Ɛ̃SAL5
1Éli ye mbuul ngɔmɔ̃ wɛn nkuũ Ananias. Ndɛ y'ɔ̃kal a ndɛ Safila atiɔ nsie yi bɔ hɛ̃.2Ndɛ olwɔɔn epie e nzi mfoo y'ɔ̃kal, oyewa antam epie ki esiil.3Kɛn a Piɛɛl olieel ndɛ bubu: «Ananias, ndɔɔ mã yi ewi yɛ Ɔ̃pfu nkuul yi asam onse ɔ̃kwal a yɛ? Yɛ apfuru Ɔ̃fel wu Ɔ̃nsensal bvool alwɔɔn epie e nzi ki etiɔ yɛ nsie!4Yɛ ale koo k'asuul nsie a yɛ ekal wuo k'asa b'edzii yɛ me nzi yi etiɔ yɛ yɔ. Ndɔɔ mã yi ebɔɔ yɛ ãtsam m'asa ndɔɔ yi bubu? Yɛ ke baal pfuru wɛ, yɛ Nziã pfuru.»5Ŋ'eyoo Ananias ãndɔɔ omɔ̃, ndɛ obvi, bu akwi. Baal bueel b'ayoo ãndɔɔ omɔ̃, buɔ bo bibi obɔɔ bɔ.6Ãnsanga ãtɛɛn, ãkuru ebiĩ, ãbiri kyɛ, bu ãyedziool.7Ke mbee ãlio ab'ãtyel, ɔ̃kal a Ananias osam, k'ayɛɛ m'ãbwel wɛ.8Piɛɛl ofuul ndɛ ndiri: «Meyɛɛn mɛ̃, byɛ nsie a byɛ m'ɔ̃bvɛn ondɛ etiɔ yɔ?» Ɔ̃kaal obveel ndiri: «Taa-taa, m'ɔ̃bvɛn ondɛ etiɔ.»9Kɛn a Piɛɛl olieel ndɛ ndiri: «Ke ndɔɔ mã yi ekuru yɛ mfoo y'ɔ̃lam me ndɔɔ yi embio Ɔ̃fel a Mfam? Yoo, enkiin e b'afi ɔ̃lam a yɛ odziool emeetɔ k'ɔ̃nywã a nzɔ, bɔ ŋ'abiri yɛ hɛ̃.»10Kɛn a me lio lili, ɔ̃kaal ondɛ obvi ke nsɛn a ntaã e Piɛɛl, bu akwi. Ŋ'esam ãnsanga, bɔ ayebɔɔ ndɛ amaakwa. Bɔ andɛɛl ndɛ, bu ayedziool ndɛ tsotsoo y'ɔ̃lam.11Buɔ bo bibi osam onse Ebvɔɔn lam lueel ye baal bueel b'ayoo ãndɔɔ omɔ̃.12Me mviɔɔl mi antam, eliĩ y'emvieel bibi ékemɔɔn onse baal. Akiool bam bueel ákebvɔɔn onse ekɔɔ e Nzɔ a Nziã ke pfoo a Salomɔ̃.13Onse baal b'asiil, mbuul ɔ̃kyam wu ákembio k'asyal tsotsoo a bɔ k'áli bam wɛ, kɛn a baal bam bueel ákewal bɔ ye bvɛɛ bibi.14Embuul e baal ékelɔɔ kɛn olɔɔ, akaal y'abɔɔl ákekiool Mfam, bvool ákekool onse nkel a akiool.15M'emfa okyɛ, baal abvi ba y'ãluũ opaal nkal abal-bal, ákesuul bɔ nkal ãntal wuo nkal ekal, me ndɔɔ yɛn ŋ'ebwel Piɛɛl, onkyam edzel-a-dzel e ndɛ enywɛn me mbuul ɔ̃bi pyɛ onse bɔ.16Embuul e baal hɛ̃ ékefa ãla mã nku-a-nku a Yelusalem. Bɔ abiri b'áli y'ãluũ ye b'áli y'ɛ̃fel mi ɛ̃bi-ɛ̃bi, bɔ bueel abvuul.17Obobɔ, ngaa-a-Nziã wu ɔ̃nɛn ye baal b'áli ye ndɛ bueel, ŋ'ayɛɛn ndiri nkel a Asaduseyɛ̃, aluul m'ɔ̃kwal-nsɔɔ me ndɔɔ antam, bɔ bu akuru k'asa ndɔɔ.18Bɔ asiin antam, bu alɔ bɔ bwal e baal bueel.19Kɛn a me tsia, ãnzwel ã Mfam Nziã ngãmɔ̃ ãyedzweel edzoo e bwal, ãpaal antam, bu ãlieel bɔ bubu:20«Eyi onse Nzɔ a Nziã, bvool eyɛɛn baal ãyɛɛn mam mbueel m'omwiĩ b'alili.»21Antam ayoo ãndɔɔ omɔ̃. Epal-epal kwɔɔl, bɔ ayɛn onse Nzɔ a Nziã, bu abvi oyiool.
