SALMOS82nhw_tbl

Toteco quinajhuac nopa jueces catli amo tetlajtolsencahuaj xitlahuac

1Toteco Dios itztoc ipan se hueyi tlasentilistli nepa ilhuicac.Huan nopona tlayolmelahua quenicatza quintlatzacuiltis nopa jueces huan quinilhuía:2“¿Hasta quema tlamis antlacajcayahuaj quema antetlajtolsencahuaj?¿Hasta quema tlamis anquinchicoicnelise amo cuajcualme catli fiero quichihuaj?3Xiquintenpalehuica catli ayamo quipiyaj tetili huan catli icnotzitzi.Xiquintlajtolsencahuaca catli tlaijiyohuíaj huan catli amo tleno quipiyaj.4Xiquinmaquixtica catli ayacmo quipiyaj chicahualistli huan quinpolohua catli quinmonequilía.Quena, xiquinmanahuica ininmaco nopa masehualme catli amo aqui quitlepanitaj.5Amojuanti catli anquintlaijiyohuiltíaj amo tleno anquimatij huan amo tleno anquimachilíaj.Annemij ipan tzintlayohuilotl huan nochi itzinpehualtil tlaltipactli huihuipica.6Quena, na nimechtocaxtijtoc ‘andioses’ huan ‘annoconehua niDios Catli Más Hueyi’,7pero quema hualas miquilistli, nimantzi anmiquise pampa amojuanti san anmasehualme.Amopantis quen ipanti aqui hueli masehuali catli quipiya tequiticayotl,pampa nochi miquise.”Quej nopa quiijto Toteco.
8¡Toteco Dios, ximotlanana huan xijtlajtolsencahua ni tlaltipactli,pampa nochi moaxca!Nochi tlalme huan tlanahuatiani eltoque momaco.
expand_more
Search