फिलेपियो4
1तानकेरीन एय बाय बोणहा, तुमू मारा कोलाक मोंगाल्ला हेते, जी मारी खुसी एने मुकूट एय, मालीक माय इहीचकेरीन थोबीन रिवो2मी यूओदियाह एने सुन्तुखे तुमू दुयाह बी विन्ता केरथु काय मालीक माय बोणीख ने गेत एका दिहरा हेऱ्या सहमती बाणावीन रिवो।3एय खेरला हाती, मी तुवा बी विन्ता केरथु काय तु त्यु बायकुन मोदेक केर, काहाकाय त्यु मार हेऱ्यु हाजाली खुबेर फेहलावणेन, क्लेमेंस एने मारा दिहरा हाती हेऱ्यु मेहनेत किरेल, जान नाव जीवणान पुस्तेक माय लिखेल हेते।4मालीक माय एक एन कायेम खुस रिवो; मी पुशो केथु, खुस रिवो।5तुमरी कोमलता आखा माणहा पोर देखाय। मालीक जेल्दी आवण्यो हे।6काल्ली बी वातुन चिन्ता मा किरो; पुण एकेक वात माय तुमरो निवेदन, विन्ता एने विन्तान द्वारा दन्यवाद हेऱ्यो बोगवानान ओंगाण मेलाय जाय।7तेवी बोगवानान हुक, जो आखा होमेजाह रेन आंगे हे, तुमरा मोनाह एने तुमरा विचाराह मसी यीशु माय एक एणेन द्वारा होमालीन मेली।8ज्यानकेरीन एय बाय बोणहा, जी जी वातु खेरली, आदरणीय, हाज्यी, चोखाली, मोनाह पुटी तोहली, मतलब जी बी हाजा गुण एने स्तुतीन लायेक वातु हेत्यु, त्यु पोर द्यान लागाड्या किरो।9जी वातु तुमू माह फाय रेन हिकेल हेते, एने स्वीकार किरेल हेते, त्यीह तुमरा आचारण माय लावो। एने होमलेल हेते, एने मार माय दिखेल हेते, तास ने पालेन केऱ्या किरो, तेवी बोगवान जो हुकान जिर हे, तुमरी हिऱ्यो रेय।10मी मालीक माय जुलूम खुस हे काय एवी ओला दिह्यान पासाण तुमरी चिन्ता मार बारा माय पोशी देखाड़णेन गालो जुड़ेल हे; खेरीच तुमूह पेलुच बी ज्यान विचार एतो, पुण तुमूह टेम नाह जुड़नो।11ज्यो नाह काय मी मारी कोमीन कारीन ज्यो केथु; काहाकाय मी ज्यो हिकेल हे काय जी हाल माय हे; तास माय खुसी केरू।12मी अनुबव किरेल हे, काय कोमी काय हे एने जादा काय हे; एकेक वात एने सोब हाल माय मी बुखल्यो रेणे, एने एकेक हाल माय का बी काहरी बी सोब हाल माय आफरीन रेणो मी हिकेल हे।13जो माहो ताकेत आपेह तान द्वारे मी आखो काय केर सेकथु।14तीबी तुमू हाजो किरेल काय मारा दुखा माय मारा हाती बोणना।15एय फिलेपियो, तु सोता बी जाणेह काय हाजाली खोबरीन पारचारान पेल, जेवी मी मकादुनिया माय रेन गीयो, तेवी तुमूह सोड़ीन उंजु काल्ली मोंडली लेणा देणान बाराम मारी मोदेक नाह केरी।16इहकेरीन जेवी मी थिस्सलुनिक्यो माय ईथे, तेवीह बी तुमू मारी कोमी पुरी केरनेन केरता एकाह रेन जास्ती वार काय पुण मोदेक लेन मुकलेल एता।17ओहलो नाह काय मी बोकसीस ने आसा केरथु, पुण मी ओहलो दान होदथु जो तुमरा तुमरा खाता माय जोमा केरू।18मार फाय आखो काय हे, एने जुलूम बी हे; जी वोस्तु तुमू इपफ्रुदीतुस ने आथे ली मुकलेल एता त्युह देरीन मी आखरी गीयोह, तो ते सुखदायक सुगन्द, लेय लेणेन लायेक बोलीदान हे, जो बोगवानाह पुटीह।19मारो बोगवान बी तान ता मालदेनान गेत जो बोड़ाय हेऱ्यो मसी यीशु माय हे, तुमरी एकेक कोमीह पुरो केरी।20आमरो बोगवान एने आबाख ने बोड़ाय कायेम इती रेय। आमेन।21एकेक बोगवानान माणहाह, जा मसी यीशु माय हेते नमस्कार किवो। जा बायाख एने बोणीख मार हेऱ्या हेते, तुमूह नमस्कार केतेह।22आखा बोगवानान माणहे, खास केरीन जा केसर ने गेराणान हेते, तुमूह नमस्कार केतेह।23आमरा मालीक यीशु मसीन गीण तुमू माणहा पोर इती रेय
The Word for the World International