UHezekhiyeli7nde_bib

Isiphetho Sesifikile

1Ilizwi likaThixo lafika kimi lisithi:2“Ndodana yomuntu, nanku okutshiwo nguThixo Wobukhosi elizweni lako-Israyeli:‘Isiphetho! Isiphetho sesifikileemagumbini amane elizwe.3Isiphetho sesifikile kininjalo ngizakwehlisela ulaka lwami phezu kwenu.Ngizalahlulela ngokumayelana lezenzo zenungiliphe imivuzo kukho konke ukwenza kwenu okunengekayo.4Kangiyikulikhangela ngesihawuloba ngiliyekele,ngeqiniso ngizalinika umvuzo wezenzo zenukanye lowokwenza kwenu okunengekayo phakathi kwenu.Lapho-ke lizakwazi ukuthi mina nginguThixo.’
5Nanku okutshiwo nguThixo Wobukhosi ukuthi:‘Umonakalo! Umonakalo ongakaze ubonakale!Khangela, uyeza.6Isiphetho sesifikile!Isiphetho sesifikile!Sizivusele ukumelana lani.Bona, sesifikile!7Incithakalo isifikile kini,kini lina elihlala elizweni.Isikhathi sesifikile,ilanga selisondele;kulokuphamazela,hatshi intokozo, phezu kwezintaba.8Sekuseduze ukuba ngithululele ulaka lwami phezu kwenungiqedele ukuthukuthela kwami kini.Ngizalahlulela ngokumayelana lezenzo zenungiliphe imivuzo kukho konke ukwenza kwenu okunengekayo.9Kangiyikulikhangela ngesihawu,kangiyikuliyekela,ngizalinika umvuzo ngokumayelana lezenzo zenukanye lokwenza okunengekayo phakathi kwenu.Lapho-ke lizakwazi ukuthi yimi mina Thixo otshayayo.10Usuku selukhona!Bona, selufikile!Incithakalo isipatshakile,induku isihlumile,ukuziphakamisa sekuqhakazile.11Udlakela selukhulelwaba yinduku yokujezisa ububi;kakho ebantwini ozatshiywa;kakho kuleliya xuku,akula notho,akulalutho oluligugu.12Isikhathi sesifikile,usuku selufikile.Umthengi kangathokozikumbe umthengisi abe lusizi,ngoba ulaka luphezu kwexuku lonke.13Umthengisi kayikuyifumanaimpahla eyathengiswayo,nxa owathengisayo lowathengayo besaphila,ngoba umbono ngexuku lonkekawuyikuhlehliselwa emuva.Ngenxa yezono zabo kakho lamunye waboozalondoloza ukuphila kwakhe.
14Loba bekhalisa icilongobenze izinto zonke zilunge,kakho ozakuya empini,ngoba ulaka lwami luphezu kwexuku lonke.15Ngaphandle kulempi,ngaphakathi kulesifo lendlala,labo abasemaphandlenibazabulawa ngenkemba,njalo labo abaphakathi kwedolobhobazaqothulwa yindlala lesifo.16Bonke abaphunyukayo babalekebazakuba sezintabeni,bebubula njengamajuba asezigodini,yilowo lalowo ngenxa yezono zakhe.17Izandla zonke zizaxega,lamadolo wonke abe buthakathaka njengamanzi.18Bazagqoka amasakababe lokwesaba.Ubuso babo buzakuba lehlazolamakhanda abo aphucwe.
19Bazalahlela isiliva sabo emigwaqweni,legolide labo lizakuba njengento engcolileyo.Isiliva sabo legolide laboakuyikwanelisa ukubakhululangosuku lolaka lukaThixo.Bangeke baqede ukulamba kwabokumbe bagcwalise izisu zabo,ngoba sekubenze bakhubeka esonweni.20Babeziqhenya ngeziceciso zabo ezinhleabazisebenzisa ekwenzeni izithombe zabo ezinengekayo.Benza lemifanekiso yabo enyanyekayo,ngakho ngizakwenza kube yinto engcolileyo kubo.21Ngizanika inotho yabo njengempango kwabezizwelakwababi basemhlabeni njengezinto ezithunjiweyo,njalo bazakungcolisa.22Ngizasusa ubuso bami kubo,njalo bazangcolisa indawo yami eligugu;abaphangi bazangena,bayingcolise.
23Lungisani amaketanengoba ilizwe ligcwele ukuchitheka kwegaziledolobho ligcwele udlakela.24Ngizaletha izizwe ezimbi kakhuluukuthi zithathe izindlu zabo.Ngizaqeda ukuzigqaja kwabalamandlalezindawo zabo ezingcwele zizangcoliswa.25Lapho ukwesaba kufika,bazafuna ukuthula.26Kuzafika umonakalo phezu komonakalo,lamahungahunga phezu kwamahungahunga.Bazadinga umbono kumphrofethi,ukufundiswa komthetho ngumphristi akusoze kube khonalokweluleka kwabadala kuzaphela.27Inkosi izalila,inkosana izaphelelwa lithemba,lezandla zabantu belizwe zizaqhaqhazela.Kubo ngizakwenza okumayelana lezenzo zabo.Ngizabahlulela ngemithetho yabo.Lapho-ke bazakwazi ukuthi mina nginguThixo.’ ”
expand_more
Search