1Biaa di se eses atataaen Jerusalem ma di tii le tsap Betapage ma Betani papan Buk Olip. Iesu ga tulen xan no tsi asasing ta lua,2ga paare ngali delulu, â Gulu laa lalon abia xobel laamuaan gululu, tiwaa tsaa biaa gulu ta se es tsiga lalon xobel, gululu ba tatanginai donki dokdok iwaa di ta pis atilngi. Xa a xap mager tsotso papan. Gulu na lubati ia ma gulu na taal axaalamengen tala.3Nawe xa atsuraa gululu, â Ngalisa gulu ta xosaraa abala?â Gulu na asaaiti ia, â Orong a saan ngali ma nap dokdok mu naba tulen mulangenai.â â â4Delu tii laa ma tatanginai donki dokdok, di ta pis tali lokobel ina sal atataaen matenmat ma delu ga lubalii ia.5Biexaa inaman di tiltil atia di ga atsura, â Semaarang abia gululu ta xosaraa? Ngalisa gulu ta lubalii donki dokdok?â6Delu xisi malen Iesu tii asaaiti delulu. Ma no inaman di sirawaa delulu ngali adi aia donki dokdok.7Biaa delulu ta le tali donki dokdok sin Iesu. Di sulali xadi no laplap disdis papan donki dokdok o ga tsotso papan.8Xuduxudu ina no inaman di sulali xadi no laplap disdis lalon sal o biexaal di adi no laxe ina ie ma di ga aturungi amusili sal.9Biaa no inaman di ta es laamua ma biaa di, di ta es amil di xuup,â Osaana!Moroaa naba atubudaani Iwaa xa ta xaalame lalon iesan xida Orong!10Moroaa naba atubudaani biaa Maradaan ta malen xan Maradaan xida mom Dewit,Osaana! Paʼii Moroaa Balalangit!â11Iesu atsiga Jerusalem ma ga laa lalon Xan Anua Moroaa. A nanen iʼis sin no mat maarang araraa, oro amuina ta se nale bingbing, asuk laa Betani mii sangaul axuuk ma ga laa lua.
Iesu a xalali no inaman di ta sune
12Sin leng papan biaa di ta se papaalii Betani, Iesu asuk itol.13Aman palpalaa tsaa ga lasi iexa ie fik taman xan no laalaa. A laa sangan aia ie fik ngali atii nawe xa waawaan biaa sin. Biaa ta se laa sangan, a xap tatanginai xaa waawaan sin, no laalaa mu. Amuina a xap xan leng no ie fik ngali waa.14O ga paare sin aia ie fik, â Naba suk xap xa na ngani xa waawaan sin iu bula.â Ma xan no tsi asasing di alongmen ia ta paare taman.15Biaa ta se tsap Jerusalem, atsiga lalon Xan Anua Moroaa, ma ga atiltsoli ngali xalel atsuulngi abia no inaman di ta susune ma biaa di, di ta iliil maarang ma susune tia. A puxenlii no ibe ina soxisi no xuxute ma no niaan xalkale ina abia di, di ta sune taman no buna.16Ma ga xap sirawaa xa ngali na adi xan no maarang laa lalon no xolot tia lalon Xan Anua Moroaa.17Ma ga asingan di, ga paare, â Di atalaa:â â â Nugu anua, di ba putsangianua ngali sausawit sin no inaman labalaba araraa.âOro gim se xosaraa ga tsap malen â xadi anua no unpulapula.â â â18No lalaamua ina no unsausawit ma no unaasasing ina lo, di alongmen abala ma di ga nen tsalei xa sal ngali sas amantei ia, oro di tii mataatinai buxaai amuina biaa malep di tunga buxa sin xan no asasing.19Biaa ta se nale bingbing di papaalii abia inaman laba.
Xan watwat tinaalnge
20Lawaareng, biaa di ta se es mula, di tii lasi abia ie fik ta se malang xaal sin xan no baa.21Pita adodomi o ga paare sin Iesu, â Rabai,lasi! Iwaa ie fik u tii xororaa a se malang.â22Iesu a xisi, â U na ie tinaalnge sin Moroaa.23Iaa asaaiti gim taman so, nawe xa a paare sin balawaa buk, â Laa lii iu tsaa talaa lau.â Ma ga xap boik lalon xan butsa oro ga taltaalnge sin sawe ta paatina naba tsap, biaa naba tsap ngali ia.24Biaabi iaa asaaiti gim, senaara gim ta ningning ngali lalon sausawit, gim na taltaalnge we gim se adi, ma biaa maarang num ba se.25Ma biaa gim ta til sausawit, nawe gim ie mamaet ngali xa, gim na adodolii abia mamaet, ngalibi nagim Mom balalangit naba adodolii nagim no mat namaang tsaxa.â
Di atsuraa Iesu taman xan banam
27Di sebula le tsap Jerusalem. O biaa Iesu ta lo eses lalon biexaa xolot ina Xan Anua Moroaa, no lalaamua ina no unsausawit, no unaasasing ina lo, ma no xusaak, di suk xaalame sangan.28Di ga atsuraa ia, â Sin sen banam o u ga xosaraa abala no maarang? Sa tali abala banam susum ngali xosaraa abala?â29Iesu ga xisi, â Iaa ben atsuraa gim taman xien atsutsura. Gim na xisi iaa, ma iaa ba asaaiti gim taman sen banam abala, iaa ta xosaraa no maarang taman.30Gim asaaiti iaa, biaa axaxadaan sin Jon, axaal balalangit o axaal sin taamat mu?â31Di usili abala labatina di tsaa, di ga epaare, â Nawe gita we axaal balalangit, naba atsuraa gita we, â O ngalisa gim ta xap taltaalnge sin ia?â32Oro nawe gita we, â Axaal mu sin no taamat.â â â (Di mataa sin no inaman, amuina di tii taltaalnge we, Jon ia propet so.)33Ma di ga xisi Iesu, â Giem xap atii.â Iesu ga paare, â Ma iaa ba xap asaaiti gim, saa tii tali abala banam sin iaa ngali xosaraa abala no maarang.â