Ngaa-a-Nziã wu ɔ̃nɛn ye baal b'áli ye ndɛ abvool baal a mbal yi nɛn yi Ayuda, ye nkel a akuul-kuul b'Isalayel, bu ayuɔɔl baal ayewal antam onse bwal.22Ŋ'etɔ ambwel-mbwel, bɔ k'amwɛn antam onse bwal wɛ. Bɔ akɔɔl, bu ayɛɛn bubu:23«Bee eyebɔɔ bwal lam m'okuru, ambwel-mbwel b'akiaal ali ke nkwel edzoo. Kɛn a ŋ'edzweel bee edzoo, bee k'emwɛn mbuul si ngɔmɔ̃ onse okɔ wɛ.»24Ŋ'eyoo bɔ nsia oyɔ, mfam a ankiaal a Nzɔ a Nziã y'amfam b'angaa-a-Nziã ãyal ãfi me ndɔɔ antam, bɔ abvi bam-a-bam ofuul ndiri: «Oyɔ olɔ ndɔɔ mã yi ebwel?»25Etɔ oŋɔ̃, mbuul ngɔmɔ̃ oyi oyewa bɔ nsia ndiri: «Emeeyoo, baal b'elɔ byɛ bwal ayii onse Nzɔ a Nziã abetee baal!»26Obobɔ, mfam a ankiaal a Nzɔ a Nziã oyɛn y'ambwel-mbwel a ndɛ, me ndɔɔ yi ayewal antam. Kɛn a bɔ k'asi antam me kɔɔ-kɔɔ wɛ, ke ngwel wɛ bɔ ákebal owɛɛl baal ayebam bɔ b'ambwel-mbwel m'ãnkɔɔn.27Ŋ'eyi bɔ y'antam, bɔ asuul bɔ ke nkwel a mbal yi nɛn. Ngaa-a-Nziã wu ɔ̃nɛn obvi bɔ ɛ̃mfuul ofuul bubu:28«Bee k'ewi byɛ ãnkunkwa wɛn byɛ bam me nkuũ yi obeyiool wɛ wɛ? Emeetal kwɛn ãtee ã byɛ ãmaãkɔɔn Yelusalem ndyam wueel: Byɛ edzii k'esa kwɛn etseb ki epfu e mbuul wu ebva nkal ɔ̃tswɛ a bee!»29Kɛn a Piɛɛl y'antam bakyɛ abveel bubu: «Ebvaan alweel Nziã, ke baal wɛ.30Nziã a ankiɔɔn a bia-byɛ áseel Yeso wɛn byɛ, byɛ ebam ndɛ ŋ'ebɛɛl byɛ ndɛ m'enkulusu.31Nziã ondɛɛl ndɛ ke kuɔɔl e ndɛ ki elam, bu asuul ndɛ Mfam y'Ɔ̃mvuul, me ndɔɔ yɛn baal b'Isalayel akaal ɛ̃kwal, bvool abɔɔ odzeel b'ãbi ã bɔ.32Bee eli baal b'eyɛɛn me ndɔɔ ãndɔɔ m'emwɛn bee, bee y'Ɔ̃fel wu Ɔ̃nsensal wu ewi Nziã baal b'abelweel ndɛ.»33Ŋ'eyoo baal a mbal ãndɔɔ omɔ̃, bɔ mpuru eyi bibi, bu ayi abii k'abam antam.34Kɛn a Ɔ̃falisaye ngɔmɔ̃ onse bɔ wɛn nkuũ Gamalyel otɛɛn kal-a-kal a mbal. Ndɛ áli ɔ̃yiool-ãngel wu ɔ̃nɛn wu ékewa baal bueel bvɛɛ. Ndɛ otam ndiri apaal antam onkwel-a-nzi me ndɔɔ a muaan-lio.35Ke mbee oŋɔ̃, ndɛ olieel mbal bubu: «Baal b'Isalayel, ekal y'onkyab me b'eyesa byɛ baal obɔ.36Kɛn eyiil wɛ, bia-byɛ emwɛn mbuul wɛn nkuũ Tehudas wɛn ndiri áli