Bikɔmeli bi BAPƆSƆLU Bikɔmeli bi Bapɔsɔlu7
Eleho e Etsiɛni
1Nganga o Ndjakomba o monɛnɛ amowadja bo: «Mɛko imi mibalakadea bo na wɛ midii sooti?»2Etsiɛni asɔmbedja bo: «Baningani na basange i bato, hokamedjanini. Ndjakomba o ekumu aimanea kɔkɔ o biso Abalayama ta ehole edaka iyo ta Medjopotami, boso bo nde bokɛ adikama ta Halani,3ko abala na nde bo: “Kina ekomi e wɛ ko na ibota di wɛ, ko kɛɛ ta ekomi eoinedjadea mbi.”4Iboa Abalayama akina ekomi e ba Saladeɛ ko akɛɛ adaa ta Halani. Ko, ngɔngɔ dji yogo e sango, Ndjakomba amonɔdjɔ ta Halani ta ekomi ehelamakakadea ino edɛdiyeye.5Ndjakomba aimopa nongo eka emɔti e bosangoa, pɛpɛ nongo moo polo o boisa eko; endelo amodikanedja bo amopabi ekomi ko batitani ba nde baetombabi pongono ngɔngɔ dji nde. Iboa ta ehole emina Abalayama aidaka na mwana.6Indja modjɔ mobala Ndjakomba na nde: “Batitani ba wɛ bahelamabi ta ekomi ebuki, iho baimeabi babuli ko babapeabi ta ibuli bianga mikama minɛi.7Ndjakomba abali bo, endelo napabi etumbu ta ekomi eyena edabi ibo babuli. Ngɔngɔ djimina, badongabi ena ko baangɔnɔkɔbini ta esika iye .”8Iboa Ndjakomba akɔɔ mokongo na Abalayama ko embete e mokongo momina wɛtoko bolena baana baami epole. Na tina emina Abalayama alena mwana o nde Isaka epole ngɔngɔ dji bokokedja masu bomwambe; oko mondumba momina momɔti, Isaka alena mwana o nde Yakobo ko Yakobo alena bana ba nde ibia baimea bakɔkɔ ba mabota doomi na mabae .9«Bakɔkɔ ba biso baokea Yosepu swɛ ko bamotɛkɛ bɛngi aimee mobuli ta Edjipito. Endelo Ndjakomba adaaka na nde;10amotingoa ta minɔngɔ mi nde misusu. Apa Yosepu ngɔlu ko konga ta miso ma Palo, mokondji o Edjipito. Palo aimedja Yosepu gupɛlɛnɛlɛ ta Edjipito ko ta ndako e nde esusu.11Enakoboa, ndja enɛnɛ ekwa ta Edjipito esusu ko ta mokili mo Kanana. Saya edaka enɛnɛ na bonɔ ko bakɔkɔ ba biso baidiaka eka e boyaka.12Ehole eoka Yakobo ble djidaka ta Edjipito, aloma bakɔkɔ ba biso ta mbala e boso.13Akɛɛ bo mbala e babae, Yosepu asainedja na baangi nde, ko Palo aso asipoa isɔsi di nde.14Iboa Yosepu aloma bato bakɛe ahomba sange e nde Yakobo, ko denga di nde ibo basusu badaaka bato tuku sambo na batano.15Yakobo akɛɛ ta Edjipito, ko agwa iho na bakɔkɔ ba biso bakina.16Bibembe bi bobo bihula ta Sikɛmɛ ko babapusea ta ikila idii diisombaka Abalayama ta dii bana ba Amɔle .17«Iyana abatama ehole iyena ebwanaka Ndjakomba bokokedja ndikano ekɔɔkɔ iyo na Abalayama, bato ba biso babotana ko baso balumana ta Edjipito.18Iboa mokondji o yeene, atomba bokondji ta Edjipito, aidjebaka Yosepu.19Mokondji omina abanga bokosea bakɔkɔ ba biso ko bobanyɔkɔlɔ na bobaloma badumbe bana ba bobo