1Sin biexa leng biaa Iesu ta lo asingan no inaman ma babaais taman inesaait mamainaang nan xolot lokobel ina Xan Anua Moroaa, no lalaamua ina no unsausawit ma no unaasasing ina lo, mii no xusaak, di ga xaalame sangan ia,2di ga paare, â Asaaiti giem, sin xan banam saa u ga xosaraa abala no maarang? Saa tali abala banam susum?â3Ga xisi, â Iaa ba atsuraa gim bula taman xa atsutsura, gim asaaiti iaa,4biaa xan axaxadaan Jon, axaal balalangit o axaal sin no inaman mu?â5Di etsura engen di, di ga paare, â Nawe gita we, â Axaal balalangit,â naba atsuraa gita, â O ngalisa gim tii xap taltaalnge sin ia?â6Oro nawe gita we, â Axaal sin no inaman mu,â balawaa no inaman di ba suk pidi amantei gita taman no xaat, amuina di taltaalnge sin Jon we, ia propet.â7Di tii xisi, â Giem xap atii itaa Jon a adi.â8Iesu ga paare, â Iaa bula iaa ba xap asaaiti gim, sin sen banam iaa ga lo xoxosaraa abala no maarang.â
Totore puapua ina no unbisbis uma
9Ga paare ngali no inaman taman abala totore puapua: â Taamat a soxaa uma waain ma ga bisi tali sin biexaa unbisbis ma ga se laa man adis palpalaa.10Sin leng ina papaas a tulen xan untutule laa sangan no unbisbis ina uma waain ngali di ba tali xaa waawaan waain ina abia uma sin ia. Oro no unbisbis di ga tsaapi ia ma di ga tulenlii gomsaai.11A sebula tulen iexa untutule, oro iwaa bula di tsaapi ma di ga amangieli ma di ga tulen mulangenai gomsaai.12A sebula tulen nanaatuul ina untutule ma no unbisbis di ga suk sas atsaxati ma di ga lii atsuulngi.13â Iwaa tapkina uma waain ga paare ngali ia tsaa, â Iaa ba se xosaraa sa? Iaa ba se tulen nugu tsi, iwaa iaa ta titii buxaai, manaa di ba manglen!â14â Oro biaa no unbisbis lalon uma waain di ta lasi, di suk epaare ngen di, â Ilawaa se naba ta tapkina uma mil. Gita na sas amantei ngali gita ba tapkina abala no mat maarang.â15Biaabi di ga lii atsuulngi nan uma, ma di ga sas amantei. â Iwaa tapkina uma waain naba se xosaraa sa sin di?16Naba xaalame ngali sas amantei abia no unbisbis ma naba tali abia uma waain laa sin biexaal.â Biaa no inaman di ta alongmen, di suk paare we, â Balawaa maarang na xap tsap!â17Iesu a nanen tutiik sin di ma ga atsuraa, â O sen muina ina abala totore biaa di ta atalaa:â â â Biaa xaat no untumtumar di tii palolii,biaa mu xaat a se tsap watwat ina anua.â18Saa ia ta xol laa papan abia xaat, naba suk xamidimidi oro iwaa xa, xaat ta xol papan, naba suk xaxaitsa.â19No unaasasing ina lo ma no lalaamua ina no unsausawit di tsalei xa sal ngali di ba suk tsiili esagaalen, amuina di se atii we biaa totore puapua ta xosaraa, a paatina ngali epuske mii di. Oro di mataatina no inaman.
