दानिएल11
1“दारा नावान मादि राजान राज्यान पेल्ले वोरीह ताह ईमोत आपणे एने ताकेत आपणेन केरता मी उबरी गीयो।”2एवी दानिएल, मी तुवाह खेरी वात केथु, “फारस ने राज्या माय उंजु तीन राजा बोणती; एने न्यान बाद एक चोवथो राजा आवी, ज्यो राजा फारस ने पेल्ला राजाह रेन जुलूम मालदार रेय; राज सापड़ावणेन केरता तो मालदेनान वापेर केरी, तो एकेकाह ग्रीसान विरूद जाणेन केय।”3“तान बाद एक जुलूम ताकेतवोर राजा आवी, एने मोटला आदिकार माय तो राज केरी; तान जी मोरजी एय तीस केरी।4तो आवताच तान राज्य टुटी एने दुनियान चार बागाम वाटाएन आलेग आलेग एय जाय; तान राज्य तान सोरा एने नातण्याख ने विचीम नाय वाटाय; काहाकाय तान राज केरनेन आदिकार सांडाड़ीन दिहरा माणहाह आपाय जाय।”5“देक्षिणान मिस्र देसान राजा ताकेतवोर एय जाय, पुण ताच ने एक सेनापोती ताह रेन बी जादा ताकेतवोर एय जाय; सेनापती राज्य केरने बाज जाय एने तान राज्य जुलूम ताकेतवोर रेय।6जुलूम वोरह्या वितणेन बाद, देक्षिणान राजान सोरी उत्तर देसान राजान सोरी हेऱ्यी वाराड़ केरी; सान्ती लावणेन केरता ती ओहलो केरी। पुण ती एने देक्षिणान राजा पुरा ताकेतवोर नाय रेती, ओवता माणहे तीन एने ता माणहान जो तीह ता देसाम लायेल इतो विरूद एय जाती, एने ता माणहे तीन सोरान एने ती बायकुन एदम्यान बी विरूद एय जाती।7पुण तीस ने कुटूमाम रेन एक माणुह देक्षिणवाला राजान जागा पोर बोही; एने तान सेना पोर चेड़ाय केरीन उत्तरवाला राजान किल्ला माय रिगी, तो ता हिऱ्यो लेड़ाय केरीन जिक जाय।8तेवी तो तान देवतान मुरतीह, एने होना चांदीन किमती वोस्तुह सांडाड़ीन तो मिस्र माय ली जाय; ओवतो थोड़ाक वोरह्या वोर उत्तरवाला राजाह पोर चेड़ाय नाय केरी।9उत्तरवालो राजा देक्षिणान राज्या पोर चेड़ाय केरने आवो, पुण आरवाणेन विचार केरीन तो पुशो तान देसाम जात रिनो।”10“उत्तरवाला राजान सोरा मोट मोटला टोला टुलो केरीन लेड़ाय केरती, एने ता माय रेन एक टुलो लेड़ाय केरते लेन जिक जाय, एने सेनाह मारतेन तान किल्ले वोर लेड़ातेन जात रेय।11तेवी देक्षिणान राजा रागाम बोरायीन निकली, एने उत्तरवाला राजा हिऱ्यो लेड़ाय केरी, पुण ता फाय जुलूम सेना एन बी तो आरवाय जाय।12उत्तरवाला सेना आरवाय जाय, एने ता सेनाह देरीन ली जाती, एने देक्षिणान राजा जुलूम मोठाय केरी; एने तो लाखो माणहाह माराव देय, पुण तान जिक जादा दिह वोर नाय टिकी।”13“सिरीयान राजा दिहरा सिपाय टुलो केरी; जुलूम वोरह्या बाद तो चेड़ाय केरी, ती सेना जुलूम रेय एने ता फाय जुलूम आथ्यार रेती; ती सेना लेड़ाय केरनेन तियार रेय।14ता दिह्याम जुलूम माणहे देक्षिणवाला राजान विरूद माय एय जाती; पुण तारा माणहाम रेन बी लेड़ाणारे माणहे उठ बोहती, ता जिकती नाय, पुण इहकेरीन केरने से ज्या देरसेनान वात पुरी एय जाय।15ओवतो न्यान बाद उत्तर देसान राजा आवीन किल्लो बांदिन मोजबुत हियोर ताबाम लेय लेय। एने देक्षिणवाला राजान सेना लेड़ायीन जापाप नाय आप सेकी; न्या वोर काय देक्षिणवाला सेनान आखाम रेन हाजाला सिपाय बी ओला ताकेतवोर नाय रेती काय ता उत्तरवाला सेनाह रोक सेकी।16उत्तरवाला राजान जोहलो मोरजी एय, तोहलोस केरी; ताह कुण बी रोक नाय सेकी, हाजा देसान राज एने नियंत्रण तान आथाम आवी, ताह आखा देसा पोर तान आदिकार एय जाय।”