लेव्य27
1ओवतो यहोवा मुसाह केयो,2इस्राएल ने माणहाह के काय जेवी इखेह खास मानता मानी, ताहार मानता किरेल माणहे तारे ठेरावणेन गेत यहोवान रेती;3तानकेरता केदी तो विह वोरह्यान नाहते ताह रेन जादा एने साठ वोरह्या रेन कोम वोयान एदमी एय, ताहार तान केरता चोखाला जागान शेकेल ने गेत पाचाह शेकेलान ठेराती।4केदी ती बायकु एय, ते ती तीस शेकेल ठेराय।5केदी तान वोय पाच साल नाहते ताह रेन जास्ती एने विह सालाह रेन कोम एय, ते सोरान किमोत विह शेकेल, एने बायकुन किमोत दोह शेकेल ठेराय।6केदी तान वोय एक मोयनो नाहते ताह रेन जास्ती एने पाच सालाह रेन कोम एय, ते सोरान किमोत पाच शेकेल, एने एक सोरीन किमोत तीन शेकेल ठेराय।7केदी तान वोय साठ नाहते साठ रेन जास्ती एय, एने तो एदमी एय, ते तान किमोत पोंदरा शेकेल; एने एक बायकुन किमोत दोह शेकेल ठेराय।8केदी मानता केरनार माणुह ओलो गेरीब हे काय किमोत आपणेन ताकेत नाह सोती, ताहार ता माणहाह चाकर्यान सामने लावे, चाकर्यो ज्य ठेरावी काय तो माणुह कोलीक किमोत बुकतान माय आप सिकेह।9ओवता जा जेनवाराम रेन माणहे यहोवाह बेट चेड़ावतेह, केदी ओहलाम रेन इखेह माणुह ता जेनवाराम रेन एगदाह बोगवानाह आपी, तो चोखो ठेराय।10तो ताह काल्लीस रिती से नाय बोदले, नाहते तो बाकतान बोदले हाजो, एने नाह हाजान बोदले बाकतो आपी। एने केदी तो ता जेनवारान जागे दिहरो जेनवार आपी, ताहार तो एने तान बुदलो दुयू चोखाला ठेराती।11एने जा जेनवाराम रेन माणहे यहोवान केरता बोली नाह चेड़ावते ओहलाम एठा जेनवेराम रेन केदी ता एती, ताहार तो ताह चाकर्यान सामने उब राखाड़े,12तेवी चाकर्यो जेनवेरान हाजा बाकता गुण फुसीन तान किमोत ठेरावे; एने जोलीक चाकर्यो ठेरावे तान किमोत तोलीस ठेराय।13केदी माणुह जेनवाराह पोशो लेणे हुदेह, ताहार जी किमोत चाकर्यो ठेरायेल एय, तीम ताह पाचवो ईसो उंजु वोदार आपी।14ओवतो केदी इखेह माणुह तान गेर यहोवान केरता चोखो ठेरावीन आपेह, ताहार चाकर्यो गेरान हाजो बाकतो फुसीन तान किमोत ठेरावे; एने जोलीक चाकर्यो ठेरावी तान किमोत तोलीस ठेराय।15एने केदी गेराह चोखो केरनार माणुह गेर सोड़ेवणे होदी, ताहार जोलाक पोयशा चाकर्यो तान किमोत ठेरायेल एय ताम तो पाचवो ईसो उंजु वोदाड़ीन आपी, तेवी गेर ता माणहान एय जाय।16ओवतो केदी इखेह माणुह तान खेतान एगदो ईसो यहोवान केरता चोखो ठेरावणे होदी, ताहार तान किमोत ज्यान गेत ठेराय काय ताम कोलोक बियारो पोड़ी; जोलोक खेताम होमेर बोर जुवार पोड़ी, तोलाक ने किमोत पाचाह शेकेल ठेराय।17केदी माणुह तान खेत आजादीन वोरह्या मायच चोखो ठेरावे, ताहार तान किमोत तारे ठेरावणेन पारमाणे ठेराय।18एने केदी माणुह तान खेत आजादीन वोरह्यान बाद दान किरे, ताहार जोलाक वोरीह दिहरा आजादीन वोरह्या बाकी रेती, तास ने गेत चाकर्यो तानकेरता पोयशान ईसाब केरी, तेवी जोलाक ईसाब माय आवती तोलाक चाकर्यान ठेरावणे से कोम रेती।