इब्रानियो5
1एकेक मुखी चाकर्यो माणहा माय रेन निवड़ाय जाथे, एने माणहान आगवाय केरनेन केरता एने बोगवानान सेवा केरनेन केरता निवड़ाय जाथे, ताकाय तो पापान केरता बेट एने बोलीदान चेड़ावी।2काहाकाय तो खुद बी मोकतीस कोमजोरीन ताबाम ईतो, केरीन तो विणएकल्याह एने विहरायेल बोटकायेल हेऱ्यो नेरमाय से वेवारो किर सिकेह।3एने तानकेरीन ताह जुवे काय जिहकेरीन माणहान केरता तिहेस केरीन सोतान केरता बी पाप बोली चेड़ाया केरी।4ज्य मुखी चाकर्यान आदार ने पोद कुण बी खुद निवाड़ नाह लेणे, जाह वोर काय हारून ने गेत बोगवानान उगे रेन तो ठेराय नाह जात।5तिहेस केरीन मसी बी मुखी चाकर्यो बोणनेन बोड़ाय खुद स्वीकार नाह किऱ्यो, पुण बोगवान ताह कियेल:“तु मार बिटोख हे;एने आज मी तार आबोख बुणेल हे।”6इहकेरीन तो दिहरे जागी बी किथे,“तु मलकिसिदक ने गेत,कायेम ने केरता मुखी चाकर्यो हे।” मुखी चाकऱ्यो चाकऱ्यान फाड़का एने दिवा हेऱ्या7यीशु तान सेरीर माय देरती पोर रेणे टेम माय मोठास सोबदा माय रेड़ रेड़ीन, एने आहवा गालीन ताह जो ताह मोती माय रेन वोचाड़ सेकतालो। विन्ता एने विन्ती किऱ्यो। बोक्ती एने गेरबोड़ाय ने कारेण बोगवान हुमल्यो।8बिटोख ईतो तीबी तो आपणो दुख उखलीन उकुम मान्नेन हिक लिदो।9उवतो खिरो एय जाणे से, आपणा सोब उकुम मान्नारान केरता जेलेमक्या कालान सुटकारान कारेण बोण गीयो,10 एने ताह बोगवानान उगे रेन मलकिसिदक ने रिती पोर मोटला मुखी चाकर्यान पोद जुड़नो।11ज्यान बाराम आमुह जुलूम वातु केणु हे, एने ज्याह सोमजाड़णेन बी जुलूम केठीण हे, काहाकाय तुमू मोठेह होमेलने बाज गीयाह।12टेमान गेत ते तुमूह एवी वोर मास्तेर बोण जाणो एतो, पुण एवी जोरवरी ज्य एय जायेल हे काय ईखेह तुमूह पोशो बोगवानान वचनान हिक पेल रेन हिकाड़ी, तुमू ते ओहला एय गीयाह, काय तुमूह खाणान बोदले एवी वोर दुदूच जुवे।13दुद पिणाराह ते देरमान वचनान ओलखात नाह रेणे, काहाकाय तो सोरो हे।14पुण खाणो सोमेजदारान केरता हे, जा तान अनुबव से हाजा बाकतान ओलखात केरने हिक जायेल हेते।
The Word for the World International