bɛngi bagwɛ .20Mose abotama ta ehole iyena iyo adaaka mwana mopele , ta dii Ndjakomba. Abɔkɔmɔ songe basato ta ndako e sango.21Ko, ehole e modumba bo, mwana mwali o Palo amoandoa ko amobɔkɔ oko ondingo mwana moomi onde mɛnɛ .22Na tina emina Mose aikoa mɛko misusu mi konga e bato ba Edjipito, ko aokamaka na mibalo ko na mikɔ mi nde.23Ehole ekokedja yo bianga tuku inɛi, Mose atomba meko e bokɛ aindja bangi inde ba makia, ba Isalɛlɛ.24Aɛnɛ moto o Edjipito omɔti anyɔkɔlɔ omɔti o bobo; akɔ lwano ko osɔmbedja moto iyona bobe bo nde, ko aso aowa moto o Edjipito.25Alɛnɛkɛ bo baangi nde basipoadea bo Ndjakomba abatingoadea na ndjea ende; endelo ibo baidjebaka.26Ngɔngɔ dji busa bomɔti, aɛnɛ bana ba Isalɛlɛ babae baanaka ko apalaka boisa bogo ta tei e bobo. Abala na bu bo: “Baangi mbi, ino odiini bwela; oasakɔmeakadea na nu bobe nda?”27Endelo moto iyo odaaka anyɔkɔlɔ mina nde alinda Mose ko amowadja bo: “Omina osaoisa mokondji ko djudji o biso nda?28Opalakadea oowoni oko ndenge eowaki wɛ moto o Edjipito mɔkɔ?”29Ta tina e mobalo momina, Mose atia ko akɛɛ ahelama ta ekomi e Madiani. Iho, abota bana baami babae .30«Ngɔngɔ dji bianga tuku inɛi, obwɛndi omɔti adoa ta dii yo ta edhu e ngomba e Sinai, ta mole mobwanaka mosa.31Mose, akamoa ta ndelo eɛnɛ iyo modjɔ momina. Endelo ta ehole esalindaka iyo bɛngi aindje mbuti, aso aoka kɔpi e Kumu ebalaka bo:32“Nadii Ndjakomba o bakɔkɔ ba wɛ, Ndjakomba o Abalayama, o Isaka ko o Yakobo.” Mose aluma na bɔɔ, ko aihɔnɔ bokokoledja.33Iboa Kumu abala na nde bo: “Dongedja sapato ta mako ma wɛ, modjɔ mo esika iye eemi wɛ edii kpɔtɔ djisɛnɔke.34Naɛni mondumba monɔngedjakadea bo bato ba mbi ta Edjipito, ko naoki bio dji bobo natiti tina e bobatingoa. Ko edɛdiybasɛnɔkeeye kɛɛ, napalakadea naolome ta Edjipito .”35«Edii oko Mose iyona olona bana ba Isalɛlɛ na bobala bo: “Omina oisi mokondji ko na djudji nda?”, Ndjakomba amolomi ondingo mokondji ko moheledji, na ndjea e obwɛndi iyo oisainedja na nde ta mole imua mobwanaka mosa.36Edii iyo moto obaimedja ta Edjipito na bokɔ bingengo na bimbete ta mokili mo Edjipito, ta dua Ekpetu ta edhu tomba bianga tuku inei .37Edii Mose iyo obala naikina na bana ba Isalɛlɛ bo: “Ndjakomba aolomeadeani motɛli omɔti ondingo mbi , adadea omɔti ta tei bato ba bino.”38Ta ndelo eputoana bana ba Isalɛlɛ ta edhu, edii iyo moto odaaka ta tei e bakɔkɔ ba biso na obwɛndi iyona omobaleaka ta ngomba e Sinai; abolodja mibalo mi bomɔ, bɛngi amipɛ na su .39Endelo bakɔkɔ ba biso baipala bomosuma; balemoa na nde ko bapalaka bosɔmbɔ ta Edjipito.40Babala na Alona bo: “Lokɔmea ba ndjakomba ibia badaladea ta