1Iesu atsiga Jeriko, ma ga eses labatina inaman,2Iexa taamat tia iesan Sakias, lalaamua ina no unaalalet taakis ma ia untang.3A we na suk lasi so sawaa ia Iesu, oro biaa ta pitpit, ga xap pupua amuina sin abia malep.4Biaabi ga suk sol laa laamua ma ga enngi iexa ie fikngali lasi Iesu amuina Iesu naba es xaalame sin abia sal.5Biaa Iesu ta tsap sin abia xolot, a nanen laa lapalaa, ga suk paare sin ia, â Sakias, u na tsuul isagaa xaalame lapula. Iaa ba manman mii iu lalon num anua atalaa.â6Asuk tsuul isagaa lapula, ga suei atatoni Iesu laa tatan.7No inaman araraa di lasi abia, di ga suk buriik weaatalaa, â Ilawaa taamat a se laa malen inawut lalon xan anua aia untsaxa.â8Oro Sakias a til ga asaaiti Orong, â Lasi Orong! Talaawaa iaa ba tali xolot axuuk ina nugu no mat maarang laa sin no muunwas. O nawe iaa tii se apanaai biexaal ma pulaxi xaa was, iaa ba xiis mulangena aet ina no xolot papan.â9Iesu ga paare sin ia, â Talaawaa, Atotoaa xa a se tsap nan abalaa anua, amuina ilawaa taamat bula, ia xan tsi taamat Abaram.10Xan Tsi Taamat a xaalame ngali tsalei ma atoaa abia di, di ta se xaxapinai.â
Totore puapua ina sangaul ina xuxute
11Biaa di ta lo lolong, Iesu ga asaaiti di taman abala totore puapua amuina a se atataaen Jerusalem, o no inaman di se adodo we, sauna mu xan Maradaan Moroaa naba se asemat.12Ga paare, â Iexa manmanel ta ies lot, a laa lalon biexa inaman laba palpalaa ngali di ba axilangi ngali naba King o mil na mula.13Biaabi ga ilei xan no untutule ta sangaul, ga tali sangaul ina nen xuxute sin di xuxuuk,ga we, â Gim na taxaa taman abala no xuxute til sin leng iaa ba ta mula.â14â Oro xan no uk totore lalon abia xobel di ngutsulen ia ma di ga tulen biexaa inaman ngali laa asaaiti weaatalaa, â Giem palo ngali ilawaa taamat naba tsap nagiem king.â15â Oro, iwaa taamat a se tsap king ma ga se mula laa tatan. Mil ga ilei abia no untutule, biaa di ta ben taal xuxute sin di, ngali naba atii aisa di ta se atsapngen.16â Lalaamua ina no untutule a xaalame, ga paare, â Nugu manmanel, iaa taxaa taman abia nen xuxute u ta tali sin iaa, ma ga tsap sangaul ina xuxute papan.â17â Manmanel a xisi, â Asuk axaau maase, nugu untutule axaau so, amuina u ta taxaa puaa ngali xosaraa abia tinaxaa dokdok, u ba laamuangen sangaul ina no inaman laba.â18â Nanaalua ina untutule a xaalame ma ga paare, â Nugu Manmanel, num nen xuxute a se atsapngen alima ina xuxute papan.â19â Manmanel a xisi, â U ba laamuangen no inaman laba ta lima.â20â Iexa untutule tii xaalame, ga paare, â Manmanel, biaa num nen xuxute abala, Iaa ngaati taman pu laplap ma iaa ga unngena.21Iaa suk mataa buxa amuina iu xoaat, u xaa adi no maarang u ta xap aturungi no, ma u xaa tataii senaara u ta xap soxaa.â22â Manmanel a xisi, â Iaa ba ininte sin num no totore tsaa, iu untutule morokon! U tii atixi weaatalaa, iaa taamat xoaat ma iaa xaa adi no maarang iaa ta xap aturungi no ma tataii abia no luxaal iaa ta xap soxaa no.23Ngalisa u ta xap aturungi nugu xuxute lalon anuentang, ngali nawe iaa ba mula iaa ba alet mulangena xaa xuxute papan?â24â Mil ga paare ngali abia di, di ta tiltil atat, â Gim na alet mulangena abia nen xuxute sin ma gim na laa tali sin aia untutule xan no xuxute ta sangaul.â25â Di ga paare, â Manmanel, a se sangaul xan nen xuxute tsaa.â26â A xisi, â Iaa asaaiti gim, sin no saa di ta iewas iaa ba tabiel buxaai di, oro ngali abia di, di ta xap iewas, no senaara ta tapkina no, iaa ba saali no sin.27Oro biaa nugu no matenkorot di ta xap saan ngali iaa ba tsap xadi king, gim na giwaa di xaalame ma gim na le sas amantei di laamuaan iaa!â â â
