निर्गमन14
1तेवी बोगवान मुसाह केयो,2“इस्राएली माणहाह उकुम आप, काय ता वोलीन मिग्दोल एने रातला देरीयान विचीम पीहहीरोतान जागे, बाल सफोन ओंगाण ता पाड़ावो केरी, तुमू देरीयान दिड़े पाड़ावो टाक दिज्यो।3तेवी फिरोन इस्राएली माणहान बाराम विचार केरी, ‘ता देसान बुल माय फासाय रेनाह एने जेंगलाम बोटकी गीया।’4तुलबूखे मी फिरोन राजान मोनाह वातड़ो केर देह, एने तु तान पासाण जाय, तेवी फिरोन एने तान आखा सिपायान उगे रेन मारी बोड़ाय एय; तेवी मिस्री सोमजी जाती काय मी यहोवा हे।” एने इस्राएली माणहे तिहेस केरीन केऱ्या।5जुलबूखे मिस्रीन राजाह जी खुबेर जुड़नी काय ता माणहे नाह गीयाह, तेवी फिरोन एने तान आदिकारी माणहान मोन तान उगे फिर वोलना, एने ता केणे बाज गीया, “आपु ज्य काय केऱ्या काय इस्राएली माणहाह आपणी सेवा चाकरीम रेन सोड़ीन जाणे देना!”6तेवी ता तान टांगो तियार केराया एने तान सिपायाह हाती लिदो।7ता सोव होव हाजाम रेन हाजा टांगा एने मिस्र माय वाला आखा टांगा लेदा, एने ता आखा पोर आदिकारीह बोहाड्या।8एने यहोवा मिस्र देसान राजा फिरोनान मोन वातड़ो केर दिनो। केरीन तो इस्राएली माणहान पासाण पुड़नो; पुण इस्राएली माणहे ते बेफिकऱ्या जाताला।9पुण फिरोन राजान आखा गोड़ा, एने टांगा, एने ता पोर बोहणारा हेऱ्या मिस्री सिपाय तान पासाण लागीन ता फाय, जा पीहहीरोता हेऱ्या, बाल सफोन ओंगाण, रातला देरीयान दिड़े पाड़ावो टाकीन रेताला, जाय पोचना।10जुलबुखे फिरोन राजा तान आहने आवो। तेवी इस्राएली माणहे डोला उचा केरीन काय देख्या काय मिस्री आपणी पासाण आवणे बाज रेनाह; तेवी इस्राएली माणहे जुलूम बिय गीया, एने आयड़ीन यहोवा फाय मोदेक मांग्या।11एने ता मुसाह केणे बाज गीया, “काय मिस्र माय माहणे कोम पोड़ताला, ते तु आमुह तारेन मोरनेन केरता जेंगलाम लेन आवोह? तु आमु हिऱ्यो काय किऱ्यो काय आमुह मिस्र माय रेन काड़ लावोह?12काय आमु तुवाह जीस वात मिस्र माय नाह केताला, काय आमुह रेणे दे काय आमु मिस्री माणहान सेवा केरी? आमरी केरता जेंगलाम मोरने रेन ते मिस्री माणहान सेवा केरनेन हाजो एतो।”13तेवी मुसा ता माणहाह केयो, “बिवो मा, उबरेन तो सुटकारान काम दिखो, जो बोगवान आज तुमरी केरता केरी; काहाकाय जा मिस्री माणहाह आज तुमू देखतेह, ताह पोशा केदी नाय दिखहो।14बोगवान सोतास तुमरे केरता लेड़ाय केरी, तुमू ठावका रिवो।”15तेवी यहोवा मुसाह केयो, “तु काहा मोदेतीन केरता माहु आयड़ेह? इस्राएली माणहाह उकुम आप काय ता न्या रेन ओंगाण जाय।16एने तु तार डिंगो विसीन तार आथ देरीयान उपेर केर, एने तो दुय उगे एय जाय; तेवी इस्राएली माणहे देरीयान विचीम रेन कोयड़ी बुई पोर चालीन निकली जाती।