1 Heleuhha26
1Aidungde kirie kekwame mzidung: Korah pautsa gade, Kore napei Meshelemiah, Asaph leuhme ge. 2Meshelemiah pe na mipeinadung bam: neraibe Zechariah, pekenabe Jediael, pekecumbe Zebadiah, pemdaibe Jathniel,3pemengeibe Elam, peherokbe Jehohanan, pehenabe Eliehoenai.4Obed Edom pe na bam: Neraibe Shemaiah, pekenabe Jehozabad, pekecumbe Joah, nah pemdaibe Sakar, nah pemengeibe Nethanel,5peherokbe Ammiel, pehenabe Issachar, pehesetbe Peullethai, kedanemene Tinggwang Obed Edom de samlam kebeune.6Pe napei Shemaiah pe napeidung lunghlu, penui kelakdung reu peu keteume; penui au ma ketsamtsam tei kecimedung.7Shemaiah napeidung cai Othni, Rephael, Obed, nah Elzabad. Pe kibaume Elihu penai Semakiah de ma ketsamtsam tei kecime.8Aidungde pelane Obed Edom leuhmedung. Penui nah penui napeidung nah kibaumedung au Tinggwang kebam paiki ga penui tadung teilu kebuimedung. Cika Obed Edom kibaume mina riakherokehkena bam.9Meshelemiah pe napeidung nah pe kibaumedung, mina ma teilu kebuime pelane ge kereieheset bam.10Hosah, Merari leuhme ge, pe napeidung bam: Shimri muiteube (pa neraibe meliede, pe pei pecu muiteube teilu),11pekenabe Hilkiah, pekecumbe Tebaliah, pemdaibe Zechariah. Hosah napeidung nah pe kibaume pelane ge mina kereiehkecum.12Aidungde kirie kekwame mzidung, penui muiteumedung ria gade, penui kibaumedung nzwa, RAMPAUBE kerecaki ga bata tei kera penui ndwa zie da.13Penui kelak rehi gade, hecing hena tei mene, kirieki leune ziemne penui dacak gai.14Naimiak kepetle rieki ziemne dacak keteidau, Shelemiah da gwanglu. Pecai penui pe napei Zechariah ziemne dacak tei, kemteu keledeube, nah pa tingtünle rieki de ngaulu.15Obed Edom de tingbangle kirie de nlum beudi, nah pe napeidung de mania kibungdung nlum beudi.16Shuppim penai Hosah de naimiak kenlütle rieki lampui nreule ga Shalleketh rieki de si eh nlum beudi. Kelak leune ziemne kekwa ta ramsiak beudi.17Naimiak kepetle bie cai Levime hang herok, tingtünle tingba ramsangne hang mdai, tingbangle tingba ramsangme hang mdai bamla, nah mania kibungdung ga hang nana bamla.18Naimiak kenlütle tsia taiga lampuiki kangga kekwame hang mdai nah hetsia ga hang na bamla. 19Aidungde rieki kekwame mzidung. Cidung ga Korah nah Merari leuhme ne pui bam.20Levime kakgade, Ahijah ne Tinggwang kerecaki mabam nah RAMPAUBE de tei mci gaibeu kedi niadung pie rengeila.21Ladan leuhme, Ladan dade lungh gwang eh Gershonme tei kelu nah Gershonme pei Ladan kelakdung muiteu keteime cai Jehieli22nah Jehieli napei kena: Zetham penai pe sinabe Joel. Penai RAMPAUBE kerecaki mabam mania kibungdung pie rengeila.23Amram pautsa, Izhar pautsa, Hebron pautsa, nah Uzziel pautsadung gade:24Shubael Gershom pautsa gade lungh kegwangbe Moses napei, ne kerecaki mabam kibungdung reu kerengei ditube tei.25Pe kibaumedung Eliezer pautsa gade cai pe napei Rehabiah, Rehabiah napei Jeshaiah, Jeshaiah napei Joram, Joram napei Zichri, nah Zichri napei Shelomith.26Shelomith nah pe kibaumedung RAMPAUBE de tei mci kebeu niadung kekai kibungdung pelane, Hegwangpei David, kelak muiteumedung, pehai pecang reu muibedung, nah reugwamaa muibedung ne teu tsam kedidung de pie rengeila.27Penui hereudung gade hema tui keludung de RAMPAUBE kerecaki teu rengei kerane keu tsamlu.28Penui caihakecibe Samuel, Kish napei Saul, Ner napei Abner, nah Zeruiah napei Joab ne ma pelane RAMPAUBE ziemne tei mci keludung de pie rengeila. Ma pelane RAMPAUBE ziemne teu tsam mpet kelube Shelomith nah pe kibaume ne pie rengei bamla.29Izhar leuhmedung kakgade, Kenaniah nah pe napeidung ne Israel hemaabe de pie kerengei de rengeila. Penui au kedime nah tutiakmedung.30Hebron leuhmedung kakgade, Hashabiah nah pe sinamedung, 1,700 ma teilu kebuime, penui ne RAMPAUBE ta nah hegwangpei ta pie rengei la. Penui Jordan reuki naimiak kenlütle bam.31Hebron leuhmedung kakgade, paupak ria gade pei nghung eh, Jeriah ne pe leuhmedung muiteube tei. David hegwang tei kelu mmi riakdai bekum, penui rau kenzeudung de piegwang nah cidungde kakga teilu kebuime ge Gileadme Jazer ga ngaulu.32Jeriah pe kibaume mina 2,700 bam, penui au teilu kebuime kelak muiteudung. David penuide Tinggwang renet ta ketsamtsam leune nah hegwang ta ziemne Reuben nah Gad pautsadung, nah Manasseh pempie pautsa reu kepieme teilu.
Bridge Connectivity Solutions Pvt. Ltd.