Iesu atsiga Jerusalem
28Mil sin Iesu ta se paare taman abala, asuk es laamua laa lapalaa Jerusalem.29Iesu a se tsap atataaen Betapage ma Betani, sangan buk di ta putsangi Buk ina no Olip, ga tulen xan no tsi asasing ta lua, ga asaaiti delulu,30â Gulu na laa lalon abia xobel laamuaan gululu, ma biaa gulu ba ta tsiga, gulu ba tatanginai donki dokdok xa ta xap mager tsotso papan, di ta pistali tia. Gulu na lubati sua ma gulu na xaalame taman.31Nawe xa atsuraa gululu we, â Ngalisa gulu ta lubati donki dokdok,â gulu na asaaiti, â Orong a saan ngali.â â â32Biaa delulu, ta Iesu tulen laamuangen delulu, delu tatanginai malen ta se paatinai sin delulu.33Biaa delu ta lo lulubati donki dokdok, tapkina atsuraa delulu, â Ngalisa gulu ta lubati donki dokdok?â34Delulu xisi, â Orong a saan ngali.â35Ma delu ga laamii xaalame sangan Iesu, delu aturungi xadelu no uga disdis papan donki dokdok ma delu ga aenngi Iesu.36Biaa Iesu ta se laa taman donki dokdok, no inaman di suk sulali xadi no uga disdis lalon sal laamuaan.37Biaa ta le tsap atataen abia xolot sal ta soriri papan Buk ina no Olip, biaa malep araraa ina no tsi asasing di suk atiltsoli ngali papaalam ma paʼii Moroaa taman xuupkup, ngali no axixila di tii se lasi.38Di xuup weaatala,â Atubudaani iwaa king ta xaalame sin iesan Orong!ââ Malina lalon balalangit ma minaalam lapalaa suk se!â39Biexaa no Paarasi lalon abia malep, di paare sin Iesu, â Unaasasing, u na imii num no tsi asasing ngali di na bong.â40Ga xisi di, â Iaa asaaiti gim, nawe di ba bong, no xaat di ba xuup lot.â41Biaa ta tsap Jerusalem o ga lasi inaman laba, asuk teng ngali,42ma ga paare, â Nawe gim nii se atii tsaa sin abala leng sawe naba tali malina sin gim, oro talaawaa axuxii lalon no matan gim.43No leng naba ta xaalame, biaa nagim no matenkorot di ba tumaraa xa barateng ngali epuske mii gim ma ulti gim ma asuruti gim sin no daan xolot.44Di ba araabi gim laa lapula papan pula, gim mii nagim no tsi sangan nagim no xuur. Di ba xap poroklii xa xaat papan iexa xaat, amuina gim xap nen xilalaa xan leng Moroaa ngali xaalame sangan gim.â
Iesu a laa lalon xolot lokobel ina Xan Anua Moroaa
45Iesu ga tsiga lalon xolot lokobel ina Xan Anua Moroaa ma ga xalel atsuulngi no inaman di ta sune taman xadi no maarang.46Ma ga asaaiti di, â Inaatel a paare, â Nugu anua, naba tsap anua ina sausawit.â Oro gim se xosaraa, ga tsap malen â xadi lia no unpulapula.â â47Sin no leng xuxuuk, a xaa taal asasing lalon Xan Anua Moroaa. Oro no lalaamua ina no unsausawit, no unaasasing ina lo, ma no lalaamua labatina no inaman, di lo xonkonon ngali sas amantei ia.48Oro di ga xap pupua ngali tsalei xa sal ngali tsaapi, amuina no inaman araraa di taliil sin longlongmien xan no totore.