1Mil ina abala iaa tii lasi no angelo ta et di ta tiltil sin no tsigur ta et ina balan pula ngali tilkaali no matan maal ta et ina balan pula. Ngali tilbanti xa maal ngali naba xap maal papan balan pula o papan laman o papan xa ie.2Mil iaa ga lasi iexa angelo ta xaalame lapalaa nan selina, ta taxaanai, xan axixila Moroaa iwaa ta tino. A ilei lot ngali abia no angelo ta et biaa Moroaa ta se tali xoror sin di ngali tsaalen pula ma laman, a paare,3â Gim nangaam tsaalen pula o no ie pupua sin gita ba ta aturungi xan axixila Moroaa sin no ielan xan no untutule xida Moroaa.â4Mil iaa tii ga longmien abia xoxot ina abia di, no angelo di tii aturungi xan axixila Moroaa sin di: 144,000 axaal sin no matenbung araraa in Israel.5No angelo di tii aturungi xan axixila Moroaa sin xan matenbung Juda 12,000, sin xan matenbung Ruben 12,000, Sin xan matenbung Gaad 12,0006xan matenbung Asaa 12,000, Sin xan matenbung Napetali 12,000, Sin xan matenbung Manase 12,000,7Sin xan matenbung Simeon 12,000, Sin xan matenbung Liwai 12,000, Sin matenbung Isakaa 12,000,8Sin xan matenbung Sebulon 12,000, Sin xan matenbung Josep 12,000, Sin xan matenbung Benjamin 12,000.
Biaa xaraxin malep lalon uga disdis iaas
9Mil sin abala iaa nanen ma laamuaan iaa, xaraxin malep biaa xa ta xap pupua ngali iesei, xaal sin no inaman labalaba araraa ma no matenbung, no inaman, ma no laxen totore di ta tiltil laamuaan abia muina xalkale ma talaa laamuaan aia Sipsip Dokdok. Di tamtuel lalon no uga disdis iaas ma di ga taxaanai no laxe ina baibai nan no liman di.10Ma di ga xuup lot buxa:â Atotoaa axaal sin xida MoroaaIwaa ta tsotso papan muina xalkalema laa sin iwaa Sipsip Dokdok.â11No angelo araraa di tiltil ulti muina xalkale ma ulti no xusaak ma biaa no tanua tuo ta et. Di sage putput laamuaan abia muina xalkale ma di ga langaari laa sin Moroaa,12ma di ga paareâ Aso!Paipaʼii ma minaalamma sinaae ma putsangi axaau ma mangmangle xama xoror ma watwatlaa sin xida Moroaa, laaliu ma laaliu.Aso!â13Mil iexa ina no xusaak ga atsuraa iaa, â No saa abia, di ta ugauga lalon no uga iaas, ma itaa di xaal?â14Iaa xisi, â Nugu Orong u atii.â Ma ga paare, â Balawaa no inaman, di no untaltaalnge di ta se aiepatsaa araraai biaa xaraxin xonkonon, di se guraii xadi no uga disdis ma di ga aiaasi no lalon xan dal iwaa Sipsip Dokdok.15Biaabiâ Di ga manman laamuaan xan muina xalkale Moroaama di ga langaari sin ia lasiaat ma nabing nan Xan Anua Moroaama iwaa ta tsotso papan muina xalkale naba apalasaa xan anuasel papan di.16â Di ba xap bula itolDi ba xap bula marua.Pal naba xap bula pale dima na xap alapaa di.â17Amuina iwaa Sipsip Dokdok lolobet ina muina xalkale naba tsap xadi untilaamamilnaba laamuangen di laa nan keke ina daan ina tino.â Ma Moroaa naba siwaa lii no didin mat araraa sin xadi no matan.â â â