मीका4
1सेवल्या दिह्याम ओहलो एय कायबोगवानान गेरान बुयड़ो सोब बोयड़ाह पोर वातड़ो केराय जाय,एने सोब बोयड़ाह रेन वोदार उचो केराय जाय;एने आखा देसान माणहे नेदीन गेत तान उगे आवती।2एने आखा देसान माणहे जाती, एने आपसाम केती,“आवो आपु बोगवानान बोयड़ा पोर चेढ़ीनयाकुबान बोगवानान गेराम जाता,तेवी तो आपुह वाट देखाड़ी,एने आपु तान वाटी पोर चालहू,काहाकाय बोगवानान नेम सियोन रेन, एने तान वचन यरूशलेम रेन निकाली।”3तो जुलूम देसान माणहान न्यायनिवाड़ो केरी,एने सिट सिटे वोर ताकेतवोर देसान राड़ मिटाड़ी;तेवी ता तान तालवाऱ्यु चेंदीन एलान कुहलो बाणावती,एने तान बोरशा चेंदीन कुलपा बाणावती;ती टेम माय एक देस दिहरा देसान विरूद मायतालवार नाय चालाड़ती।4एने माणहे ओंगाण लेड़ायीन विद्या नाय हिकती,पुण ता अंगुर ने वाड़ीम एने अंजीरान जाड़ा बुंदे बोह्या केरती,एने कुण कुणाह नाय बिगाड़े;सेनान बोगवानान ज्य वचन हे।5सोब देसान माणहे जिव जिवान देवतान नाव लेन चालतेह, पुण आपु आपणा बोगवानान नाव लेन जेलेम चालती रेहु।6बोगवानान ज्यो बोल हे, “ती टेम माय मी पोरजान लेंगड़ाह, एने बोलजोबरी काड़ेल ताह एने जाह मी दुख आपेल हे ताह सोबाह टुलो केरूह।7एने लेंगड़ाह वोचाड़ीन मेलुह, एने सेटा किरेल ताह एक ताकेतवालो देस बाणाव देह; एने बोगवान ता पोर सियोन बोयड़ा पोर रेन जेलेम राज किरते रेय।”8एने एय एदेरान चुटा, एय सियोनान बोयड़ी, तुवाह पेल ने गेत आदिकार जुड़ी, एने तुवाह यरूशलेमान राज जुड़ी।9एवी तु काहा आयड़ेह? काय तार फाय काल्लो राजा नाह रिनो? काय तारो विचार केरनार खेतेम एय गीयो, केरीन फोकड़ाणार बायकुन गेत तुवाह पिड़ा इथे।10एय सियोनान बेटी, फोकड़ाणार बायकुन गेत वेला केरीन पायदा केर; काहाकाय एवी तु किल्लाम रेन निकलीन चोवगान माय रिहे, पुण बाबेल वोर जाहे, ताहरीच तु सोड़वाय जाहे, मतलब ताहरीच बोगवान तुवाह दुसमोनान ताबाम रेन सोड़वी लेय।11एने जुलूम देसे तारी विरूद टोलवायीन तार बाराम केती, सियोनीह एठी केर दिवो, एने आमु आमरा डोला केरीन तीह नास एतालो देखहु।12पुण ता बोगवानान विचार नाह जाणते एने नाहते तान विचाराह सोमेजतेह, काय ताह ओहलो टुलो केर लेय, जिह केरीन खेताम रेन पुला खोलाम टुलो केराय जातेह।13एय सियोन, उठ एने दुवेड़, मी तारा हिंगाह लोड़ान एने तारा खुऱ्याह पितलान बाणाव देह; एने तु जुलूम देसाह चुरा चुरा किरहे, एने तान कामाय बोगवानाह अर्पण किरहे एने तान मालदेन देरतीन मालक्याह बेट किरहे।
The Word for the World International