UHezekhiyeli27nde_bib

Ukulilela IThire

1Ilizwi likaThixo lafika kimi lisithi:2“Ndodana yomuntu, khala isililo ngeThire,3uthi kuyo iThire esesangweni lasolwandle, yona engumthengiseli wabantu abanengi abangasolwandle, ‘Nanku okutshiwo nguThixo Wobukhosi:Wena Thire uthi,“Ngiphelele ngobuhle.”4Umbuso wakho wawuphakathi kolwandle;abakhi bakho baphelelisa ubuhle bakho.5Wonke amapulanka akhobawenza ngezihlahla zejanipha ezivela eSeniri;bathatha umsedari eLebhanoniukuba bakwenzele insika.6Ngemi-okhi eyavela eBhashanibakwenzela amaphini okugwedla izikepe;ngezigodo zomsipresi ezavela ngasolwandle lwaseKhithimibenza indawo yokuhamba kuyo, yendlalwe impondo zendlovu.7Iseyili lakho kwakuyilineni elihle elicecisiweyo elavela eGibhithe,elaba yilona phawu lwakho;amaseyili akho okusitha ilanga ayengawokuluhlaza lokuyibubendeokwavela ngasolwandle lwase-Elisha.8Amadoda aseSidoni le-Avadi ayengabagwedli bakho;izazi zakho, wena Thire,zazisemkhunjini njengabatshayeli bomkhumbi.9Izingcwethi ezindala zaseGebhali zaziphakathi komkhumbinjengabalungisi bemikhumbi ukuba bagcike imiphetho yakho.Yonke imikhumbi yasolwandle labatshayeli bayoyeza ikanye lawe ukuzathenga impahla zakho.
10Amadoda asePhezhiya, leLudi kanye lePhuthiasebenza njengamabutho ebuthweni lakho.Alengisa amahawu awo lezingowane emidulini yakho,akulethela ubuhle obukhulu.11Amadoda ase-Avadi kanye leHelekhiabakhona emidulini yakho ezinhlangothini zonke;amadoda aseGamadiayesemiphotshongweni yakho.Aphanyeka amahawu awo inxa zonke zemiduli yakho;aphelelisa ubuhle bakho.12IThashishi yathengiselana lawe ngenxa yenotho yezimpahla zakho ezinengi; impahla yakho ethengiswayo bayithenga ngesiliva, insimbi, ithusi kanye lomnuso.13IJavani, leThubhali kanye leMesheki athengiselana lawe, athenga impahla zakho ngezigqili langezinto ezenziwe ngethusi.14Abantu baseBhethi Thogarima bathenga impahla zakho ngamabhiza omsebenzi, amabhiza empi kanye lezimbongolo.15Abantu baseRodesi bathengiselana lawe, njalo amazwe amanengi angasolwandle athenga kuwe, akubhadala ngempondo zendlovu langesihlahla esithiwa yi-ebhoni.16I-Aramu yathengiselana lawe ngenxa yezimpahla zakho ezinengi, impahla zakho ezithengiswayo bazithenga ngamatshe aligugu aluhlaza, amalembu alubende, umsebenzi ocecisiweyo, ilineni elihle, ikhorali langelitshe eliligugu elibomvu.17UJuda lo-Israyeli bathengiselana lawe; impahla zakho ezithengiswayo bazithenga ngengqoloyi eyavela eMinithi langokumnandi, uluju, amafutha kanye lenhlaka.18Ngenxa yezimpahla zakho ezinengi kanye lenotho enkulu yempahla, iDamaseko yathengiselana lawe ngewayini elivela eHelibhoni langewulu evela eZahari.19AbakoDani lamaGrikhi avela e-Uzali athenga impahla zakho; azithenga ngensimbi ekhandiweyo, langekhasiya kanye lekhalamusi.20IDedani yathengiselana lawe ngezingubo zezihlalo.21I-Arabhiya lazozonke izikhulu zaseKhedari babethenga kuwe; bathengiselana lawe ngezimvu, inqama kanye lembuzi.22Abathengi baseShebha labaseRahama bathengiselana lawe; impahla zakho bazithenga ngezinhlobo zonke ezinhle zeziyoliso langamatshe aligugu kanye legolide.23IHarani, leKhane le-Edeni kanye labathengi baseShebha, le-Asiriya kanye leKhilimadi bathengiselana lawe.24Endaweni yakho yokuthengiselana, bakuthengisela izembatho ezinhle, amalembu aluhlaza, imisebenzi ececisiweyo kanye lamajali alemibala eminengi lezintshaka eziphothiweyo njalo zilamafindo abotshwe aqina.25Imikhumbi yaseThashishiisebenza ukuthwala impahla zakho.Ugcwele impahla ezinzimaenzikini yolwandle.26Abagwedli bakhobakusa elwandle olukhulu.Kodwa umoya wasempumalanga uzakwephula ubeyiziqayiqa enzikini yolwandle.27Inotho yakho, okuthengiswayo kanye lempahla,abatshayeli bakho, labaqondisi kanye labalungisi bemikhumbi,abathengisi bakho lawo wonke amabutho akho,labanye bonke abaphakathi komkhumbibazatshona enzikini yolwandlengosuku lokonakala komkhumbi.28Amazwe angaselwandle azanyikinyekalapho abahambisa umkhumbi bakho sebehlaba umkhosi.29Bonke abaphethe amaphini okugwedlabazayitshiya imikhumbi yabo;abatshayeli bayo kanye labaqondisi bayo bonkebazakuma ekhunjini.30Bazaphakamisa amazwi abobakhale kabuhlungu ngawe;bazathela uthuli emakhanda abobagiqike emlotheni.31Bazaphuca amakhanda abo ngenxa yakhonjalo bazagqoka amasaka.Bazaqhinqa isililo ngawengesililo esibuhlungu.32Lapho bekukhalela bekulilelabazaqhinqa isililo ngawe bathi,“Ngubani owake wathuliswa njengeThire,elizungezwe lulwandle na?”33Ekuphumeni kwempahla yakho elwandlewasuthisa izizwe ezinengi;ngenotho yakho enengi langempahla yakhowanothisa amakhosi omhlaba.34Khathesi usuphahlazwe lulwandleezinzikini zamanzi:impahla yakho lenhlanganiso yakho yonkekuzatshona phansi kanye lawe.35Bonke abahlala emazweni angasolwandlebalokwesaba ngawe;amakhosi abo ayathuthumela ngokwesabalobuso bawo bunyukubaliswe luvalo.36Abathengi phakathi kwezizwe bayakuncifela;usufike ekucineni okwesabekayo,njalo kawuyikuba khona futhi.’ ”
expand_more
Search