निर्गमन7
1तेवी यहोवा मुसाह केयो, “हुमेल, मी तुवाह फिरोन ने केरता बोगवानान होस ठेरावथो; एने तार बाहख हारून तारो जाणकार ठेराय।2जो जो उकुम मी तुवाह आपुह तोस तु किज्ये, एने हारून फिरोनाह केय काय इस्राएलीह तान देसा माय रेन निकेल जाणे देय।3पुण मी फिरोन ने मोनाह वातड़ो केर देह, एने मार निसाणी एने चोमेत्कार मिस्र देस माय मोकतास देखाडुह।4तीबी फिरोन तुमरी नाय होमली; एने मी मिस्र देस पोर मारो आथ ओंगाण केरीन मिस्रीह मोजबुत देन्ड आपीन मारा सिपाय मतलब मारा इस्राएली माणहाह मिस्र देसा माय रेन काड़ लेह।5एने जेवी मी मिस्र पोर आथ ओंगाण केरीन इस्राएलीह तान विच माय रेन काड़ लेह, तेवी मिस्री जाण लेती काय मी यहोवा हे।”6तेवी मुसा एने हारून यहोवान उकुमान होसुस केऱ्या।7जेवी ता फिरोन हेऱ्या वातु केरने बाज गीया तुलबूखे मुसा हांयची वोरह्यान इतो, एने हारून त्रेयाशी वोरह्यान इतो।8ओवतो यहोवा मुसा एने हारूनाह इह केरीन केयो,9“जेवी फिरोन तुमूह केय, तुमरा पुरावान काह चोमेत्कार देखाड़ो। तेवी तु हारूनाह किहे, तार डिंगो देरीन फिरोनान ओंगाण टाक दे, एने तो गेयड़ेक बोण जाय।”10तेवी मुसा एने हारून फिरोन फाय गीया एने यहोवान उकुमान होस केऱ्या; एने जुलबूखे हारून तान डेंगाह फिरोन एने तान आदिकारीन ओंगाण टाक दिनो, एने तेवी ती डिंगो गेयड़ेक बोण गीयो।11तेवी फिरोन पुजारी एने मोतेरनाराह हादाड्यो; एने मिस्र माय वाला जादुगार आवीन जादु टोना केरीन तोहलोच केऱ्या।12एने ता बी जान तान डेंगा टाक देना, एने तान बी गेयड़ेक बोण गीयो। पुण हारूनान डिंगो तान डेंगाह गिल गीयो।13पुण फिरोनान मोन वातड़ो एय गीयो, मुसा एने हारूनान वात नाह मान्यो। जीह केरीन बोगवान कियेल इतो।14तेवी यहोवा मुसाह केयो, “फिरोनान मोन वातड़ो एय जायेल हे एने मार माणहाह जाणे नाय देय।15केरीन विगोस फिरोन फाय जा, तो पाण्यान उगे बाहेर आवी; एने जो डिंगो गेयड़ेक बोण जायेल इतो, ताह आथाम लेन निल नेदीन मीरे ताह मिलाणेन केरता उब रिज्ये।16एने तु ताह किज्ये, ‘इब्रानी माणहान बोगवान यहोवा माहु तार फाय ज्यो केणेन मुकलेल हे काय मारा माणहाह जाणे दे, काय ता जेंगला माय मारी बोक्ती केरी; एने एवी वोर तु मार वात नाह मान्यो।’17यहोवा ज्यो किथे, इह केरीन तु जाण लिहे काय मीच बोगवान हे; देख, मी मार आथाम वालो डिंगो निल नेदीन पाण्या पोर देह, एने पाणी लुय बोण जाय,18मासा मोर जाती, एने नेदी गेंदाणे बाज जाय, एने मिस्री माणहान केरता नेदीन पाणी पिणेन लायकी नाय रेय।”19ओवतो यहोवा मुसाह केयो, “हारूनाह के काय तार डिंगो लेन मिस्र देसा माय जाहरी पाणी हे, मतलब नेदी, खोदरा, तेला, एने पाण्यान कुवा, आखान उपेर तार आथ ओंगाण केर काय ता माय वालो पाणी लुय बोण जाय; एने आखा देसाम लाकड़ान एने देगड़ान ठामला माय लुय लुयूस एय जाय।”20तेवी मुसा एने हारून यहोवान उकुमान गेत केऱ्या, हारून डिंगो विसीन फिरोन एने तान आदिकारीह देखतास निल नेदीन पाण्या पोर दिनो, एने नेदीन आखो पाणी लुय बोण गीयो।21एने निल नेदीम वाला आखा मासा मोर गीया; एने नेदी गेंदाणे बाज गीयी, एने मिस्री माणहे नेदीन पाणी नाह पिय सेकना; एने आखा मिस्र देसा माय लुय ने लुय बोण गीयो।22तेवी मिस्रवाला विद्या केरनार बी जादु टोना केरीन तिहेस केऱ्या; तीबी फिरोनान मोन वातड़ो एय गीयो, एने यहोवा कियेल तीह केरीन तो मुसा एने हारूनान वात नाह मान्यो।23फिरोन ज्या पोर बी द्यान नाह दिनो, एने मुय फिरावीन तान गेर जात रिनो।24एने आखा मिस्री माणहे पिणेन पाण्यान केरता निल नेदीन मीरे मीरे खोदणे बाज गीया, काहाकाय ता नेदीन पाणी नाह पिय सेकताला।25जेवी यहोवा निल नेदीह दियेल इतो, ते दिह रेन हात दिह एय जायेल एता।
The Word for the World International