लेव्य3
1केदी एगदो माणुह मेल मिलाप बोली चेड़ावेह, एने तो पालन्या जेनवार माय रेन नर जेनवार एने मादा चेड़ावेह, ताहार जो पुरो हाजो एय ताहास तो यहोवान सामने चेड़ावे।2एने तो तान आथ तान चेड़ावण्या जेनवेरान मुंडा पोर मेली, एने ताह मिलापवाला तोम्बुन बायणा पोर बोली किरे। एने हारूनान सोरा जा चाकऱ्या हेते, ता तान लुयीह वेदीन कावदेन सिड़के।3एने ता माणहाह मेल मिलाप बोलीम रेन यहोवान केरता वेदीन आक्ठाम बेट चेड़ावणे जुवे, मतलब जी चेरबी केरीन आतड्या डापेल रेतेह, एने जी चेरबी ताम लेटकेल रिथे, ती बी।4एने दुयू बुका एने तान उपेरवाली चेरबी जी कोमरा हेऱ्यी रिथे, एने बुका बेल कालजाह डापणार चेरबीह बी निकाल लेणे जुवे।5तेवी हारून ने सोरा ज्याह वेदी पोर ती होमबोलीन उपेर मिलेल लाकड़ा पोर हेलगाड़े, काय ज्यान गेंद यहोवाह खुस केरनार बेट ठेराय।6केदी यहोवान मेल मिलाप बोलीन केरता तान बेट पालन्या जेनवेरा माय रेन रेय, ताहार नर एय नाहते मादा, पुण जो पुरो हाजो एय ताहास तो बेट चेड़ावे।7केदी तो मेंड्रान पिलाह चेड़ावेह, ताहार ताह यहोवान सामने चेड़ावे।8एने तो तान बोली चेड़ावण्या जेनवेरान मुंडी पोर आथ मेली एने ताह मिलापवाला तोम्बुन सामने बोली किरे; एने हारूनान सोरा तान लुयीह वेदीन कावदेन सिड़के।9तेवी मेल मिलाप बोलीम रेन चेरबीह यहोवान केरता आक्ठाम हेलगाड़ीन बोली केरी, मतलब तान चेरबी बोरायेल सेमटिह तो कोमरान आड़ाह रेन आलेग किरे, एने जी चेरबी केरीन आतड्या डापेल रेतेह, एने जी चेरबी ता माय लेटकेल रिथे,10एने दुयू बुका एने जी चेरबी तान उपेर कोमरा हेऱ्यी रिथे, एने बुका बेल कालजाह डापण्यी कातली बी आलेग किरे।11एने चाकर्यो वेदीन आक्ठा पोर ज्याह हेलगाड़ी; ज्यो यहोवान केरता बेट किरेल खाणो ठेराय।12केदी तो बोकड़ी चेड़ावे, ताहार ताह यहोवान सामने बोली केरी।13एने तो तान आथ बोकड़ीन मुंडी पोर मेली, एने ताह मिलापवाला तोम्बुन ओंगाण बोली किरे; एने हारूनान बिटोख तान लुयीह वेदीन कावदेन सिड़के।14तेवी तो ता माय रेन तान चेड़ावो यहोवान केरता आक्ठा माय बोली केरीन चेड़ावे, मतलब जी चेरबी केरीन आतड्या डापेल रेतेह, एने जी चेरबी ताम लेटकेल रिथे ती बी,15एने दुयू बुका एने जी चेरबी तान उपेर कोमरा हेऱ्यी रिथे, एने बुका बेल कालजाह डापण्यी कातली, ज्या आखाह तो आलेग केरी।16एने चाकऱ्यो ताह वेदीन आक्ठा माय हेलगाड़ी, ज्य आक्ठाम बोली किरेल खाणो ठेराय; ज्यान गेंद यहोवाह खुस किरेह; काहाकाय आखी चेरबी यहोवान हे।17ज्य तुमरी रेणेन जागाम पिढ़ी पिढीन केरता कायेम ने नेम रेय, तुमू लुय एने चेरबी केदी मा खाहो।
The Word for the World International