यहोशु16
1ओवतो चिट्ठी टाकणेन द्वारा युसूफान सोरान ईसान एद्दी यरीहो गावान आहनेवाली यरदन जिर रेन यरीहोन पुर्वान पाण्या केरीन सुरवात एन ता जेंगला निही एने यरीहो रेन बोयड़ावाला देसाम लागती, बेतेल वोर पोचनी;2ओवती बेतेल गाव रेन ती लुज ने एद्दी वोर पोचनी, एने ओंगाण वोड़तेन अरकी जातीन एद्दी लागती अतारोत ने उगे जाय निकेलनी;3एने पश्चिम ने उगे यपलेती जातीन एद्दी रेन उतरीन, पोशी बुंदेवाला बेथोरोनान एद्दी लागती गेजेर पोचनी, एने देरीयान दिड़े निवरी गियी।4तेवी मनश्शे एने एप्रेम नावान युसूफान दुयू सोरान सोरा आप आपणो ईसो लेदा।5एप्रेमान एद्दी तान गेराणान पारमाणे ज्यी ठेरानी; मतलब तान ईसान एद्दी पुर्व रेन सुरवात एन अत्रोतदार लागती उपेरल्या बेथोरोन वोर पोचनी;6एने उत्तरवाली एद्दी पश्चिमान उगेवाला मीकमतात रेन सुरवात एन पुर्वान उगे वोलीन तानतशीलो पोचनी, एने तान आहने लागती यानोह गाव वोर पोचनी;7पोशी यानोह रेन ती अतारोत एने नाराम उतेरते लेन यरीहो माय पोचणे एने यरदन नेदीम जाथे।8ओवती तीस एद्दी तप्पुह रेन पश्चिमान उगे जाएन कानान खुदेर लागती देरीयाम निकेलनी; एप्रेमी माणहान गेराणान ईसो तान गेराणान पारमाणे ज्योस ठेरानो।9एने ज्या हेऱ्या मनश्शेन ईसान विचीम एप्रेमी माणहान केरता आप आपणा गावा बेल थोड़ाक हियोर आलेग केराय गीया।10पुण ता गेजेर माय रेणाराह कनानीह नाह निकाल्या, केरीन कनानी माणहे एप्रेमीन विचीम आज वोर रेणे बाजरेनाह, एने मोंजरीन काम केरतेह।
The Word for the World International