang cai, nah nlum kemakme kangge mede maidakme ge lüt cai, pa cide pelane kesang lie ci lula nah pa siu kelu leune ne pecu tiakla,25pe lungning kengkimdung keumpet lia gaila, nah ciciu eh pa pe zu keumie eh Tinggwang de reca zie, “Tinggwang nnui kakga bam kesang lie,” de rang eh.26A sinamedung, ciciu cai dainzwa lai? Nnui reca kera gwang ngkwa keludau, mige lei tei, kedage ledeu, kedage Tinggwang keuliakegai sam rang, kedage helet ketsam gade marang, mede kedage pekie rang mcilia kecu bamla. Peu ma pelane ngqwabe de teimmi lu kera ziemne tei lulo.27Mige helet keda gade marang cai, cide hangna mede kieetu gade hangcum ge lu maisia, nah ket cai ket penlia tei eh ranglu, delwe peu hangge de pekie ranglia beulu maisia.28Dede migede pekie ranglia kera gah cai, peu pecu ngqwaki gade mlei mene bamlu, nah peu pekatei pecu nah Tinggwang de mpaulu.29Peu caihakecime hangna mede hangcum de ranglu, nah peu kedame de petaumi mebi cetlu.30Dede cika kebam kedabe de keuliakegai ge ngau cai, peu keraibe de mtak dilu.31Kedanemene nnui hangge cai hangge eh pelane caihakecisam rang lubui, iciu eh pelane cilu nah pelane de teingkuu lu kerane.32Caihakecisam kerangme rabedung au penui kangga bam.33Kedanemene Tinggwang au ma kehebwak Tinggwang ma, dede lungciep Tinggwang. Kemcime ngqwadung pelane ga nzwa,34peu mipuidung de ngqwaki ga matu mene bamlu. Kedanemene penuide marang kera peu ma, dede hezaibe ga rang kebeu nzwa samzai teilu maisia.35Cinzwa liede penui ma keheibe de cineu cai, peu penuide kilung gade penui nahpeidung dade keteulu, kedanemene mipui ngqwaki gade marang kecu hengam gelu.36Mi Tinggwang sam nnui dade petlu dino? Mi cide nnui da rünne gwang no?37Mige pekatei pecu le caihakecime gelie mede rabe kilam kelame gelie lacai, peu pecu Ih nnui dage raukegaide au Rampaube aja lie kecu cet lulo.38Dede keheibe de aide le pwane malie lamai, peu pecu de malie so. 39Cine, sinamedung, caihakecisam rang kerade hengin süt lulo, nah helet keda gade kerang de kaam so.40Dede peu ma pelane petau tei eh nah penlia tei siakte eh tei lulo.
de Rampaube rangla.22Cine, helet keda gade kerang au marehi kenlumme ziemne ma, dede nlum kemakme ziemne; dede caihakecisam au nlum kemakme ziemne ma, dede kenlumme ziemne.23Ciziemne, ngqwame pelane heni gega gwang ngkwa delwe penui pelane helet keda gade marang bam eh maidakme mede nlum kemakmedung lütcai, penui nnuide kemieme lie ranglak ni?24Dede nnui pelane caihakecisam rang cai, nah nlum kemakme kangge mede maidakme ge lüt cai, pa cide pelane kesang lie ci lula nah pa siu kelu leune ne pecu tiakla,25pe lungning kengkimdung keumpet lia gaila, nah ciciu eh pa pe zu keumie eh Tinggwang de reca zie, “Tinggwang nnui kakga bam kesang lie,” de rang eh.26A sinamedung, ciciu cai dainzwa lai? Nnui reca kera gwang ngkwa keludau, mige lei tei, kedage ledeu, kedage Tinggwang keuliakegai sam rang, kedage helet ketsam gade marang, mede kedage pekie rang mcilia kecu bamla. Peu ma pelane ngqwabe de teimmi lu kera ziemne tei lulo.27Mige helet keda gade marang cai, cide hangna mede kieetu gade hangcum ge lu maisia, nah ket cai ket penlia tei eh ranglu, delwe peu hangge de pekie ranglia beulu maisia.28Dede migede pekie ranglia kera gah cai, peu pecu ngqwaki gade mlei mene bamlu, nah peu pekatei pecu nah Tinggwang de mpaulu.29Peu caihakecime hangna mede hangcum de ranglu, nah peu kedame de petaumi mebi cetlu.30Dede cika kebam kedabe de keuliakegai ge ngau cai, peu keraibe de mtak dilu.31Kedanemene nnui hangge cai hangge eh pelane caihakecisam rang lubui, iciu eh pelane cilu nah pelane de teingkuu lu kerane.32Caihakecisam kerangme rabedung au penui kangga bam.33Kedanemene Tinggwang au ma kehebwak Tinggwang ma, dede lungciep Tinggwang. Kemcime ngqwadung pelane ga nzwa,34peu mipuidung de ngqwaki ga matu mene bamlu. Kedanemene penuide marang kera peu ma, dede hezaibe ga rang kebeu nzwa samzai teilu maisia.35Cinzwa liede penui ma keheibe de cineu cai, peu penuide kilung gade penui nahpeidung dade keteulu, kedanemene mipui ngqwaki gade marang kecu hengam gelu.36Mi Tinggwang sam nnui dade petlu dino? Mi cide nnui da rünne gwang no?37Mige pekatei pecu le caihakecime gelie mede rabe kilam kelame gelie lacai, peu pecu Ih nnui dage raukegaide au Rampaube aja lie kecu cet lulo.38Dede keheibe de aide le pwane malie lamai, peu pecu de malie so. 39Cine, sinamedung, caihakecisam rang kerade hengin süt lulo, nah helet keda gade kerang de kaam so.40Dede peu ma pelane petau tei eh nah penlia tei siakte eh tei lulo.
Bridge Connectivity Solutions Pvt. Ltd.