17“ओवतो उत्तरवालो राजा देक्षिणवाला राजा हिऱ्यो लेड़ाणेन केरता तान आखी ताकेतीन वापेर केरनेन निश्चय केरी, तो तान एक सोरीन वाराड़ देक्षिणवाला राजा हिऱ्यो केर देय; देक्षिणवाला राजाह आरेवणेन केरता तो इहकेरीन केरी, पुण तान योजना पुरी नाय एय, ज्या योजना केरीन ताह काय फायदो नाय एय।18तेवी तो उत्तरवाला राजा बुमद्य देरीयान दिड़ेवाला देसान उगे वोली, तो जुलूम देसाह आरवीन जिक लेय, पुण एक सेनापोती उत्तरवाला राजान गोमेंडाह खेतेम केरी; तो सेनापोती ता उत्तरवाला राजाह लाजवाड़ी।19तान बाद उत्तरवालो राजा सोतान देसावालो मोजबुत किल्लाम पोशो जात रेय, पुण तो कोमजोर एन पोड़ी, एने तो खेतेम एय जाय।”20“ओवतो उत्तरवाला राजान बाद नोवालो राजा आवी, तो मोज माय जीवाय जीवणेन केरता पोयशा टुलो केरनेन केरता तो उकालनाराह मोकली; पुण थोड़ास वोरह्याम तो बिगेर लेड़ाय किरेल मोर जाय।”21“तान जागा पोर एक खाराब माणुह आवी, ता माणहाह राज बोड़ाय एणेन लायकी नाय रेय; तो चालाकी से राजा बोणी। पुण तो सान्तीन टेमाम आवीन राज्या पोर चेड़ाय केरी, एने ता पोर कोबजा केर लेय।22तो मोटली ताकेतवोर सेनाह आरीव देय, तो नेतान वाचान मोदेक से आरीव देय।23काहाकाय ज्या खाराब राजा हेऱ्या जुलूम देस वाचा बांदती पुण तो जुठ बोली एने ताह फोसाड़ी, पुण जुलूम कोम माणहाह आरही लेन चेड़ाय केरीन जिकनो।24जेवी मालदार देसाह हाजे हुके हेते ओहलो लागी, तेवीच तो खाराब राजा ता पोर चेड़ाय केरी; तो ठिक टेम पोर चेड़ाय केरी, एने जो काम नाह ता तान डायडाया एने नाह तान डायडायान डायडाया केरताला, ताह तो केरी; आरवायेल देसान मालदेन लुटीन तान माणहाह आपी। तो मोजबुत हेयराह आरेवणेन योजना बाणावी, ताह जिक जुड़ी; पुण थोड़ास टेमान केरता।”25“तेवी तो देक्षिण देसान राजान विरूद मोटली सेना लेन तान ताकेत एने ईमोताह वोड़ावी, एने देक्षिण देसान राजा जुलूम ताकेतवोर सेनाह लेन लेड़ाय ते केरी, पुण तान विरूद किरेल योजनान वोजेसे देक्षिणवाला राजा आरवाय जाय।26ता राजान हाजाला दोस्ती सोमजाय जाणारेच, ताह आरेवणेन कोसीत केरती; तान सेना आरवाय जाय, लेड़ाय माय तान जुलूम सेना माराय जाती।27तेवी ता दुयू राजान मोन बुराय केरने माय लागी, ता एकास टेबला पोर बोहीन एकमेकाह जुठ बोलती; पुण इहकेरीन केरीन ता दुयाम रेन कुणाच ने फायदो नाय एय, काहाकाय बोगवान तान खेतेम एणेन टेम निश्चित किरेल हे।28जुलूम मालदेन लेन उत्तरवालो राजा तान देसाम पोशो जात रेय, ओवतो चोखाला वाचान विरूद खाराब काम केरनेन तो ठेरावी; तो तान योजना पारमाणे आखो काम केरी ओवतो तान देसाम पोशो जात रेय।”29“ठिक टेम आवतास पोशो, उत्तरवालो राजा, देक्षिणवाला राजा पोर चेड़ाय केरी, पुण एवी पेल ने गेत, तो जिकी नाय।30पश्चिम रेन कित्तीम ने डोंडह्या आवती एने उत्तरवाला राजान विरूद लेड़ाय केरती।”
