यहोशु13
1जेवी यहोशु जुलूम डुहो एय गीयो, ते यहोवा ताह केयो, “तु डुहो एने जुलूम वोयान एय जायेल हे, एने जुलूम देस रेय जायेल हेते, जा इस्राएल ने आदिकार माय उंजु वोर नाह आवा।2ज्या देस रेय जायेल हेते, मतलब पलिश्तीन आखो जागो, एने गशुरी माणहान आखो जागो।3तुमू मिस्र देसान एद्दी पोर शीहोर नेदी रेन उत्तर माय एक्रोनान एद्दी वालो जागो नाह लियेल सोता, तो एवी वोर कनानी माणहान हे; तुमूह राजा, अशदोद अशकलोन, गत, एने एक्रोन पाचु पलिश्तीन मुखीह, एने ता अव्वी माणहाह आरेवणु हे।4ओवतो अपेक एने एमोरीन एद्दी वोर कनानीन आखो देस, एने सीदोनीन मारा नावान देस,5ओवतो गबालीन देस, एने पुर्व उगेवालो हेर्मोन बोयड़ान नेचा बालगाद रेन हमात ने गाटे वोर आखो लबानोन ईलाको,6ओवता लबानोन रेन मिस्रपोतेम वोर बोयड़ाम रेणारे, आखा सीदोनी, न्याह मी इस्राएली माणहान सामने रेन निकाल देह; तु फोक्तो मारा उकुमान गेत चिट्ठी टाक टाकीन तान देस इस्राएलीह वाट दे।7केरीन तु एवी ज्या देसाह नोव कुटूमाम एने मनश्शेन आदा कुटूमाम वाट दे।”8रूबेनी एने गादीह ते तो ईसो जुड़ जायेल इतो, जो मुसा ताह यरदन ने पुर्व निही आपेल इतो, काहाकाय यहोवान सेवक मुसा ताहास आपेल इतो,9मतलब अर्नोन नावान गाटान देड़ेवाला अरोएर रेन, एने तास गाटान विचीवाला हेयराह सोड़ीन दिबोन वोर मेदबान आहनेवालो आखो सापाट देस;10एने अम्मोनीन राजा सीहोन जो हेशबोन माय राज किऱ्यो, तान एमोरी माणहान एद्दी वोर आखा हियोर;11एने गीलाद देस, एने गशुरी एने माका माणहान एद्दी, एने आखो हेर्मोन बुयड़ो, एने सल्का गाव वोर आखो बाशान ईलाको।12बाशान माय ओगानान पुरो राज, जो अशतारोत एने एद्रेई माय राज केरतालो, वोचेल रपाई माय फोक्तो तोस रेय जायेल एतो, काहाकाय मुसा ताह मारीन तान देसाम रेन निकाल दियेल इतो।13पुण इस्राएली गशुरी एने माकीह तान देसाम रेन नाह निकाल्यो; केरीन गशुरी एने माकी इस्राएलीन विचीम आज वोर रेतेह।14एने लेवीन गेराणाह तो काल्लो ईसो नाह आप्यो; काहाकाय इस्राएल ने बोगवान यहोवान वचनान गेत तास ने बेट तानकेरता ईसो ठेराय।15मुसा बुईन ईसो रूबेन ने वोसीन कुटूमाह तान सोतान ईसो हे केरीन वाट दियेल इतो।16मतलब अर्नोन नावान हाकड़ा गाटान देड़ेन अरोएर रेन एने तास गाटान विचीवाला हेयराह सोड़ीन मेदबान आहनेवालो आखो सापाट देस;17उवतो हेशबोन एने सापाटीवाला आखा हियोर, मतलब दिबोन, बामोतबाल, बेतबालमोन;18यहस, कदेमोत, मेपात,19किर्यातेम, सीबमा, एने गाटामवालो बोयड़ा पोर वालो सेरेथशहर,20बेतपोर, पिसगान आड़वाया एने बेथशीमोत एता।21एने सापाटीवाला आखा हियोर एने एमोरी माणहान राजा सीहोन जा पोर राज किरेल इतो, तो ईलाको इतो, पुण मुसा ताह एने मिद्यानी माणहाह आरायेल इतो। मुसा एवी, रेकेम, सुर, हुर, एने रेबा नावान मिद्यान ने मुखीह बी मार दियेल इतो, जा सीहोनान ठेरायेल आखा मुखी तास देसाम रेताला।22एने इस्राएल ने माणहे दिहरा माणहा हेऱ्या बोरान बिटोख बिलामाह बी जो जाणाव केरतालो तालवार केरीन मार टाक्या।23एने रूबेनीन बुयीन एद्दी यरदन नेदी एती, रूबेनीन ईसो तान वोचीन पारमाणे हियोर एने गावा बेल ज्योस ठेरानो।24ओवतो मुसा गादान कुटूमाह बी वोचीन पारमाणे तान सोतान ईसो केरीन वाट दिनो।25याजेरान एने गीलादान आखा हियोर, मुसा ताह अम्मोनी माणहान बुयीन आदो ईसो रब्बान आहने अरोएर वोर आपेल इतो।26एने हेशबोन रेन रामत-मीस्पे एने बेतोनीम वोर, एने महनेम रेन दबीर ने एद्दी वोर,27एने गाटाम बेतहारम, बेतनिम्रा, सुक्कोत एने सापोन एने यरदन नेदीह एद्दी मानीन हेशबोन ने राजा सीहोनान राज्यान वोचेल ईसो, जो यरदन नेदीन पुर्व माय किन्नेरेत देरीयान सेवटे वोर पोसरेल हे।28गादी माणहान ईसो तान वोस एने गेराणान पारमाणे हियोर एने गावा बेल ज्यास ठेराना।29ओवतो मुसा मनश्शेन आदा गेराणाह बी तान सोतान ईसो केर दिनो; तो मनश्शेन आदा गेराणान सोतान ईसो तान वोचीन पारमाणे ठेरानो।30तान ईसो ज्यो इतो, महनेम रेन आखो बाशान मतलब बाशान ने राजा ओगान आखो राज्य, एने बाशान माय याईरान साठ हियोर,31एने गीलादान आदो ईसो, एने बाशान माय ओगान राज्याम वोहेल अशतारोत एने एद्रेई हियोर, ज्यो ईसो मनश्शेन बिटोख माकिरान वोस ने केरता मतलब माकीरा आदि वोचीन सोतान ईसो तान वोचीन पारमाणे ठेराय।32जो जागो मुसा मोआब ने मोयदाना माय यरीहोन आहने यरदन नेदीन पुर्व उगे वाट दिनो ता ज्यास हेते।33पुण लेवीन गेराणाह मुसा काल्लो जागो नाह आप्यो; इस्राएल ने बोगवान यहोवास तान वचनान गेत तान ईसो ठेरानो।
The Word for the World International