Uuli taakis laa sin Sisa
20Di man atataen ngali lo xoxoen ma di ga tulen no taamat biaa di ta xosaraa di malen di tutiik. Di adodo ngali tsiili Iesu sin xaka papaare ngali di ba tali ia sin xan xoror ma banam lalaamua ina gawaman.21Ma biaa no taamat di ga atsuraa ia, â Unaasasing, giem atixi we u paare ma asasing taman sawe ta tutiik, ma u asen abia num uk saansaan ngali no inaman araraa o u asasing taman xan namaang Moroaa biaa ta asen soina.22We, a tutiik ngali giem na uuli taakis laa sin Sisa, o a xap?â23Oro Iesu a se atii xadi no atsinaa ma ga asaaiti di,24â Gim na asen xien xuxute. Nantanuaan saa ma iesan saa abia papan?â Di xisi, â Sisa.â25Ga paare sin di, â Lowas, gim na tali sin Sisa sawe biaa xan Sisa ma gim na tali sin Moroaa sawe biaa xan Moroaa.â26Di xap pupua tsaa ngali atsinaa ia taman xan no totore labatina no inaman. Di suk olol sin abia xan xixiis, di ga suk bong.
Tinapaas mula ma minaxis
27Biexaa Saadusi di ta we a xap xa tinapaas mula sin minet, di xaalame sin Iesu taman biexa atsutsura,28â Unaasasing, Moses atatal ngali giem, ga we, â Nawe xa taamat ametli xan tubu ma delu ga xap ie tsi, turamasen aia taamat naba sebula maxis sin aia aina nal, ngali delu na atsap ngen xakaa tsi aia turamasen ta se met.â29Tumasen turamasen detuu paasaalua, nan axuuk a setauan maxis sin iexa aina o ga metlii, ga xap ie tsi sin.30Ma nanaalua31ma nanaatuul a sebula maxis sin ma sin abia uk sal mu, biaa tumasen turamasen ta paasaalua, di araraa di metli, di ga xap ie tsi paina.32Mil aina bula asuk met.33Lowas, sin leng ina tinapaas mula sin minet, ilawaa aina xan tubu saa so ina di, amuina apaasaalua ina di se araraa di tii maxis sin?â34Iesu a xisi di, â No inaman sin abala nan ul di maxis ma di ba tali xadi no tsaana sin no minaxis.35Oro biaa di no saa, di ta sirawaa di ngali alet xolot sin abia nan ul ma lalon tinapaas mula sin minet di ba xap bula maxis o tali bula di sin minaxis,36ma di ba xap pupua ngali met bula amuina di se malen no angelo. Di xan no tsi Moroaa, amuina di no tsi ina tinapaas mula.37Oro Moses tsaa a asen abala taman tsintsin ina ie dokdok ta rar amuina a ilei Orong, â Xan Moroaa Abaram, ma xan Moroaa Aisak ma xan Moroaa Jakop.â38A xap ia xadi Moroaa no minet, oro ia xadi Moroaa no inaman di ta tino, amuina sin ia di araraa di tino.â39Biexaal ina abia no unaasasing ina lo, di we, â Unaasasing, u suk xiis axaautsi.â40O xa ga xap bula atsuraa Iesu taman xaa atsutsura amuina di mataatinai xan no xixiis.
Xan tsi saa Karisito
41Mil Iesu ga paare ngali di, â Asen parawe di ga paare we, Karisito xan tsi Dewit?42Xan inaatel Dewit tsaa alengi sin Saam,â â â Orong a paare sin nugu Orong,â U na tsotso sin nugu lima mua43til sin iaa ba ta xosaraa num no matenkorotmalen xa niaan xutxutsiil.â â â44Dewit a putsangi ia, â Orong,â Asen parawe, o mil ga tsap malen xan tsi?â
Xoxo ngali no unaasasing ina lo
45Biaa no inaman araraa di ta lo lolong, Iesu ga asaaiti xan no tsi asasing,46â Gim na xoxo sin no unaasasing ina lo. Di saan ngali es asen di taman no uga disdis ta silal ma di ga saan ngali no inaman di na suei atatoni di na no xolot ina susune. Ma di saan bula ngali adi xalkale lot lalon no anua sausawit ma no xalkale ina mangmangle xa sin no xariin luxaal.47Di adaani no aina nal ngali xadi no anua ma di xosaraa no ningning disdis ngali asen we di no taamat pat oro asuk xap. Biaa no mat taamat weaatalaa, Moroaa naba suk ininte buxa sin di mil.â