LUK17
1Yeso olieel ayio a ndɛ bubu: «Ãndɔɔ m'ãbiri baal onse ãbi k'ãkoo k'ãywɛn wɛ. Kɛn ãwua bibi me mbuul wu asa kwɛn bakyɛ asa mɔ̃!2Ngesɛ akuru ndɛ nkɔɔn yi enɛn me nkii, bvool atyal ndɛ me nzal, ye k'esa ndɛ kwɛn ngɔmɔ̃ onse ebe-baan bvi ebva onse ãbi.3Ekal y'onkyab!
Okɛɛn muaan-ngoo a yɛ osi yɛ obi, suo ndɛ obi b'esi ndɛ. Okɛɛn ndɛ okiool obi o ndɛ, dzeel ndɛ.4Ŋɛn me tsoo ndɛ osi yɛ obi nsa nsiaan , ndɛ abebvool ola yɛ me ndɔɔ yi ayɛɛn yɛ ndiri: “Mɛ̃ nsi yɛ obi: Dzeel mɛ̃”, yɛ abedzeel ndɛ.»5Antam alieel Mfam Yeso ndiri: «Suul okiool o bee okal b'onɛn.»6Mfam obveel bɔ ndiri: «Okɛɛn byɛ eli y'okiool si ekal m'otsiaal onge esia li mutaade, byɛ ekoo k'eyɛɛn ɔ̃ti wu wɛn: “Yeb nzuru ŋã, yi akwɛn yɔ onse ãdza m'ɔ̃ngwa”, ndɛ àsa b'etam byɛ.»7«Onse byɛ, mbuul nã wɛn okɛɛn ndɛ oli y'ɔ̃sal wu abesal ndɛ ãnguun, wuo wu abebuaal ndɛ anyam, ŋ'emwɛn ndɛ ndɛ ofi ãnguun, ndɛ ol'olieel ndɛ ndiri: “Yi abva nsɛn tswa-a-tswa ke misa?”8Hɛɛ̃-hɛ̃, ndɛ ol'olieel ndɛ ndiri: “Laan mɛ̃ ãtuo, swɛɛl ekɔ bvi ɔ̃sal, me ndɔɔ yi ayiaal a mɛ̃ mɔ̃ ŋã, kwɛn mɛ̃ nza bvool nywã. Ke mbee oŋɔ̃, yɛ fu abedza, abenywã.”9Mfam ol'obveel ɔ̃sal ondɛ ãtuɛɛn me ndɔɔ ɔ̃sal wu etam ndɛ ndɛ osa? Hɛɛ̃-hɛ̃!10Eli emfa kiki me ndɔɔ a byɛ: Ŋ'eman byɛ ɔ̃sal ndyam wueel wu atam byɛ osa, eyɛɛn wɛn: “Bee kɛn asal eli. Bee kɛn ɔ̃sal wu atam bee osa esi.”»11Me lio li ékeyi Yeso Yelusalem, ndɛ obwel mpɛ̃-a-mpɛ̃ a Samali ye Ngalile.12Ŋ'eyii esam ndɛ onse ola ngɔmɔ̃, baal kuun b'áli y'ãluu me leba, ayi me ndɔɔ yi ayemwɛɛn ye ndɛ. Kɛn a bɔ atɛɛn lela.13Bɔ abvi oluɔɔn bibi ndiri: «Mfam Yeso, sio bee nyiĩ!»14Ŋ'emwɛn Yeso bɔ, ndɛ olieel bɔ ndiri: «Eyi eyesuo nzuru ol'angaa-a-Nziã.» Me lio li eyii eyi bɔ okɔ, bɔ ayii tsɛtsɛ.15Ŋ'emwɛn ngɔmɔ̃ onse bɔ kwɛn ndɛ obvuul, ndɛ okɔɔl bam kɛn a me nkuul-a-nkuul, aya alweel Nziã bam kokɔ.16Ŋ'etɔ ndɛ, ndɛ obvi ãbuo mbwii me nsie ke nkwel a Yeso, bu abveel ndɛ ãtuɛɛn. Ndɛ áli Ɔ̃samalia.17Obobɔ, Yeso ofuul ndiri: «B'abvuul, ke kuun ali wɛ? Ke bakyɛ b'ange-bva, kwɛn ali?18Wu oyebvool, me ndɔɔ yi