“ओवतो तो ता डोंडह्याह आवताला देखीन बिय जाय; एने तो नाराज एन वोल जाय, एने चोखाला वाचा पोर तो तान राग उतारी। तो जा माणहे चोखाला वाचा पोर चालने सोड़ दियेल एता, ताह मोदेक केरी।31उवतो उत्तरवालो राजा यरूशलेमान चोखालो जागाह एने किल्लाह एठो केरनेन केरता तान सेना मोकली, ती सेना माणहाह कायेम बोली केरने नाय देती; एने ता खाराब वोस्तुह उबा केरती एने जा उजाड देती।32चोखाला वाचा पोर चालने सोड़ दियेल माणहाह उत्तरवालो राजा जुठ बोलीन फोसाड़ी; पुण जा माणहे बोगवानाह जाणतेह, एने तान उकुम मानतेह, ता मोजबुत एय जाती एने पोलटीन लेड़ाय केरती।33एने माणहा माय रेन जा सोमेजदार हेते ता जुलूम जाणाह हिकाड़ती, तीबी ताह पिढ़ा वेठणे पोड़ी; जुलूम दिह वोर ताम रेन थोड़ाक माणहे तालवार केरीन माराय जाती एने थोड़ाक आक्ठाम टाकाय जाती; एने जेली माय टाकाय जाती, थोड़ाक जाणान गेर बार एने मालदेन सांडाड़ाय जाय।34एने जेवी ज्यी पिढ़ा आवी तेवी ताह थोड़ीक मोदेक जुड़ी, एने जा माणहे मोदेक केरती, जुलूम जाणे देखाड़ने पुरता रेती।35एने थोड़ाक सोमेजदार माराय जाती, ओहलो ज्यानकेरता एय काय ता उंजु मोजबुत बोणी, चोखा बोणी एने सेवेटल्या दिह्यान टेम आवता वोर निर्दोस रेय; ओवतो ठिक टेम पोर नास एणेन टेम आव लागी।”36तेवी तो राजा तान मोरजीन गेत काम केरी, एने सोताह आखा देवताह रेन उचो एने मोठो ठेरावी; एने आखा देवतान बोगवानान विरूद चिहटान वातु केय। एने जाह वोर त्यु आख्यु खाराब वातु एय नाह जात्यु, ताह वोर ता राजान काम पुरो ईती रेय; काहाकाय जो बोगवान ठेरायेल हे तो पुरो एण्योस हे।37तो राजा तान डायडाया मान्नु ता देवताह, एने बायकु मान्नु ता देवताह, तो काल्लास देवताह नाय मानी; पुण तो सोतान बोड़ाय किरते लेय, एने सोताह आखा देवताह रेन मोठो मानी।38तो राजा काल्लास देवतान पुजा नाय केरी, पुण तो किल्लावाला देवतान पुजा केरी; तो होनो, चांदी, जुलूम किमती हिरा एने किमती वोस्तु चेड़ावीन ओहला देवतान पुजा केरी जाह तान डायडाया जाणताला वोर नाह।39ता पाराया देवतान मोदेक से तो राजा मोजबुत किल्ला पोर चेड़ाय केरी, ताह सात देणारे पाराया राजाह तो जुलूम आदार केरते लेन ताह जुलूम जाणा पोर मुखी ठेरावी; एने तान फायदान केरता तान देसान बुयीह वाट देय, तान बोदले तो ता फाय रेन पोयशा वसुल केरी।40“सेवेटल्या दिह्याम देक्षिण देसान राजा उत्तरवाला राजा हिऱ्यो लेड़ाय केरी, पुण उत्तरवालो राजा टांगा, गोड़ा एने मोट मोटला डोंडह्याह लेन आवी एने चेड़ाय केरी; इहकेरीन तो जुलूम देसा पोर चेड़ाय केरी, एने ताह बाड़ ने गेत गीलीन ओंगाण चाल पोड़ी।41राजा वायदो किरेल देरती पोर चेड़ाय केरी, तो जुलूम देसाह आरीव देय; पुण एदोम, मोआब, एने मुखी मुखी अम्मोनी जातीन देस तान आथे वोच जाती।42जुलूम देसाह तो तान ताकेत देखाड़ी। मिस्र देसाह बी तान ताकेतीन बाराम मालुम पोड़ जाय।43तो मिस्र देसान होना चांदीन खेजानो एने आखा मालदेनान मालीक बोण जाय; लुबी एने कुशी माणहे बी तान ताबाम एय जाती।44पुण उत्तरवाला ता राजाह पुर्व एने उत्तर उगे रेन एक खोबेर होमलीन बिय जाय, एने जुलूम रागाम आवीन जुलूम जाणाह खेतेम केरनेन केरता निकली।45तो तान तोम्बु देरीयो एने चोखाला बोयड़ान विचीम उबो केरी, पुण आखरी तो खाराब राजा मोरी, तुलबुखे ताह मोदेक केरनेन ता हेर्य कुण नाय रेय।”
