UJeremiya23nde_bib

Ugatsha Olulungileyo

1“Maye kubelusi abachitha izimvu zedlelo lami njalo bezihlakaza!” kutsho uThixo.2Ngakho uThixo, uNkulunkulu ka-Israyeli, uthi kubelusi abelusa abantu bami: “Ngenxa yokuthi lina lihlakaze umhlambi wami lawuxotshela khatshana kalaze lawunaka, ngizakwehlisela isijeziso phezu kwenu ngenxa yobubi elibenzileyo,” kutsho uThixo.3“Mina ngokwami ngizabutha insalela zezimvu zami emazweni wonke engangizixotshele kuwo ngizibuyisele edlelweni lazo, lapho ezizazalana khona zande.4Ngizazilethela abelusi abazazelusa, njalo kazisayikwesaba loba zithuthumele, loba enye yazo ilahleke,” kutsho uThixo.5UThixo uthi, “Ziyeza insuku,lapho uDavida ngizamvusela uGatsha olulungileyo,iNkosi ezabusa ngokuhlakanipha,yenze okulungileyo, lokufaneleyo elizweni.6Ensukwini zayo uJuda uzasindiswa,lo-Israyeli ahlale evikelekile.Ibizo azabizwa ngalo yileli elithi:UThixo Oyikulunga Kwethu.”
7UThixo uthi, “Ngakho-ke, insuku ziyeza, lapho abantu bengasayikuthi, ‘Ngeqiniso elinjengoba uThixo ekhona, yena owakhupha u-Israyeli eGibhithe,’8kodwa bazakuthi, ‘Ngeqiniso elinjengoba uThixo ekhona, yena owakhipha izizukulwane zika-Israyeli elizweni elisenyakatho lakuwo wonke amazwe abaxotshela kuwo.’ Lapho-ke bazahlala elizweni labo.”