boso e biso, modjɔ mo lotadjebakadea eka etanei Mose iyoo oloimedjabi ta ekomi e Edjipito.”41Iboa ta masu imia balua ekeko e mwana o ngɔmbɛ ko baso bapa mbeka ta dii ekeko elua bo bɛnɛ, ko bakɔ tɛkɛ ta tina mosala mo mɔmɔ ma bobo .42Endelo Ndjakomba ababulɛɛ ko abakina bakumee ndjɔtɔ ba diko, oko mondumba mokomama ta buku dji batɛli bo:“Bana ba Isalɛlɛ, ediiti mbi moto iyonaobondjea ino tito ko na mbeka djikinatomba bianga tuku djinɛi ta etengelenge?43Otombakani epkangba e Moloke ko na epoya e ndjakomba o bino mondjɔtɔ Lepani,bikeko ibia bilua ino bɛngi obikumeakeni. Na tina emina naotombadeani bohali bonɔ Babilɔne.”44«Ehole edaka bakɔkɔ ba biso ta edhu, badaaka na ekpangba e buku e mokongo. Ko na iyona obala na Mose amotɔndea aekɔe, oko mondumba moɛnɛkɛ iyo.45Ehole eimea Yosoa modaledji, bana ba bobo bakatoa kpɔtɔ dji bikomi ibia bibenganaka Ndjakomba ta miso ma bobo. Iboa bakwedja ekpangba e masaka edaka na buku e molongo iho, ko eso edikama ena tee mbunoko ehole e Dhapiti .46Iyo abolodja ngɔlu ta boso bo Ndjakomba ko awadja ndjea e botonga ndako tina e batitani ba Yakobo .47Endelo, edii Sɔlɔmɔ moto o mopika ndako .48Enakoboa, Iyona Onɔi Diko tadae ta ndako idji djitongama na mɔmɔ ma bato, oko mondumba, motɔndeakadea motɛli:49“Kumu abala bo: busa bodii kiti e mbi e bokumu,ko kpɔtɔ dji dii ebakeli e mbi e mako.Obwanini botongeani ndako e mondumba nda?Esika ndani e dikamadea mbi?50Naikɔ leka ilua losusu na mɔmɔ ma mbi ?”51«Bato ba melo mipipo, bato ibia badipama milema na matoi, masu masusu tookeeni Mwembo Mosɛnɔke! Odiini ondingo bakɔkɔ ba bino.52Omina motɛli ndani odaa bakɔkɔ ba bino pɛpɛ bonɔngedja? Baowa ibia batɔndeaka bodoa bo Moto omɔti pɛ o bodju; ko edɛdiyeye, edii iyo moto okababi ino ko osaowa ino .53Ino obolodjani mobeko na ndjea e babwɛndi , ko oimosumani!»Yogo e Etsiɛni
54Amabo oka mɛko mi mina ko baso baoka kɛlɛ ko bakpɛkɛnɛkɛ mino ta tina e Etsiɛni.55Endelo Etsiɛni aluma na Mwembo Mosɛnɔke, akokoledja miso ta busa aɛnɛ ekumu e Ndjakomba ko na Yesu aemi ta ebɔ e baami e Ndjakomba.56Abala bo: «Hokamedjani, naɛni busa bodipoami ko Mwana o moto aemi ta ebɔ e baami e Ndjakomba.»57Iboa bagama na ngulu ko baditea matoi. Ibo basusu basadumba ta diko di nde,58bamoimanedja sokolu e ngando enɛnɛ ko bamoowa na mobɔkɔ. Batemo bakina bisendja bi bobo ta dii mwenga iyona odaaka sindjili na kombe e Saulu.59Ta ehole iyena emoowaka ibo na mabɔkɔ Etsiɛni aɔngɔnɔkɔ bo: «Kumu Yesu, tomba mwembo mo mbi!»60Ko akwa na magbunda ko agama na ngulu bo: «Kumu, pɛpɛ bokimanadea oko pekato iyeye !» Ngɔngɔ dji bobala kɔpi emina, aso agwa.The Seed Company