ayebveel Nziã ãtuɛɛn, kɛn ɔ̃nzii wu?»19Ke mbee oŋɔ̃, Yeso olieel ndɛ ndiri: «Tɛɛn, yi! Okiool o ye obvuul yɛ.»20Afalisaye afuul Yeso bubu: «Lio emã li èya Okwɛn o Nziã?» Ndɛ obveel bɔ ndiri: «Okwɛn o Nziã k'òya m'emfa ki amwɛn me mviil bubu wɛ.21Baal k'ayɛɛn bubu wɛ: “Etal, bɔ oli ŋã!”, wuo: “Bɔ oli ku!” Ke ngwel wɛ, eyɛɛ ngesɛ wɛn, Okwɛn o Nziã oli onse byɛ.»22Ke mbee oŋɔ̃, ndɛ olieel ayio ndiri: «Ãtsoo ã̀ya mɛn byɛ ekieel edzii k'emwɛn si ekal tsoo ngelemɔ̃ li Muaan a mbuul, kɛn a byɛ k'èmwɛn lɔ wɛ.23Baal akieel ayɛɛn byɛ ndiri: “Ndɛ oli ŋã!” Wuo: “ndɛ oli ku!” Ol'ebee oyi, olɔ ebee ntiin otsuu.24Ke ngwel wɛ, m'emfa kyɛn ɔ̃bɛɛn-a-nzyel ke ywel ayɛɛl ɔ̃kiri ndyam wueel, èkal emfa kiki me tsoo li eya Muaan a mbuul.25Ŋ'ɛ̃kwel kɛn ebvaan ndɛ amwɛn fool bibi, bvool ebvaan baal ba lio li atiɔ ndɛ eboo hɛ̃.26M'ãtsoo m'èya Muaan a mbuul, ãndɔɔ ãkieel ãbwel onge m'ébwel mɔ̃ me lio e Nowa.27Me lio olɔ, baal ákedza, ákenywã, ákebaal, bvool ákewa baan a bɔ k'ãbal, tiil tsoo li ésam Nowa onse ebɛɛ. Me tsoo olɔ, mpel yi enɛn éyi, bvool ébam baal bam bueel.28Ãndɔɔ ãkieel ãbwel hɛ̃ m'emfa ki ébwel mɔ̃ me lio e Loti. Me lio olɔ, baal ákedza, ákenywã, ákesuun eluɔ, áketiɔ eluɔ, ákekwɛn, bvool áketuu ãnzɔ.29Kɛn a tsoo li épal Loti onse Sodom, Nziã ási kwɛn mvel wu ãkyal a mbaa andwɔɔ, bu abam baal bam bueel.30Ãndɔɔ ãkieel ãkal emfa ngemɔ̃ hɛ̃ me tsoo li èpal Muaan a mbuul.31Me tsoo olɔ, okɛɛn mbuul oli ke ywel a nzɔ, ndɛ abee obesool, me ndɔɔ yi àyewal eluɔ e ndɛ bvi eli onse nzɔ. Emfa kiki hɛ̃, okɛɛn mbuul oli onse ãnguun, ndɛ abee nzɔ obekɔɔl.32Emeetsam me m'ã́bwel m'ɔ̃kal a Loti!33Mbuul wu àbii k'abvuul elaã e ndɛ, àywɛn a lɔ. Mbuul hɛ̃ wu àywɛn a lɔ, wu àbvuul lɔ.34Mɛ̃ eyɛɛn byɛ wɛn, me tsia ondɛ, baal buaal b'akieel akal me twal nkal a ntal ngamɔ̃, akieel awal ngɔmɔ̃, akieel asiil wumɔ̃.35Akaal buaal b'akieel atswa nsia mboo mɔ̃, akieel awal ngɔmɔ̃, akieel asiil wumɔ̃. [36Abɔɔl buaal b'akieel asal mboo mɔ̃ onse ãnguun, akieel abiri ngɔmɔ̃, akieel asiil wumɔ̃ .]»37Obobɔ, ayio afuul ndɛ ndiri: «Mfam, ãndɔɔ omɔ̃ ãkieel ãbwel kwɛn-a-kwɛn?» Ndɛ obveel bɔ bubu: «Mboo yi èkal ebiĩ, yi èbvɔɔn angɔ-nywɛn. »
