लेव्य24
1ओवतो यहोवा मुसाह केयो,2इस्राएल ने माणहाह ज्यो उकुम आप काय मार फाय उजालो केरनेन केरता कुटिन निकालेल हाजालो तेल लियावज्यो काय दिवो कायेम पेटाते रेय।3हारून यहोवान मिलापवाला तोम्बुम गोवाय पोत्रान विचीवाला पोरदान बाहेर यहोवान सामने, कायेम हांज पोर रेन ते वेगोस वोर हेलगाड़ीन मेली; ज्यो नेम तुमरी पिढीन पिढ़ी केरता ठेराय।4हारून दिवान हाजाला दिवट पोर यहोवान सामने दिवाह कायेम हेलेगताला मेली।5“तु मोयदा लेन बारा रोटा रांदज्ये, एक एक रूटो दुय किलो मोयदान बाणावाय जाय।6तेवी तान दुय रांग बाणावीन, एक एक रांग सोव सोव रोटा, हाजाला होनान बागड़ा पोर यहोवान सामने मिलज्यो।7एने एक एक रांग पोर चोखाला हालयान ढिक मिलज्यो काय तो रूटो यहोवाह एर केरावणेन वोस्तु एने बोली रेय।8देर विहेवणे दिह हारून रोटाह यहोवान सामने आरी माय मेली, इस्राएल ने माणहा हेऱ्यी ज्यी वाचा कायेम बोणीन रेय।9एने ता हारून एने तान सोरान रेती, ता रोटाह चोखाला जागाम खाय, काहाकाय ता रोटा यहोवाह आक्ठान द्वारा चेड़ायेल बेटीम रेन हेते; ता रोटा हारून ने केरता कायेम चोखी बेट रेय।”10ता दिह्याम एक इस्राएली बायकुन बिटोख इतो, तान आबोख मिस्र देसाम रेणार इतो; तो इस्राएली माणहान विचीम जात रिनो, तो इस्राएली बायकुन बिटोख एने एक इस्राएली एदमी पाड़ावाम आपसाम लेड़ाणे बाज गीया,11एने तो इस्राएली बायकुन बिटोख यहोवान नावान चिहटा केरीन हाराप आपणे बाज गीयो। ज्य होमलीन माणहे ताह मुसा फाय ली गीया, तान आईख ने नाव शलोमीत एतो, जी दानान कुटूमान दिब्रीन बेटीख एती।12माणहे सोराह जेलीम कोंड्या, जाकेरीन यहोवान उकुमा से ज्यी वातु पोर विचार केराय जाय।13तेवी यहोवा मुसाह केयो,14“तुमू ता हाराप देणाराह पाड़ावान बाहेर ली जावो; एने जोला बी चिहटा होमलेल एती, ता आखा आप आपणा आथ तान मुंडी पोर मेली, तेवी आखी मोंडलीन माणहे ताह देगड़ाठे।15एने तु इस्राएल ने माणहाह के काय, केदी इखेह माणुह तान बोगवानाह हाराप देथे, ताहार ताह तान पापान देन्ड वेठणे पोड़ी।16यहोवान नावान चिहटा केरनार जोरेवरी माराय जाय, एने ताह आखी मोंडली देगड़ाठे; केदी तो देसावालो एय नाहते पारायो एय, केदी इखेह माणुह यहोवान नावान चिहटा केरी, ताहार तो माराय जाय।”17“एने केदी इखेह माणुह एगदा दिहरा माणहाह मार टाकेह, ताहार तो जोरेवरी माराय जाय।18केदी इखेह माणुह एगदा पालन्या जेनवाराह मार टाकेह, तो ताह बोर देय, मतलब जीवान बोदले जीव।”19“ओवतो केदी इखेह माणुह एगदा दिहरा माणहाह दुख पोचाड़ी, ताहार जिह केरीन तो किरेल एय, तिहेच केरीन ता हेऱ्यो बी केराय जाय,20मतलब आड़ तोड़नेन बोदले आड़ तोड़ाय जाय, डोलान बोदले डोला, दातान बोदले दात, जोहलो दुख जो बी एगदाह पोचाड़ेल एय, तिहेच केरीन ताह बी पोचाड़ाय जाय।21जेनवाराह जो मार टाकेह तो ताह बोर देय, पुण माणहाह जो मार टाकेह, तो जोरेवरी माराय जाय।22तुमरो नेम एकुस रेय, जोहलो देसावालान केरता, तिहेच केरीन पारायान केरता बी रेय, काहाकाय मी तुमरो बोगवान यहोवा हे।”23तेवी मुसो इस्राएल ने माणहाह ज्य सोमजाड्यो; तेवी तो ता हाराप देराणा माणहाह पाड़ावान बाहेर ली जाएन ताह देगड़ाठ्या। एने इस्राएल ने माणहे तिहेच केरीन केऱ्या, जिह केरीन यहोवा मुसाह उकुम आपेल इतो।
The Word for the World International