17एने होमेल, मी सोता मिस्री माणहान मोनाह वातड़ो केरथु, एने ता न्यान पासाण आवती एने देरीयान विच माय रिग जाती, तेवी फिरोन एने तान सिपाय, टांगा, एने ताह पोर बोहणारान उगे रेन मारी बोड़ाय एय।18एने जुलबूखे फिरोन, एने तान टांगा, एने ता पोर बोहणारान उगे रेन मारी बोड़ाय एय, तेवी मिस्री माणहे सोमजी जाती काय मी यहोवा हे।”19तेवी बोगवानान दुत जो इस्राएली सिपायान ओंगाण ओंगाण चालतालो। जाएन तान पासाण एय गीयो; एने वादलान खांम तान ओंगाण रेन सिटो इन तान पासाण जात रिनो।20इह केरीन तो मिस्री माणहान सिपायान एने इस्राएली माणहान सिपायान विच माय आव गीयो; तो वादलो मिस्री माणहा पोर आंदारो केऱ्यो एने इस्राएली माणहाह उजालो आप्यो, केरीन ता रात बोरीन एका दिहरा फाय नाह आव सेकना।21तेवी मुसा तान आथ देरीयान उपेर किऱ्यो; एने यहोवा रात बोर जुलूम वारो चालाड्यो; एने देरीयाह दुय उगे केरीन पाणी ओहलो सिटो किऱ्यो, काय ता केरीन तान विच माय कोयड़ी बुय बोण गियी।22तेवी इस्राएली माणहे कोयड़ी वाटी पोर देरीयान विच माय रेन पार एन जातेह, एने देरीयान पाणी तान जीवड़े एने डाखरे उगे बितड़ान गेत उब रियेल एतो।23तेवी मिस्री, मतलब फिरोन राजान सोब गोड़ा, टांगा एने ता पोर बुहेल सोब तान पासाण पोड़ीन देरीयान विच माय जात रेना।24एने उजालो एणेन पेल यहोवा वादलान एने आक्ठान खांबा माय रेन मिस्री सिपाया पोर निजेर टाकीन ताह गाबराव दिनो।25एने तो तान टांगान पाये काड़ दिनो, एने ताह चालाड़ने केठीण एय गीयो; तेवी मिस्री एका दिहराह केतेह, “आवो, चाला आपु इस्राएली माणहान जागे रेन नाह जाता; काहाकाय यहोवा तान उगे रेन मिस्री माणहा हिऱ्यो लेड़ाणे बाज रिनोह।”26ओवतो यहोवा मुसाह केयो, “तार आथ देरीयान उपेर केर काय पाणी मिस्रीह एने तान टांगा, एने ता पोर बोहणारा पोर पोशो वोयणे बाज जाय।”27तेवी मुसा तान आथ देरीयान उपेर किऱ्यो, एने उजालो एता एतास काय एनो काय देरीयान पाणी जोहलोन तोहलोस एणे बाज गीयो; एने मिस्री पोस पायरेस नाहणे बाज गीया। पुण यहोवा ताह देरीयान विच माय बुड़ाव दिनो।28एने पाणी पोलेटनो, ते जोला टांगा एने गोड़ा पोर बोहणारे जा इस्राएलीन पासाण देरीयाम आयेल एता, ता आखा एने फिरोन राजान आखा सिपाय ता माय बुड़ गीया, एने ताम रेन एक बी नाह वोचनो।29पुण इस्राएली माणहे देरीयान विच माय हुकेल जागा पोर रेन ती पार जात रेना, एने पाणी तान जिवड़ी एने डाखरी दुयू उगे बितड़ान गेत उब रेनो।30इह केरीन यहोवा ते दिह इस्राएली माणहाह मिस्री माणहान आथाम रेन सुड़येल एने इस्राएली मिस्री माणहाह देरीयान मीरे मोरीन पुड़ रियेल देख्या।31जेवी यहोवा मिस्री पोर जो तान काम देखाड़ेल इतो, ताह देखीन इस्राएली माणहे यहोवाह बिय गीया; एने यहोवा एने तान पावोर मुसा पोर बी बुरहो केऱ्या।
The Word for the World International