“ओवतो तो ता डोंडह्याह आवताला देखीन बिय जाय; एने तो नाराज एन वोल जाय, एने चोखाला वाचा पोर तो तान राग उतारी। तो जा माणहे चोखाला वाचा पोर चालने सोड़ दियेल एता, ताह मोदेक केरी।31उवतो उत्तरवालो राजा यरूशलेमान चोखालो जागाह एने किल्लाह एठो केरनेन केरता तान सेना मोकली, ती सेना माणहाह कायेम बोली केरने नाय देती; एने ता खाराब वोस्तुह उबा केरती एने जा उजाड देती।32चोखाला वाचा पोर चालने सोड़ दियेल माणहाह उत्तरवालो राजा जुठ बोलीन फोसाड़ी; पुण जा माणहे बोगवानाह जाणतेह, एने तान उकुम मानतेह, ता मोजबुत एय जाती एने पोलटीन लेड़ाय केरती।33एने माणहा माय रेन जा सोमेजदार हेते ता जुलूम जाणाह हिकाड़ती, तीबी ताह पिढ़ा वेठणे पोड़ी; जुलूम दिह वोर ताम रेन थोड़ाक माणहे तालवार केरीन माराय जाती एने थोड़ाक आक्ठाम टाकाय जाती; एने जेली माय टाकाय जाती, थोड़ाक जाणान गेर बार एने मालदेन सांडाड़ाय जाय।34एने जेवी ज्यी पिढ़ा आवी तेवी ताह थोड़ीक मोदेक जुड़ी, एने जा माणहे मोदेक केरती, जुलूम जाणे देखाड़ने पुरता रेती।35एने थोड़ाक सोमेजदार माराय जाती, ओहलो ज्यानकेरता एय काय ता उंजु मोजबुत बोणी, चोखा बोणी एने सेवेटल्या दिह्यान टेम आवता वोर निर्दोस रेय; ओवतो ठिक टेम पोर नास एणेन टेम आव लागी।”36तेवी तो राजा तान मोरजीन गेत काम केरी, एने सोताह आखा देवताह रेन उचो एने मोठो ठेरावी; एने आखा देवतान बोगवानान विरूद चिहटान वातु केय। एने जाह वोर त्यु आख्यु खाराब वातु एय नाह जात्यु, ताह वोर ता राजान काम पुरो ईती रेय; काहाकाय जो बोगवान ठेरायेल हे तो पुरो एण्योस हे।37तो राजा तान डायडाया मान्नु ता देवताह, एने बायकु मान्नु ता देवताह, तो काल्लास देवताह नाय मानी; पुण तो सोतान बोड़ाय किरते लेय, एने सोताह आखा देवताह रेन मोठो मानी।38तो राजा काल्लास देवतान पुजा नाय केरी, पुण तो किल्लावाला देवतान पुजा केरी; तो होनो, चांदी, जुलूम किमती हिरा एने किमती वोस्तु चेड़ावीन ओहला देवतान पुजा केरी जाह तान डायडाया जाणताला वोर नाह।39ता पाराया देवतान मोदेक से तो राजा मोजबुत किल्ला पोर चेड़ाय केरी, ताह सात देणारे पाराया राजाह तो जुलूम आदार केरते लेन ताह जुलूम जाणा पोर मुखी ठेरावी; एने तान फायदान केरता तान देसान बुयीह वाट देय, तान बोदले तो ता फाय रेन पोयशा वसुल केरी।40“सेवेटल्या दिह्याम देक्षिण देसान राजा उत्तरवाला राजा हिऱ्यो लेड़ाय केरी, पुण उत्तरवालो राजा टांगा, गोड़ा एने मोट मोटला डोंडह्याह लेन आवी एने चेड़ाय केरी; इहकेरीन तो जुलूम देसा पोर चेड़ाय केरी, एने ताह बाड़ ने गेत गीलीन ओंगाण चाल पोड़ी।41राजा वायदो किरेल देरती पोर चेड़ाय केरी, तो जुलूम देसाह आरीव देय; पुण एदोम, मोआब, एने मुखी मुखी अम्मोनी जातीन देस तान आथे वोच जाती।42जुलूम देसाह तो तान ताकेत देखाड़ी। मिस्र देसाह बी तान ताकेतीन बाराम मालुम पोड़ जाय।43तो मिस्र देसान होना चांदीन खेजानो एने आखा मालदेनान मालीक बोण जाय; लुबी एने कुशी माणहे बी तान ताबाम एय जाती।44पुण उत्तरवाला ता राजाह पुर्व एने उत्तर उगे रेन एक खोबेर होमलीन बिय जाय, एने जुलूम रागाम आवीन जुलूम जाणाह खेतेम केरनेन केरता निकली।45तो तान तोम्बु देरीयो एने चोखाला बोयड़ान विचीम उबो केरी, पुण आखरी तो खाराब राजा मोरी, तुलबुखे ताह मोदेक केरनेन ता हेर्य कुण नाय रेय।”
The Word for the World International