Okɛɛn muaan-ngoo a yɛ osi yɛ obi, suo ndɛ obi b'esi ndɛ. Okɛɛn ndɛ okiool obi o ndɛ, dzeel ndɛ.4Ŋɛn me tsoo ndɛ osi yɛ obi nsa nsiaan , ndɛ abebvool ola yɛ me ndɔɔ yi ayɛɛn yɛ ndiri: “Mɛ̃ nsi yɛ obi: Dzeel mɛ̃”, yɛ abedzeel ndɛ.»5Antam alieel Mfam Yeso ndiri: «Suul okiool o bee okal b'onɛn.»6Mfam obveel bɔ ndiri: «Okɛɛn byɛ eli y'okiool si ekal m'otsiaal onge esia li mutaade, byɛ ekoo k'eyɛɛn ɔ̃ti wu wɛn: “Yeb nzuru ŋã, yi akwɛn yɔ onse ãdza m'ɔ̃ngwa”, ndɛ àsa b'etam byɛ.»7«Onse byɛ, mbuul nã wɛn okɛɛn ndɛ oli y'ɔ̃sal wu abesal ndɛ ãnguun, wuo wu abebuaal ndɛ anyam, ŋ'emwɛn ndɛ ndɛ ofi ãnguun, ndɛ ol'olieel ndɛ ndiri: “Yi abva nsɛn tswa-a-tswa ke misa?”8Hɛɛ̃-hɛ̃, ndɛ ol'olieel ndɛ ndiri: “Laan mɛ̃ ãtuo, swɛɛl ekɔ bvi ɔ̃sal, me ndɔɔ yi ayiaal a mɛ̃ mɔ̃ ŋã, kwɛn mɛ̃ nza bvool nywã. Ke mbee oŋɔ̃, yɛ fu abedza, abenywã.”9Mfam ol'obveel ɔ̃sal ondɛ ãtuɛɛn me ndɔɔ ɔ̃sal wu etam ndɛ ndɛ osa? Hɛɛ̃-hɛ̃!10Eli emfa kiki me ndɔɔ a byɛ: Ŋ'eman byɛ ɔ̃sal ndyam wueel wu atam byɛ osa, eyɛɛn wɛn: “Bee kɛn asal eli. Bee kɛn ɔ̃sal wu atam bee osa esi.”»11Me lio li ékeyi Yeso Yelusalem, ndɛ obwel mpɛ̃-a-mpɛ̃ a Samali ye Ngalile.12Ŋ'eyii esam ndɛ onse ola ngɔmɔ̃, baal kuun b'áli y'ãluu me leba, ayi me ndɔɔ yi ayemwɛɛn ye ndɛ. Kɛn a bɔ atɛɛn lela.13Bɔ abvi oluɔɔn bibi ndiri: «Mfam Yeso, sio bee nyiĩ!»14Ŋ'emwɛn Yeso bɔ, ndɛ olieel bɔ ndiri: «Eyi eyesuo nzuru ol'angaa-a-Nziã.» Me lio li eyii eyi bɔ okɔ, bɔ ayii tsɛtsɛ.15Ŋ'emwɛn ngɔmɔ̃ onse bɔ kwɛn ndɛ obvuul, ndɛ okɔɔl bam kɛn a me nkuul-a-nkuul, aya alweel Nziã bam kokɔ.16Ŋ'etɔ ndɛ, ndɛ obvi ãbuo mbwii me nsie ke nkwel a Yeso, bu abveel ndɛ ãtuɛɛn. Ndɛ áli Ɔ̃samalia.17Obobɔ, Yeso ofuul ndiri: «B'abvuul, ke kuun ali wɛ? Ke bakyɛ b'ange-bva, kwɛn ali?18Wu oyebvool, me ndɔɔ yi ayebveel Nziã ãtuɛɛn, kɛn ɔ̃nzii wu?»19Ke mbee oŋɔ̃, Yeso olieel ndɛ ndiri: «Tɛɛn, yi! Okiool o ye obvuul yɛ.»20Afalisaye afuul Yeso bubu: «Lio emã li èya