मीका1
1बोगवानान वचन जो यहुदान राजा योताम, आहाज एने हिजकियान राज केरनेन दिह्याम मोरेशेत माय रेणार मीका फाय पोचनो, ज्य वचन सामरीया हियोर एने यरूशलेमान बाराम एतो ताह जुड़नो।2एय देस देसान सोब माणहे, हुमलो!एय देरती तु ता आखा हेऱ्यीच जा तार माय रेतेह,द्यान दे! मालीक बोगवान तुमरी विरूद,मतलब बोगवान तान चोखाली मोंदिर माय रेन तुमू पोर गोवाय देय।3काहाकाय बोगवान तान चोखाला जागाम रेन बाहेर निकेलने बाज रिनोह,एने तो उतरीन देरतीन उचाला जागा पोर चाली।4ओवत्यु बाऱ्यु तान बुंदे रेन पिगली जातीएने खोयरा ओहला फाटती,जिह केरीन मेण आक्ठीन आसी केरीनएने पाणी बारीम रेन निड़ो वुयेह।5ज्यो सोब याकुबान गुनान एने इस्राएलान गेराणान पापान कारेण इथे। याकुबान गुनो काय हे? काय सामरीया नाय मिले? एने यहुदान उचाला जागा काय हेते? काय यरूशलेम नाय मिले?6केरीन बोगवान केयो, “मी सामरीयान चोवगान नास केर देह, एने अंगुरान बोगिचो बाणावुह एने मी तान देगड़ाह जोवराम उंडलाव देह, एने तान पायो उखाल देह।7तान सोब गिड़ेल मुरत्यु बुकरा बुकरा केर देह; एने जो काय ती सिनालो केरीन कामायेल हे, तो आक्ठीम हेलगाड़ देह, तान सोब चित्राह चुरा चुरा केरूह, काहाकाय ती सिनालाच ने कामाय केरीन तो टुलो किरेल हे, एने ती सिनालान गेत कामाय बोण जाय।”8तेवी मीका केयो, “मी साथी ठोकीन रेडुह एने दुख मोणावुह, मी बिगेर चाट्यान एने उगाड़लो फिऱ्या केरूह; मी कोल्यान गेत आयडुह, एने शहमुर्गान गेत रेडुह।9काहाकाय तान जेखेम केदी नाय हुदरे; एने पिढ़ा यहुदा पोर बी आव पोड़नी, एने मारा माणहा पोर पोचीन यरूशलेमान फाटेक वोर पोच जाईल हे।”10गत हेयराम तान चेरचा मा किरो, एने मा रिड़ो; बेत आप्रा माय रेजड़ाम लुलो।11एय शापीर हेयराम रेणारी उगाड़ली एन विण लाज्यीस जात रे। एय सनान हेयराम रेणारे तुमरा हेयराम रेन मा निकलो, बेतसेल हेयराम रेड़ने किकेलनेन कारेण तान आसरान जागो तुमरे माय रेन सांडाड़ाय जाय।12काहाकाय मारोत हेयराम रेणारे ते मोदेक ने वाट जोवता जोवता गाबराय गीयाह, काहाकाय बोगवानान उगे रेन यरूशलेमान फाटेक वोर पिड़ा आव पुचेल हे।13एय लाकीश माय रेणारी, तुमरा टांगाम जोरेस दोवेड़नारे गोड़ा जुपो; तारीच पोर रेन सियोनवाली पोरजान पापान सुरवात एनी। काहाकाय इस्राएलान गुना तार माय सापेड़नाह।14केरीन तु गत हेयरान मोरेशेताह बेट आपीन सिटो केर देय; अकजीब ने गेर रेन इस्राएलान राजा दुकोच खाती।15एय मारेशा माय रेणारे, मी तुमरी विरूद एक एदम्याह लावुह जो तारी आखी वोस्तु सांडाड़ लेय, तेवी इस्राएलान मुखी माणहाह अदुल्लाम गुफा माय आवणे पोड़ी।16तुमरा लाड़काला सोरान केरता लेट्या काटाड़ीन मुंड बोड़ाव, पुण तारो मुंड मोराग्यान गेत टाली केर दे, काहाकाय ता बोंदी बोणीन तार फाय रेन जात रियेल हेते।
The Word for the World International