लेव्य21
1यहोवा मुसाह केयो, “ज्यु वातु हारूनान सोराह जा चाकऱ्या हेते के काय एगदा मुरेल माणहाह सापलीन चाकर्यो सोताह एठा नाय किरे;2तुमरा माणहाम रेन कुण बी मोरी ताहार तो ता मोरनारान सेरीराह सापील सिकेह, मतलब तान आहख, आबोख, बिटुख नाहते बेटीख, नाहते बायाख ने केरता,3नाहते तान सेल्ली बोणीख जीन वाराड़ इयेल नाह सोतो, जीन आहेंल्यो नातो हे, तान केरता ती सोताह एठो केर सिकेह।4पुण चाकर्यो बोणनेन नाते तो तान माणहाम मुखी हे, केरीन तो सोताह ओहलो एठो नाय केरी काय एठो एय जाय।”5चाकर्यो दुखाह देखाड़नेन केरता तान मुंडान टाली नाय केरावी, एने दाड़ी नाय केरावी, एने नाह तान सेरीर चीरे।6चाकर्यो तान बोगवानान केरता चोखो बोणी, न्याह बोगवानान नावान केरता आदार देखाड़ी, काहाकाय ता रोटा एने आक्ठान द्वारा बेट यहोवाह पोचाड़तेह, केरीन ता चोखाला बोणीन रेय।7ओहली बायकु हिऱ्यो वाराड़ नाय किरे, जी एगदा हेऱ्यी खाराब काम किरेल हे, एने उंजु सेड़ी किरेल बायकु हिऱ्यो वाराड़ नाय किरे, काहाकाय चाकऱ्यो तान बोगवानान केरता चोखालो रिथे।8तानकेरता तु चाकऱ्याह चोखालो जाणज्ये, काहाकाय तो तुमरा बोगवानान खाणो चेड़ाया किरेह; केरीन तो तुमरी नेजरीम चोखो ठेराय; काहाकाय मी यहोवा, जो तुमूह चोखो केरथु, चोखालो हे।9एने केदी चाकर्यान बेटीख वेश्या बोणीन सोताह एठी केरी, ताहार ती तीन आबाख एठी ठेरावेह; ती आक्ठाम हेलगाड़ाय जाय।10“जो तान बायह्याख माय मुखी चाकर्यो एय, जान मुंडी पोर अबिषेक ने तेल रोचवायेल एय, एने जान चोखाला फाड़काह पेरनेन केरता निवोड़ इयेल एय, तो तान मुंडान लेट्या जेवड़ाणे नाय देय, एने नाह तान फाड़का फाड़े।11तो चाकर्यो देड़ाह सापलीन सोताह एठो नाय बाणावे, तो एगदा देड़ा हेऱ्यो नाय जाय, केदी तान आहख आबोख काहा नाय रेती;12तो बोगवानान चोखाला जागान बाहेर नाय जाय, एने नाह बोगवानान चोखाला जागाह एठो ठेरावी, काहाकाय तो तान बोगवानान अबिषेक ने तेलान मुकूट पेर रिनोह, मी यहोवा हे।13एने तो चाकर्यो कुवारली बायकु हिर्योस वाराड़ केरी।14तो चाकर्यो ओहली बायकु हिऱ्यो वाराड़ नाय केरी, जी एगदा एदम्या हेऱ्यी खाराब काम किरेल हे, एने एगदी वेश्या नाहते सेड़ी किरेल बायकु, नाहते रांडायेल बायकु हिऱ्यो वाराड़ नाय केरी; चाकर्यो तास ने माणहान विचीम रेन एगदी कुवारली सोरी हिऱ्यो वाराड़ केरी।15तो तान सोराह तान माणहाम एठो नाय केरी; काहाकाय मी ताह चोखो केरनार यहोवा हे।”16ओवतो यहोवा मुसाह केयो,17“हारूनाह के काय, केदी तुमरी वोचीन सोरा माय रेन एगदान काल्लो बी दोस एय तो तान बोगवानान रूटो चेड़ावणेन केरता आहने नाय आवी।18एगदो माणुह, जान एखेह दोस एय, तो आहने नाय आवी, केदी तो आंदलो, लेंगड़ो, नाकचोपट्यो एय, केदी तान थोड़ाक वोदार सेरीरान ईसा रेती,19नाहते तान पाय, नाहते आथ टुटेल एय,20नाहते डोंगायेल माणुह, नाहते बुटक्यो, नाहते तान डोलाम दोस एय, नाहते वियोल एने कोढ़ बेमारीवालो माणुह, नाहते वांठो माणुह एय;21केदी हारून चाकऱ्यान वोचीम रेन इखेह काह दोसावालो एय, ताहार तो यहोवाह होमबोली नाय चेड़ावे, एने तो माणुह बोगवानाह खाणो बेट चेड़ावणेन केरता आहने नाय आवी।22तो माणुह यहोवान चोखालो एने जुलूम चोखालो दुयू बातीन खाणाह खाय सिकेह,23पुण तान दोसान वोजेसे तो नाहते विचीवाला पोरदान मायतो आवी, एने नाह वेदीन आहने, जाकेरीन ओहलो नाय एय काय तो मारा चोखाला जागाह एठो केरी; काहाकाय मी तान चोखो केरनार यहोवा हे।”24तानकेरता मुसो ज्यु वातु हारून एने तान सोराह एने इस्राएल ने आखा माणहाह केयो।
The Word for the World International