Abaphrofethi Abaqamba Amanga

9Mayelana labaphrofethi:Inhliziyo yami idabukile ngaphakathi kwami;wonke amathambo ami ayaqhaqhazela.Ngifana lomuntu odakiweyo,lanjengomuntu owehlulwa liwayini,ngenxa kaThixolamazwi akhe angcwele.10Ilizwe leli ligcwele izifebe;ngenxa yesiqalekiso ilizwe lomilelamadlelo enkangala abunile.Abaphrofethi balandela indlela embi,basebenzisa amandla abo ngokungalungi.
11“Umphrofethi lomphristi kabakholwa kunkulunkulu;lasethempelini lami ngiyabufumana ububi babo,”kutsho uThixo.12“Ngakho indlela yabo izatshelela;bazaxotshelwa emnyameninjalo lapho bazakuwa.Ngizabehlisela umonakalo ngomnyaka wokujeziswa kwabo,”kutsho uThixo.
13“Phakathi kwabaphrofethi baseSamariyangabona into eyenyanyekayo:Baphrofetha ngoBhalinjalo baholela abantu bami ekulahlekeni.14Lakubaphrofethi baseJerusalemasengibone into eyesabekayo:Bayafeba baphile ngamanga.Baqinisa izandla zabenza okubi,ukuba kungabikhona oguquka ebubini bakhe.Kimi bonke banjengeSodoma;abantu baseJerusalema banjengeGomora.”15Ngakho, mayelana labaphrofethi uThixo uSomandla uthi:“Ngizabenza badle ukudla okubabayo,banathe lamanzi aletshefu,ngoba kusukela kubaphrofethi baseJerusalemaukungakholwa kuNkulunkulu sekugcwele ilizwe lonke.”16UThixo uSomandla uthi:“Lingalaleli okuphrofethwa ngabaphrofethi kini;balenza lithembe amanga.Bakhuluma imibono evela ezingqondweni zabo,engaveli emlonyeni kaThixo.17Bahlala besithi kulabo abangidelelayo,‘UThixo uthi: Lizakuba lokuthula.’Lakubo bonke abalandela inkani yezinhliziyo zabobathi, ‘Akulabubi obuzalehlela.’18Kodwa nguphi wabo owake wema emhlanganweni kaThixoukuba abone kumbe ezwe ilizwi lakhe na?Ngubani olilaleleyo walizwa ilizwi lakhe?19Khangelani, isiphepho sikaThixosizaphutsha silulaka,isavunguzane esibhoda ngolakaphezu kwamakhanda ababi.20Ulaka lukaThixo kaluyikuphelaaze azifeze ngokupheleleyoinjongo zenhliziyo yakhe.Ensukwini ezizayolizakuzwisisa kuhle lokhu.21Abaphrofethi laba angibathumanga;kodwa bagijima lemibiko yabo;kangizange ngikhulume labo,kodwa sebephrofethile.22Kodwa aluba babekhona emhlanganweni wami,ngabe bamemezela amazwi ami ebantwini baminjalo ngabe babaphendula ezindleleni zabo ezimbilasezenzweni zabo ezimbi.”
23UThixo uthi,“NginguNkulunkulu oseduze kuphela,uNkulunkulu ongekho khatshana na?24Umuntu angacatsha endaweni efihlakeleyoukuba ngingamboni na?”kutsho uThixo.“Angithi ngigcwele ezulwini lasemhlabeni na?”kutsho uThixo.25“Ngikuzwile okutshiwo ngabaphrofethi abaphrofetha amanga ngebizo lami. Bathi, ‘Ngiphuphile! Ngiphuphile!’26Koze kube nini lokhu kuqhubeka ezinhliziyweni zalaba abaphrofethi abalamanga na?27Bacabanga ukuthi amaphupho abawatshelanayo azakwenza abantu bami bakhohlwe ibizo lami, njengabokhokho babo abakhohlwa ibizo lami ngenxa yokukhonza uBhali.28Akuthi umphrofethi ophupha iphupho kalitsho, kodwa lowo olelizwi lami kalikhulume ngobuqotho, ngoba amakhoba angenzani lamabele na?” kutsho uThixo.29“Ilizwi lami kalinjengomlilo,” kutsho uThixo, “lanjengesando esidabula idwala libe yizicucu na?”30UThixo uthi, “Ngakho, ngimelana labaphrofethi abantshontsha kwabanye amazwi okuthiwa avela kimi.31Yebo, ngimelana labaphrofethi abasebenzisa indimi zabo kodwa bathi, ‘UThixo uthi,’32Ngeqiniso, ngimelana lalabo abaphrofetha amaphupho amanga,” kutsho uThixo. “Bayawatsho baholele abantu bami ekulahlekeni ngamanga abo lamawala, ikanti angizange ngibathume kumbe ngibakhethe. Kababasizi ngalutho abantu laba,” kutsho uThixo.

Isiphrofethi Samanga

33“Nxa abantu laba, loba umphrofethi kumbe umphristi, bebuza besithi, ‘Izilo likaThixo kuyini?’ wothi kubo, ‘Izilo liphi? Ngizakulahla, kutsho uThixo.’34Nxa umphrofethi loba umphristi kumbe omunye umuntu esithi, ‘Leli lizilo likaThixo,’ lowomuntu ngizamjezisa kanye labendlu yakhe.35Lokhu yikho omunye wenu ohlala ekutsho kumngane wakhe loba isihlobo sakhe ukuthi: ‘Impendulo kaThixo ithini na?’ loba ‘UThixo utheni?’36Kodwa akumelanga lithi ‘izilo likaThixo’ futhi, ngoba umuntu wonke ilizwi lakhe liba lizilo lakhe ngoba liyawahlanekela amazwi kaNkulunkulu ophilayo, uThixo uSomandla, uNkulunkulu wethu.37Lokhu yikho elihlala likutsho kumphrofethi ukuthi, ‘Impendulo kaThixo kuwe ithini?’ loba ‘UThixo utheni?’38Lanxa lina lisithi, ‘Leli lizilo likaThixo,’ uThixo uthi: Lasebenzisa amazwi athi, ‘Leli lizilo likaThixo.’ Lanxa mina ngalitshela ukuthi lingabokuthi, ‘Leli lizilo likaThixo.’39Ngakho, ngeqiniso ngizalikhohlwa ngiliphosele khatshana lami kanye ledolobho engalinika lona lina labokhokho benu.40Ngizalehlisela ihlazo elingapheliyo lokuyangeka okungayikukhohlakala.”
expand_more
Search