mbuul wu ɔ̃nɛn bvool wɛn baal nku-a-nku ɛ̃nkam ɛ̃nã (400) ánɔɔn. Abam ndɛ, bueel b'ákenɔɔn a ndɛ atsɔɔn, nkel a ndɛ bu ekwi.37Ke mbee a ndɛ, Dzuda wu ɔ̃fi-Ngalile opal, me lio li ɔ̃tsiɔ. Ndɛ odzuru ɔ̃bɔbɔ a baal ke mbee a ndɛ. Abam ndɛ hɛ̃, bueel b'ákenɔɔn a ndɛ bu atsɔɔn.38Obobɔ, mɛ̃ eyɛɛn byɛ wɛn: Ebee baal ba obesiɔɔl, eyɔɔl bɔ ayi. Ke ngwel wɛ, okɛɛn ãtsam y'ɛ̃sal ɛ̃ bɔ mi ɛ̃fa ola baal, obvɛ ekieel efa.39Kɛn ãtsam y'ɛ̃sal ɛ̃ bɔ okɛɛn mi ɛ̃fa ola Nziã bam taa-taa, byɛ k'ekoo m'otɛɛl o mɔ̃ wɛ. Ebee okie k'eyedzwaan eta ye Nziã!» Baal a mbal akiool ɔ̃dzoo a Gamalyel.40Bɔ ati antam mbel, atam kwɛn apfel bɔ ɔ̃dzii, bvool awi bɔ ãnkunkwa ndiri abee me nkuũ a Yeso bvool obeyɛɛn, bu apaal bɔ.41Obobɔ, antam ambal ke mbal. Bɔ bam bueel áli onse esɛ, ke ngwel wɛ Nziã owi bɔ dzuun me fool li emwɛn bɔ me ndɔɔ a nkuũ a Yeso.42Obobɔ, tsoo bwɛn a tsoo, bɔ k'ákeyɔɔl k'atee wuo k'atsal Nsia yi Ngesɛ ndiri Yeso oli Mãsia wɛ, ekal ke Nzɔ a Nziã, ekal ke nzɔ bwɛn a nzɔ.
Ngaa-a-Nziã wu ɔ̃nɛn ye baal b'áli ye ndɛ abvool baal a mbal yi nɛn yi Ayuda, ye nkel a akuul-kuul b'Isalayel, bu ayuɔɔl baal ayewal antam onse bwal.22Ŋ'etɔ ambwel-mbwel, bɔ k'amwɛn antam onse bwal wɛ. Bɔ akɔɔl, bu ayɛɛn bubu:23«Bee eyebɔɔ bwal lam m'okuru, ambwel-mbwel b'akiaal ali ke nkwel edzoo. Kɛn a ŋ'edzweel bee edzoo, bee k'emwɛn mbuul si ngɔmɔ̃ onse okɔ wɛ.»24Ŋ'eyoo bɔ nsia oyɔ, mfam a ankiaal a Nzɔ a Nziã y'amfam b'angaa-a-Nziã ãyal ãfi me ndɔɔ antam, bɔ abvi bam-a-bam ofuul ndiri: «Oyɔ olɔ ndɔɔ mã yi ebwel?»25Etɔ oŋɔ̃, mbuul ngɔmɔ̃ oyi oyewa bɔ nsia ndiri: «Emeeyoo, baal b'elɔ byɛ bwal ayii onse Nzɔ a Nziã abetee baal!»26Obobɔ, mfam a ankiaal a Nzɔ a Nziã oyɛn y'ambwel-mbwel a ndɛ, me ndɔɔ yi ayewal antam. Kɛn a bɔ k'asi antam me kɔɔ-kɔɔ wɛ, ke ngwel wɛ bɔ ákebal owɛɛl baal ayebam bɔ b'ambwel-mbwel m'ãnkɔɔn.27Ŋ'eyi bɔ y'antam, bɔ asuul bɔ ke nkwel a mbal yi nɛn. Ngaa-a-Nziã wu ɔ̃nɛn obvi bɔ ɛ̃mfuul ofuul bubu:28«Bee k'ewi byɛ ãnkunkwa wɛn byɛ bam me nkuũ yi obeyiool wɛ wɛ? Emeetal kwɛn ãtee ã byɛ ãmaãkɔɔn Yelusalem ndyam wueel: Byɛ edzii k'esa kwɛn etseb ki epfu e mbuul wu ebva nkal ɔ̃tswɛ a bee!»29Kɛn a Piɛɛl y'antam bakyɛ abveel bubu: «Ebvaan alweel Nziã, ke baal wɛ.30Nziã a ankiɔɔn a bia-byɛ áseel Yeso wɛn byɛ, byɛ ebam ndɛ ŋ'ebɛɛl byɛ ndɛ m'enkulusu.31Nziã ondɛɛl ndɛ ke kuɔɔl e ndɛ ki elam, bu asuul ndɛ Mfam y'Ɔ̃mvuul, me ndɔɔ yɛn baal b'Isalayel akaal ɛ̃kwal, bvool abɔɔ odzeel b'ãbi ã bɔ.32Bee eli baal b'eyɛɛn me ndɔɔ ãndɔɔ m'emwɛn bee, bee y'Ɔ̃fel wu Ɔ̃nsensal wu ewi Nziã baal b'abelweel ndɛ.»33Ŋ'eyoo baal a mbal ãndɔɔ omɔ̃, bɔ mpuru eyi bibi, bu ayi abii k'abam antam.34Kɛn a Ɔ̃falisaye ngɔmɔ̃ onse bɔ wɛn nkuũ Gamalyel otɛɛn kal-a-kal a mbal. Ndɛ áli ɔ̃yiool-ãngel wu ɔ̃nɛn wu ékewa baal bueel bvɛɛ. Ndɛ otam ndiri apaal antam onkwel-a-nzi me ndɔɔ a muaan-lio.35Ke mbee oŋɔ̃, ndɛ olieel mbal bubu: «Baal b'Isalayel, ekal y'onkyab me b'eyesa byɛ baal obɔ.36Kɛn eyiil wɛ, bia-byɛ emwɛn mbuul wɛn nkuũ Tehudas wɛn ndiri áli mbuul wu ɔ̃nɛn bvool wɛn baal nku-a-nku ɛ̃nkam ɛ̃nã (400) ánɔɔn. Abam ndɛ, bueel b'ákenɔɔn a ndɛ atsɔɔn, nkel a ndɛ bu ekwi.37Ke mbee a ndɛ, Dzuda wu ɔ̃fi-Ngalile opal, me lio li ɔ̃tsiɔ. Ndɛ odzuru ɔ̃bɔbɔ a baal ke mbee a ndɛ. Abam ndɛ hɛ̃, bueel b'ákenɔɔn a ndɛ bu atsɔɔn.38Obobɔ, mɛ̃ eyɛɛn byɛ wɛn: Ebee baal ba obesiɔɔl, eyɔɔl bɔ ayi. Ke ngwel wɛ, okɛɛn ãtsam y'ɛ̃sal ɛ̃ bɔ mi ɛ̃fa ola baal, obvɛ ekieel efa.39Kɛn ãtsam y'ɛ̃sal ɛ̃ bɔ okɛɛn mi ɛ̃fa ola Nziã bam taa-taa, byɛ k'ekoo m'otɛɛl o mɔ̃ wɛ. Ebee okie k'eyedzwaan eta ye Nziã!» Baal a mbal akiool ɔ̃dzoo a Gamalyel.40Bɔ ati antam mbel, atam kwɛn apfel bɔ ɔ̃dzii, bvool awi bɔ ãnkunkwa ndiri abee me nkuũ a Yeso bvool obeyɛɛn, bu apaal bɔ.41Obobɔ, antam ambal ke mbal. Bɔ bam bueel áli onse esɛ, ke ngwel wɛ Nziã owi bɔ dzuun me fool li emwɛn bɔ me ndɔɔ a nkuũ a Yeso.42Obobɔ, tsoo bwɛn a tsoo, bɔ k'ákeyɔɔl k'atee wuo k'atsal Nsia yi Ngesɛ ndiri Yeso oli Mãsia wɛ, ekal ke Nzɔ a Nziã, ekal ke nzɔ bwɛn a nzɔ.
Wycliffe Bible Translators, Inc.