1 Heleuhha5
1Israel neraibe Reuben leuhmedung—cu Reuben au Israel neraibe, dede pe nerai qwa de Israel napei Joseph napeime de peudi, kedanemene Reuben pe pei nauseupui de ngngwa nauhepei zai tei kedine. Cine pecu pena cingtube lie eh raunzeu tadi.2Judah pe siname kak de ngkingtube, nah pe dade muiteu lunggwang zie. Dede nerai qwa au Joseph gu—3Israel neraibe Reuben napeidung cai Hanok, Pallu, Hezron, nah Karmi.4Joel leuhme cai aidungde: Joel napei Shemaiah, Shemaiah napei cai Gog nah Gog napei cai Shimei.5Shimei napei cai Micah, Micah napei cai Reaiah nah Reaiah napei cai Baal.6Baal napei cai Beerah, pecu Assyria gwangpei Tiglath-Pileser ne tuilwe ngngwa tetdi. Beerah au Reuben leuh kakga muiteume ge.7Beerah kibaume penui pautsame ria gade, penui paupak raukenzeu rehi gade raupwa bam: Jeiel muiteube, Zechariah, nah8Azaz napei Bela, Shema capei nah Joel pautsa. Penui Aroer ga lung bam Nebo nah Baal Meon ga kecang,9nah naimiak kepetle bie, hetaideu pendeu gade Euphrates Reuki kecang lung miedi. Aide au kedanemene Gileadme deu ga penui gu kauruine kekiee kebamne.10Saul hegwang ketei tingdau, Reuben leuhme Hagritme de gwaketang eh penui de ngamlu. Penui Gilead naimiak kepetle bie hangdeu pelane ga Hagritme paikidung ga lunghdi.11Gad leuhme peupeime penui taiga, Bashan deu gade Salekah kecang ga lunghdi.12Joel penui muiteube; pe kenabe cai Shapham nah Janai penai Shaphat cai Bashan ga.13Penui kibaume, penui pautsa gade cai, Michael, Meshullam, Sheba, Jorai, Jakan, Zia, nah Eber, pelane ge pautsa hena.14Mina aidungde zi rau teu kela de Abihail leuhme nah Abihail cai Huri napei nah Huri cai Jaroah napei. Jaroah cai Gilead napei nah Gilead cai Michael napei. Michael cai Jeshishai napei nah Jeshishai cai Jahdo napei. Jahdo Buz napei.15Ahi, Abdiel napei nah Guni capei, cai penui pautsa peube.16Penui Gilead ga, Bashan ga, namceudung ga, nah Sharon cehei deu pelane ga, Sharon deurai ga kecang lunghdi.17Aidungde pelane paupak ria gade Judah gwangpei Jotham penai Israel gwangpei Jeroboam tingdau ge raulu.18Reuben leuhme, Gad leuhme nah Manasseh leuh pempie ge da 44,760 reugwame hereu tei kera ziemne mtei kelume bam. Hegeu nah kingtie kepwame nah lakpi kepwa ciem kecime.19Penui Hagar leuhme, Jetur, Naphish nah Nodab de gwaketang.20Penuide ngngwa regi kecu ga Tinggwang penui de ngha beu. Iciu eh Hagritme nah penuide ngngwa kela pelane de ngamlu. Aide kedanemene Israelme hereu tei kebam gade Tinggwang dade kengha kiegai nah pa penui kekie teibeu, kedanemene penui pecu nlum kelune.21Penui ngauraume gu hekaunedung tuilu, utdung cang riakngei, meurün 250,000, gadhadung cangna, nah mina 100,000 de si eh.22Penui ngauraume kekiee tsaidi, kedanemene hereu de Tinggwang lungning gade kecu ziemne. Nah penui ngauraume deu ga lungh bamdi, penuide lang gidi kemak tane.23Manasseh leuh pempie Bashan deu ga Baal Hermon nah Senir (cide Hermon Deutu) ga kecang lungh.24Aidungde penui pautsame peuteume: Epher, Ishi, Eliel, Azriel, Jeremiah, Hodaviah, nah Jahdiel. Penui au reugwa keyime, mina kenglangme, nah penui pautsa peuteume.25Dede penui penui paume Tinggwang dade masanglu tadi. Meliene, Tinggwang ne penui dwade ngkap kedi deumenadung rabedung de penui reca di.26Israel Tinggwang Assyria gwangpei Pul (Tiglath-Pileser de eh qula, Assyria gwangpei) lung tei gaibeu. Pa Reuben leuhme, Gad leuhme nah Manasseh leuh pempie de penui deu gade langgi di. Pa penuide Halah, Habor, Hara nah Gozan reu kungga ngngwa gwanglu, penui cika cu kecang lunghbam.
Bridge Connectivity Solutions Pvt. Ltd.