Okwɛn o Nziã?» Ndɛ obveel bɔ ndiri: «Okwɛn o Nziã k'òya m'emfa ki amwɛn me mviil bubu wɛ.21Baal k'ayɛɛn bubu wɛ: “Etal, bɔ oli ŋã!”, wuo: “Bɔ oli ku!” Ke ngwel wɛ, eyɛɛ ngesɛ wɛn, Okwɛn o Nziã oli onse byɛ.»22Ke mbee oŋɔ̃, ndɛ olieel ayio ndiri: «Ãtsoo ã̀ya mɛn byɛ ekieel edzii k'emwɛn si ekal tsoo ngelemɔ̃ li Muaan a mbuul, kɛn a byɛ k'èmwɛn lɔ wɛ.23Baal akieel ayɛɛn byɛ ndiri: “Ndɛ oli ŋã!” Wuo: “ndɛ oli ku!” Ol'ebee oyi, olɔ ebee ntiin otsuu.24Ke ngwel wɛ, m'emfa kyɛn ɔ̃bɛɛn-a-nzyel ke ywel ayɛɛl ɔ̃kiri ndyam wueel, èkal emfa kiki me tsoo li eya Muaan a mbuul.25Ŋ'ɛ̃kwel kɛn ebvaan ndɛ amwɛn fool bibi, bvool ebvaan baal ba lio li atiɔ ndɛ eboo hɛ̃.26M'ãtsoo m'èya Muaan a mbuul, ãndɔɔ ãkieel ãbwel onge m'ébwel mɔ̃ me lio e Nowa.27Me lio olɔ, baal ákedza, ákenywã, ákebaal, bvool ákewa baan a bɔ k'ãbal, tiil tsoo li ésam Nowa onse ebɛɛ. Me tsoo olɔ, mpel yi enɛn éyi, bvool ébam baal bam bueel.28Ãndɔɔ ãkieel ãbwel hɛ̃ m'emfa ki ébwel mɔ̃ me lio e Loti. Me lio olɔ, baal ákedza, ákenywã, ákesuun eluɔ, áketiɔ eluɔ, ákekwɛn, bvool áketuu ãnzɔ.29Kɛn a tsoo li épal Loti onse Sodom, Nziã ási kwɛn mvel wu ãkyal a mbaa andwɔɔ, bu abam baal bam bueel.30Ãndɔɔ ãkieel ãkal emfa ngemɔ̃ hɛ̃ me tsoo li èpal Muaan a mbuul.31Me tsoo olɔ, okɛɛn mbuul oli ke ywel a nzɔ, ndɛ abee obesool, me ndɔɔ yi àyewal eluɔ e ndɛ bvi eli onse nzɔ. Emfa kiki hɛ̃, okɛɛn mbuul oli onse ãnguun, ndɛ abee nzɔ obekɔɔl.32Emeetsam me m'ã́bwel m'ɔ̃kal a Loti!33Mbuul wu àbii k'abvuul elaã e ndɛ, àywɛn a lɔ. Mbuul hɛ̃ wu àywɛn a lɔ, wu àbvuul lɔ.34Mɛ̃ eyɛɛn byɛ wɛn, me tsia ondɛ, baal buaal b'akieel akal me twal nkal a ntal ngamɔ̃, akieel awal ngɔmɔ̃, akieel asiil wumɔ̃.35Akaal buaal b'akieel atswa nsia mboo mɔ̃, akieel awal ngɔmɔ̃, akieel asiil wumɔ̃. [36Abɔɔl buaal b'akieel asal mboo mɔ̃ onse ãnguun, akieel abiri ngɔmɔ̃, akieel asiil wumɔ̃ .]»37Obobɔ, ayio afuul ndɛ ndiri: «Mfam, ãndɔɔ omɔ̃ ãkieel ãbwel kwɛn-a-kwɛn?» Ndɛ obveel bɔ bubu: «Mboo yi èkal ebiĩ, yi èbvɔɔn angɔ-nywɛn. »
Wycliffe Bible Translators, Inc.