19एने केदी खेत दान केरनार माणुह खेताह पोशो लेणे होदी, ताहार जी किमोत चाकर्यो ठेरायेल एय, ताम तो पाचवो ईसो उंजु वोदाड़ीन आपी, तेवी खेत तास ने रेय।20पुण केदी तो खेताह सोड़ेवणे नाय होदी, नाहते तो ताह दिहरान आथाम विचेल एय, ताहार खेत ओंगाण केदी नाय सोड़ावाय जाय;21पुण जेवी तो खेत आजादीन वोरह्या माय सुटी, तेवी पुरीरिती से अर्पण किरेल खेतान गेत बोगवानान केरता चोखो ठेराय, मतलब तो खेत चाकऱ्यास ने सोतान खेत बोण जाय।22ओवतो केदी इखेह तान वेचातो लियेल खेत, जो तान खोतान बुयीन खेतावाला निह एय, यहोवान केरता चोखो ठेरावी,23ताहार चाकर्यो आजादीन वोरीह वोर वालो ईसाब केरीन ता माणहान केरता जोलोक ठेरावे तोलोस तो यहोवान केरता चोखो सोमजीन तेदिहस आप देय।24आजादीन वोरह्याम तो खेत तास ने आदिकार माय जाफ रेन तो वेचातो लियेल एय, पोशो आव जाय, मतलब जान ती सोतान बुय एय, तास ने पोशी एय जाय।25जी जी चिजीन किमोत चाकर्यो ठेरावी तीन किमोत चोखाला जागास ने शेकेल ने ईसाबा केरीन ठेराय, शेकेलान तोलो विह गेरान ठेराय।26पुण पालन्या जेनवारान जेठालो पिलो, जो जेठालो एणेन वोजेसे यहोवान ठेरायेल हे, कुण बी मानता नाय माने; केदी तो वासड़ो एय, केदी मेंड्रान नाहते पालन्या जेनवेरान पिलो, तो यहोवास ने हे।27पुण केदी तो खाराब जेनवारान एय, ताहार ताह चोखो ठेरावणार ताह चाकर्यान ठेरायेल किमतीन गेत तान पाचवो ईसो उंजु वोदाड़ीन सोड़ीव सिकेह; एने केदी तो नाय सोड़ावाय जाय, ताहार चाकर्यान ठेरायेल किमोत पोर वेचाय जाय।28पुण तान आखी चिजीम रेन जो काय इखेह यहोवान केरता अर्पण केरी, केदी माणुह एय केदी जेनवार, केदी तान सोतान बुयीन खेत एय, ओहली एगदी चेड़ायेल चिज वेचाय नाय जाय एने सोड़ावाय नाय जाय; जो काय चेड़ावाय जाय तो यहोवान केरता जुलूम चोखो ठेराय।29केदी माणहा माय रेन एगदाह मोतीन देन्ड ने केरता अर्पण केराय जाय, ताहार तो पोशो सोड़ावाय नाय जाय; जोरेवरी तो माराय जाय।30ओवतो खेतान आखो दोहवो ईसो, केदी तो खेतान कामाय एय, केदी जाड़ान फोले, तो यहोवास ने हे, तो यहोवान केरता चोखो ठेराय।31केदी इखेह माणुह तान दोहवा ईसाम रेन काह पोशो वेचातो लेणे होदी, ताहार पाचवो ईसो वोदाड़ीन ताह सोड़वे।32एने पालन्या जेनवार एने मेंड्रा बोकड्या, मतलब जा जा जेनवार गेणनेन केरता डेंगीन नेचा रेन निकेलन्या हेते तान दोहवो ईसो, मतलब दोह दोहान पासाण एक एक जेनवार यहोवान केरता चोखाला ठेराती।33मालीक ज्यी चिन्ता नाय किरे काय तो जेनवार हाजालो हे नाहते बाकतालो हे, तो जेनवाराह दिहरा जेनवारा हेऱ्यो नाय बोदले; केदी तो बोदली बी लेय, ताहार दुयू जेनवार यहोवान केरता चोखा रेती, तो जेनवार पोशो केदी सोड़ावाय नाय जाय।34जा उकुम यहोवा इस्राएल ने माणहान केरता सीने बोयड़ा पोर मुसाह आपेल इतो, ता ज्या हेते।
The Word for the World International